ರೆಸಿಪಿ ಟಿಪ್ಸ್: ಚಳಿಗಾಲದಲ್ಲಿ ಹಿಟ್ಟು ಚೆನ್ನಾಗಿ ಹುದುಗು ಬಂದು ಇಡ್ಲಿ ಮೃದು-ಮೃದುವಾಗಿರಲು ಟಿಪ್ಸ್

ಇಡ್ಲಿಯೆಂದರೆ ಹೂವಿನಂತೆ ಮೃದುವಾಗಿರಬೇಕು ಎಂದು ಬಯಸುತ್ತೇವೆ, ಆದರೆ ದೋಸೆ ಹಿಟ್ಟು ರೆಡಿ ಮಾಡಿ ಬೆಳಗ್ಗೆ ನೋಡಿದರೆ ಸರಿಯಾಗಿ ಹುದುಗು ಬಂದಿರುವುದಿಲ್ಲ, ಇದರಿಂದಾಗಿ ಇಡ್ಲಿ ಹೂವಿನಂತೆ ಮೃದುವಾಗಿರಲ್ಲ, ಅದರಲ್ಲೂ ಚಳಿಗಾಲದಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಂಡು ಬರುವುದು. ಬನ್ನಿ ಚಳಿಗಾಲದಲ್ಲಿ ಸೂರ್ಯ ಮುನಿಸಿಕೊಂಡು ಕಾಣಿಸದೇ ಹೋದರು ಕೂಡ ನಿಮ್ಮ ಇಡ್ಲಿ ಸೂಪರ್ ಆಗಿ ಬರಲು ಈ ಟಿಪ್ಸ್ ಅನುಸರಿಸಿ..

* ಉದ್ದಿನಬೇಳೆ ಹಾಗೂ ಅಕ್ಕಿ ಪ್ರತ್ಯೇಕ ನೆನೆಹಾಕಿ
ಕೆಲವರು ಉದ್ದಿನಬೇಳೆ ಹಾಗೂ ಅಕ್ಕಿ ಒಟ್ಟಿಗೆ ನೆನೆ ಹಾಕುತ್ತಾರೆ, ಹೇಗಿದ್ದರೂ ಎರಡನ್ನೂ ರುಬ್ಬಿ ಮಿಕ್ಸ್ ಮಾಡುತ್ತೇವೆ ಅಲ್ವಾ, ಮತ್ತೆ ಒಟ್ಟಿಗೆ ಹಾಕಿದರೆ ಏನಂತೆ ಎಂಬ ಲಾಜಿಕ್ ಅವರದ್ದು, ಆದರೆ ನಿಮಗೊಂದು ವಿಷಯ ಗೊತ್ತಾ? ನೀವು ಅಕ್ಕಿ, ಉದ್ದಿನ ಬೇಳೆ ಪ್ರತ್ಯೇಕವಾಗಿ ನೆನೆ ಹಾಕಿದರೆ ಮಾತ್ರ ಹುದುಗು ಚೆನ್ನಾಗಿ ಬರುವುದು.
ಏಕೆಂದರೆ ಉದ್ದಿನ ಬೇಳೆ ಹಾಗೂ ಅಕ್ಕಿ ಎರಡೂ ಬೇರೆ-ಬೇರೆ ಧಾನ್ಯಗಳು, ಅಲ್ಲದೆ ಉದ್ದಿನ ಬೇಳೆಯನ್ನು ಚೆನ್ನಾಗಿ ರುಬ್ಬಬೇಕು, ಅಕ್ಕಿಯನ್ನು ಅಷ್ಟು ನುಣ್ಣನೆ ರುಬ್ಬಬೇಡಿ, ನೀವು ಅಕ್ಕಿ ಹಾಗೂ ಉದ್ದಿನ ಬೇಳೆ ಜೊತೆಗೆ ಹಾಕಿದರೆ ರುಬ್ಬುವಾಗ ಇಡ್ಲಿಯ ಹದ ಅಷ್ಟು ಪರ್ಫೆಕ್ಟ್ ಬರುವುದಿಲ್ಲ.

ಈ ಟಿಪ್ಸ್ ಕೂಡ ಪಾಲಿಸಿ
* ರುಬ್ಬುವಾಗ ನೀರು ತುಂಬಾ ಹಾಕಬೇಡಿ, ಸ್ವಲ್ಪ ನೀರು ಹಾಕಿ ರುಬ್ಬಿ
* ನೀವು ದೋಸೆಗೆ ಬೇಕಾದರೆ ಅಕ್ಕಿ, ಉದ್ದಿನ ಬೇಳೆಯನ್ನು ಜೊತೆಯಲ್ಲಿ ನೆನೆಹಾಕಬಹುದು.
* ಅಕ್ಕಿ, ಉದ್ದಿನ ಬೇಳೆಯ ಪ್ರಮಾಣ
ನೀವು ಮೂರು ಕಪ್‌ ಅಕ್ಕಿ ನೆನೆ ಹಾಕಿದರೆ ಒಂದು ಕಪ್ ಉದ್ದಿನ ಬೇಳೆ ನೆನೆಹಾಕಿ.
* ಸ್ವಲ್ಪ ಮೆಂತೆ ಸೇರಿಸಿ
* ಒಂದು ಕಪ್‌ ಅವಲಕ್ಕಿ ಸೇರಿಸಿ
ಚಳಿಗಾಲದಲ್ಲಿ ಇಡ್ಲಿಗೆ ಈ ವಸ್ತು ಸೇರಿಸುವುದು ತುಂಬಾನೇ ಮುಖ್ಯ, ಹಿಟ್ಟು ರುಬ್ಬುವ ಸ್ವಲ್ಪ ಮುನ್ನ ಅವಲಕ್ಕಿ ನೆನೆ ಹಾಕಿ ಅದನ್ನು ರುಬ್ಬಿ ಹಿಟ್ಟು ಜೊತೆ ಸೇರಿಸಿ ಮಿಕ್ಸ್ ಮಾಡಿ.

ಕೈಯಿಂದಲೇ ಮಿಕ್ಸ್ ಮಾಡಿ
ಸೌಟ್‌ ಬಳಸಿ ಮಿಕ್ಸ್ ಮಾಡುವ ಬದಲಿಗೆ ನಿಮ್ಮ ಕೈಯಿಂದಲೇ 3-4 ನಿಮಿಷ ಮಿಕ್ಸ್ ಮಾಡಿ.
ನಂತರ ಸ್ವಲ್ಪ ಬೆಚ್ಚಗೆ ಇರುವ ಕಡೆ ಇಡಿ, ಒಲೆ ಹತ್ರ ಅಥವಾ ಒಂದು ನಿಮಿಷ ಹಿಟ್ಟನ್ನು ಬಿಸಿ ಮಾಡಿ, ನಂತರ ಚೆನ್ನಾಗಿ ಮಿಕ್ಸ್ ಮಾಡಿ. ಹೀಗೆ ಮಾಡುವುದರಿಂದ ಚಳಿಗಾಲದಲ್ಲಿಯೂ ಇಡ್ಲಿ ಹಿಟ್ಟು ಸೂಪರ್ ಆಗಿ ಬರುತ್ತದೆ.