ಕ್ರಿಸ್ಮಸ್‌ ರೆಸಿಪಿ: ಕ್ರಿಸ್ಮಸ್‌ಗೆ ಮುಲ್ಡ್ ವೈನ್ ತಯಾರಿಸುವುದು ಹೇಗೆ?

ಕ್ರಿಸ್ಮಸ್‌ ಬರುತ್ತಿದೆ, ಕ್ರಿಸ್ಮಸ್‌ಗೆ ಡೆಕೋರೇಷನ್‌ ಅಲ್ಲ ಮಾಡಿ ಈಗಾಗಲೇ ಕ್ರಿಸ್ಮಸ್‌ ಸೆಲೆಬ್ರೇಷನ್‌ಗೆ ಎಲ್ಲಾ ರೆಡಿ ಮಾಡಿಕೊಂಡಿರುತ್ತೀರಿ, ಈ ದಿನ ಕ್ರಿಸ್ಮಸ್ ಸ್ಪೆಷಲ್ ಆಗಿ ಮುಲ್ಡ್‌ ವೈನ್ ಇದ್ದರೆ ಇನ್ನೂ ಸೂಪರ್‌ ಆಗಿರುತ್ತದೆ, ಕೇಕ್‌ನಷ್ಟೇ ವೈನ್ ಕೂಡ ಕ್ರಿಸ್ಮಸ್‌ ಪಾರ್ಟಿಯಲ್ಲಿ ಗಮನ ಸೆಳೆಯುತ್ತದೆ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
750 ml ರೆಡ್‌ವೈನ್‌
1/4 ಕಪ್ ಬ್ರ್ಯಾಂಡಿ
1 ಕಿತ್ತಳೆ (ಸಿಪ್ಪೆ ಸುಲಿದು ರೌಂಡ್‌ ಆಗಿ ಕತ್ತರಿಸಿ)
8 ಲವಂಗ
2 ಚಕ್ಕೆ
2 ನಕ್ಷತ್ರ ಮೊಗ್ಗು
2 ಚಮಚ ಸಕ್ಕರೆ, ಜೇನು ಅಥವಾ ಮ್ಯಾಪ್ಲೆ ಸಿರಪ್
ಅಲಂಕಾರಕ್ಕೆ: ಕಿತ್ತಳೆ ಅಥವಾ ನಿಂಬೆ ಹಣ್ಣನ್ನು ವೃತ್ತಾಕಾರವಾಗಿ ಕತ್ತರಿಸಿ ಗ್ಲಾಸ್‌ಗೆ ಸಿಕ್ಕಿಸಿ.

ಮುಲ್ಲೆಡ್‌ ವೈನ್ ಮಾಡುವುದು ಸುಲಭ
ಎಲ್ಲಾ ಸಾಮಗ್ರಿ ಮಿಕ್ಸ್ ಮಾಡಿ
ಒಂದು ಪ್ಯಾನ್‌ನಲ್ಲಿ ಎಲ್ಲಾ ಸಾಮಗ್ರಿ ಹಾಕಿ

ಕಾಯಿಸಿ
* ವೈನ್‌ ಅನ್ನು ಕಡಿಮೆ ಉರಿಯಲ್ಲಿ ಕಾಯಿಸಿ, ಆದರೆ ಕುದಿಯಲು ಬಿಡಬೇಡಿ.
* ನಂತರ ಉರಿ ತುಂಬಾನೇ ಕಡಿಮೆ ಮಾಡಿ, ಪಾತ್ರೆ ಬಾಯಿಯನ್ನು ಮತ್ತೊಂದು ಪಾತ್ರೆಯಿಂದ ಮುಚ್ಚಿ ಮತ್ತೆ 15 ನಿಮಿಷ ಕಾಯಿ, ನಂತರ ಉರಿಯಿಂದ ಇಳಿಸಿ 3 ಗಂಟೆ ತಣ್ಣಗಾಗಲು ಬಿಡಿ

ಸೋಸಿ
ನಂತರ ಸೋಸಿ ನಂತರ ಸಕ್ಕರೆ ಬೇಕಿದ್ದರೆ ಸ್ವಲ್ಪ ಸೇರಿಸಿ ಸರ್ವ್ ಮಾಡಿ.

ಕ್ರಿಸ್ಮಸ್‌ಗೆ ಈ ಮುಲ್ಡ್‌ ವೈನ್‌ ಬಳಸುವುದು ವಿಶೇಷ ಏಕೆ?
ಕ್ರಿಸ್ಮಸ್‌ ಇಲ್ಲ ಎಂದರೆ ವೈನ್ ಇರದಿದ್ದರೆ ಆಗುತ್ತೇ? ಕ್ರಿಸ್ಮಸ್ ಕೇಕ್ ಎಷ್ಟು ಮುಖ್ಯವೋ ವೈನ್ ಕೂಡ ಅಷ್ಟೇ ಮುಖ್ಯ. ಅದರಲ್ಲೂ ಈ ಮುಲ್ಡ್‌ ವೈನ್‌ ತುಂಬಾನೇ ವಿಶೇಷ. ಕ್ರಿಸ್ಮಸ್‌ ಡಿಸೆಂಬರ್‌ ತಿಂಗಳಿನಲ್ಲಿ ಬರುತ್ತದೆ, ಅದರಲ್ಲೂ ಅದು ಚಳಿಗಾಲ ಹೀಗಾಗಿ ಈ ಮುಲ್ಡ್‌ ವೈನ್ ಮೈಯನ್ನು ಬೆಚ್ಚಗಿಡಲು ಸಹಕಾರಿ. ಅಲ್ಲದೆ ಈ ವೈನ್ ಸಾಮಾನ್ಯ ರೆಡ್‌ ವೈನ್‌ಗಿಂತ ಬಿಸಿಬಿಸಿಯಾಗಿ ತುಂಬಾ ಚೆನ್ನಾಗಿರುತ್ತದೆ.