ಮನೆಯಲ್ಲೇ ಮಾಡಿ 'ದಮ್' ಶೈಲಿಯ ಸೀಗಡಿ ಬಿರಿಯಾನಿ! ರುಚಿ ಅದ್ಭುತ, ಮಾಡಲೇಬೇಕು ಖಂಡಿತ

ವೀಕೆಂಡ್ ಸ್ಪೆಷಲ್ ಬಿರಿಯಾನಿ! ಈ ರೀತಿ ಸೀಗಡಿ ಬಿರಿಯಾನಿ ಮಾಡಿದ್ರೆ ಎಲ್ಲರ ಮನ ಗೆಲ್ಲುತ್ತೀರಾ! ನಿಮ್ಮ ಮನೆಯವರು ಒಮ್ಮೆ ಈ ರುಚಿ ನೋಡಿದ್ರೆ ಮತ್ತೆ ಮತ್ತೆ ಕೇಳುವುದು ಖಚಿತ. ನೋಡಿ ಹೇಗೆ ಮಾಡೋದು. ಹೌದು, ಸೀಗಡಿ ಬಿರಿಯಾನಿ (Prawn Biryani) ಕೇವಲ ರುಚಿಯಲ್ಲಿ ಮಾತ್ರವಲ್ಲದೆ, ಅದನ್ನು ರಾಯ್ತಾ, ಸಲಾಡ್ ಅಥವಾ ಪಾಪಡ್‌ನೊಂದಿಗೆ ಅಲಂಕರಿಸಿ ಬಡಿಸಿದಾಗ ಒಂದು ಪರಿಪೂರ್ಣ ಹಬ್ಬದ ಅಥವಾ ವಿಶೇಷ ಭೋಜನವಾಗುತ್ತದೆ. ಈ ಲೇಖನದಲ್ಲಿ ನಾವು ಮನೆಯಲ್ಲಿಯೇ ರೆಸ್ಟೋರೆಂಟ್ ರುಚಿಯ ಸೀಗಡಿ ಬಿರಿಯಾನಿಯನ್ನು ತಯಾರಿಸುವುದು ಹೇಗೆ ಎಂಬುದನ್ನು ತಿಳಿಸಿದ್ದೇವೆ.

ಸೀಗಡಿ ಬಿರಿಯಾನಿ (Seegadi Biryani) ಒಂದು ಸುವಾಸನಾಯುಕ್ತ ಮತ್ತು ಮಸಾಲೆಯುಕ್ತ ಖಾದ್ಯ. ಇದನ್ನು ಹಬ್ಬಗಳು, ಪಾರ್ಟಿಗಳು ಮತ್ತು ವಿಶೇಷ ಭೋಜನ ಕೂಟಗಳಿಗಾಗಿ ತಯಾರಿಸಲಾಗುತ್ತದೆ. ಇದು ಸೀಗಡಿ ಮತ್ತು ಬಾಸುಮತಿ ಅಕ್ಕಿಯ ಉತ್ತಮ ಮಿಶ್ರಣವನ್ನು ಹೊಂದಿರುತ್ತದೆ. ಇದನ್ನು ಮೊಸರು, ಈರುಳ್ಳಿ, ಟೊಮೆಟೊ ಮತ್ತು ಸುವಾಸನಾಯುಕ್ತ ಮಸಾಲೆಗಳೊಂದಿಗೆ ಬೇಯಿಸಲಾಗುತ್ತದೆ. ಇದರ ವಿಶೇಷತೆ ಎಂದರೆ ಇದನ್ನು 'ದಮ್' ಶೈಲಿಯಲ್ಲಿ ಬೇಯಿಸುವುದು. ಇದರಿಂದ ಸೀಗಡಿ ಮತ್ತು ಅಕ್ಕಿಯ ರುಚಿ ಸಂಪೂರ್ಣವಾಗಿ ಬೆರೆಯುತ್ತದೆ. ಬಿರಿಯಾನಿಯ ಪರಿಮಳ ಇಡೀ ಮನೆಯಲ್ಲಿ ತುಂಬುತ್ತದೆ.

Photo Credit: ಸಂಗ್ರಹ ಚಿತ್ರ

ಸೀಗಡಿ ಬಿರಿಯಾನಿ (Prawns Biryani Recipe) ಎಂದರೇನು? ಅಂತ ಹಲವರಿಗೆ ತಿಳಿದಿಲ್ಲ. ಸೀಗಡಿ ಬಿರಿಯಾನಿ ರುಚಿಕರ ಮತ್ತು ಮಸಾಲೆಯುಕ್ತ ಖಾದ್ಯವಾಗಿದ್ದು, ಇದು ಸೀಗಡಿ (ಪ್ರಾನ್ಸ್) ಮತ್ತು ಬಾಸುಮತಿ ಅಕ್ಕಿಯ ಅತ್ಯುತ್ತಮ ಮಿಶ್ರಣವನ್ನು ಒಳಗೊಂಡಿದೆ. ಇದನ್ನು ವಿಶೇಷವಾಗಿ ಹಬ್ಬಗಳು, ಪಾರ್ಟಿಗಳು ಮತ್ತು ವಿಶೇಷ ಔತಣಕೂಟಗಳಿಗೆ ತಯಾರಿಸಲಾಗುತ್ತದೆ.

ಸೀಗಡಿ ಬಿರಿಯಾನಿಗೆ ಅಗತ್ಯವಿರುವ ಪದಾರ್ಥಗಳು

• ಸೀಗಡಿ (ಪ್ರಾನ್ಸ್) - 250 ರಿಂದ 300 ಗ್ರಾಂ
• ಬಾಸುಮತಿ ಅಕ್ಕಿ - 1 ಕಪ್
• ಈರುಳ್ಳಿ - 1 ದೊಡ್ಡದು
• ಟೊಮೆಟೊ - 1 (ಕತ್ತರಿಸಿದ್ದು)
• ಹಸಿಮೆಣಸು - 2 ರಿಂದ 3
• ಶುಂಠಿ ಬೆಳ್ಳುಳ್ಳಿ ಪೇಸ್ಟ್ - 1 ಚಮಚ
• ಮೊಸರು - 2 ಚಮಚ
• ಬಿರಿಯಾನಿ ಮಸಾಲಾ - 1 ಚಮಚ
• ಅರಿಶಿನ
• ಕೆಂಪು ಮೆಣಸಿನ ಪುಡಿ
• ಉಪ್ಪು - ರುಚಿಗೆ ತಕ್ಕಷ್ಟು
• ಎಣ್ಣೆ ಅಥವಾ ತುಪ್ಪ - 2 ರಿಂದ 3 ಚಮಚ
• ಕೊತ್ತಂಬರಿ
• ಪುದೀನಾ - ಅಲಂಕರಿಸಲು
• ನಿಂಬೆಹಣ್ಣು - 1

ಸೀಗಡಿಯನ್ನು ಸಿದ್ಧಪಡಿಸುವುದು: ಮೊದಲಿಗೆ, ಸೀಗಡಿಯನ್ನು ಸ್ವಚ್ಛಗೊಳಿಸಿ. ತಲೆ ಮತ್ತು ಬಾಲವನ್ನು ತೆಗೆಯಿರಿ. ಸ್ವಲ್ಪ ಉಪ್ಪು ಮತ್ತು ನಿಂಬೆ ರಸದೊಂದಿಗೆ ಸುಮಾರು 10-15 ನಿಮಿಷಗಳ ಕಾಲ ಮ್ಯಾರಿನೇಟ್ ಮಾಡಿ. ಸ್ವಲ್ಪ ಎಣ್ಣೆಯನ್ನು ಬಿಸಿ ಮಾಡಿ, ಸೀಗಡಿಯನ್ನು ಲಘುವಾಗಿ ಹುರಿದು ಬದಿಗಿಡಿ.

ಬಿರಿಯಾನಿ ಅಕ್ಕಿಯನ್ನು ಬೇಯಿಸುವುದು: ಬಾಸುಮತಿ ಅಕ್ಕಿಯನ್ನು 30 ನಿಮಿಷಗಳ ಕಾಲ ನೀರಿನಲ್ಲಿ ನೆನೆಸಿ. ನೀರಿಗೆ ಸ್ವಲ್ಪ ಉಪ್ಪು ಸೇರಿಸಿ, ಅಕ್ಕಿಯನ್ನು 70% ಬೇಯಿಸಿ. ನಂತರ ಅಕ್ಕಿಯನ್ನು ಸೋಸಿ ಬದಿಗಿಡಿ.

ಸೀಗಡಿ ಬಿರಿಯಾನಿ ತಯಾರಿಸುವ ವಿಧಾನ

ಮೊದಲಿಗೆ, ಒಂದು ಪ್ಯಾನ್‌ನಲ್ಲಿ ಅಥವಾ ಕಡಾಯಿಯಲ್ಲಿ ಎಣ್ಣೆ ಅಥವಾ ತುಪ್ಪವನ್ನು ಬಿಸಿ ಮಾಡಿ. ಬಳಿಕ ಈರುಳ್ಳಿಯನ್ನು ಗೋಲ್ಡನ್ ಬ್ರೌನ್ ಆಗುವವರೆಗೆ ಹುರಿಯಿರಿ. ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಮತ್ತು ಹಸಿಮೆಣಸು ಸೇರಿಸಿ. ಟೊಮೆಟೊ, ಮೊಸರು ಮತ್ತು ಮಸಾಲೆಗಳನ್ನು ಸೇರಿಸಿ 5 ನಿಮಿಷ ಬೇಯಿಸಿ. ಈಗ ಸೀಗಡಿಯನ್ನು ಸೇರಿಸಿ 3-4 ನಿಮಿಷ ಬೇಯಿಸಿ.

ಇದಾದ ಬಳಿಕ ಅರ್ಧ ಬೇಯಿಸಿದ ಅಕ್ಕಿಯನ್ನು ಸೇರಿಸಿ. ನಿಧಾನವಾಗಿ ಮಿಕ್ಸ್ ಮಾಡಿ. ಮೇಲೆ ಕೊತ್ತಂಬರಿ, ಪುದೀನಾ ಮತ್ತು ಉಳಿದ ಅಕ್ಕಿಯನ್ನು ಹಾಕಿ. ಮುಚ್ಚಳ ಮುಚ್ಚಿ ಸಣ್ಣ ಉರಿಯಲ್ಲಿ ಸುಮಾರು 10 ರಿಂದ 12 ನಿಮಿಷಗಳ ಕಾಲ 'ದಮ್' ಶೈಲಿಯಲ್ಲಿ ಬೇಯಿಸಿ.

ಈ ಬಿರಿಯಾನಿಯನ್ನು (Biryani) ಪ್ಲೇಟ್‌ಗೆ ಹಾಕಿ, ಮೇಲೆ ಕೊತ್ತಂಬರಿ, ಪುದೀನಾ ಮತ್ತು ನಿಂಬೆ ರಸವನ್ನು ಹಾಕಿ. ರಾಯ್ತಾ, ಸಲಾಡ್ ಅಥವಾ ಪಾಪಡ್‌ನೊಂದಿಗೆ ಬಡಿಸಿ.