ಗೋಧಿ-ರವೆಯ ರುಚಿ-ರುಚಿಯಾದ ಸಿಹಿ ಸ್ನ್ಯಾಕ್ಸ್: ಒಮ್ಮೆ ಮಾಡಿದರೆ ಎರಡು ತಿಂಗಳವರೆಗೆ ಇಟ್ಟು ಬಳಸಬಹುದು

ಮಕ್ಕಳು ಸಂಜೆ ಶಾಲೆ ಮುಗಿಸಿ ಬಂದಾಗ ಅವರಿಗೆ ಸವಿಯಲು ನೀಡಲು ಅಥವಾ ಮನೆಗೆ ಯಾರಾದರೂ ಗೆಸ್ಟ್ ಬಂದಾಗ ನೀಡಲು ಇಲ್ಲಿದೆ ರುಚಿಕರವಾದ ಸ್ನಾಕ್ಸ್ ರೆಸಿಪಿ. ಇದನ್ನು ನೀವು ತುಂಬಾ ಸುಲಭವಾಗಿ ಮಾಡಬಹುದು, ಅಲ್ಲದೆ ಇದನ್ನು ತಯಾರಿಸಿ ಗಾಳಿಯಾಡದ ಡಬ್ಬದಲ್ಲಿ ಹಾಕಿಟ್ಟರೆ ಎರಡು ತಿಂಗಳವರೆಗೆ ಬಳಸಬಹುದು. ಇದನ್ನು ಸ್ವಲ್ಪ ಗಟ್ಟಿಯಾಗಿ ಮುರಿದು ತಿನ್ನಲು ತುಂಬಾ ರುಚಿಯಾಗಿರುತ್ತದೆ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
ಗೋಧಿ ಹಿಟ್ಟು ಒಂದೂವರೆ ಕಪ್‌
ರವೆ 1/4 ಕಪ್‌
ಸಕ್ಕರೆ 1/4 ಕಪ್‌
ಬಿಳಿ ಎಳ್ಳು 2 ಚಮಚ
ನೀರು 1/4 ಕಪ್‌
ಎಣ್ಣೆ 1ಕಪ್‌

ಮಾಡುವ ವಿಧಾನ
1/4 ಕಪ್‌ ನೀರನ್ನು ಕುದಿಸಿ ಅದಕ್ಕೆ 1/4 ಕಪ್‌ ಸಕ್ಕರೆ ಹಾಕಿ, ಸಕ್ಕರೆ ಸಂ ಪೂರ್ಣ ಕರಗಿದ ಮೇಲೆ ಉರಿಯಿಂದ ಇಳಿಸಿ ಸ್ವಲ್ಪ ತಣ್ಣಗಾಗಲು ಬಿಡಿ.
* ನಂತರ ಒಂದು ಬೌಲ್‌ಗೆ ಗೋಧಿ ಹಿಟ್ಟು, ರವೆ, ಎಳ್ಳು ಹಾಕಿ ಮಿಕ್ಸ್ ಮಾಡಿ
* ಸಕ್ಕರೆ ಪಾಕ ಹಾಕಿ ಹಿಟ್ಟನ್ನು ಕಲೆಸಿ, ನಂತರ 10-15 ನಿಮಿಷ ಇಡಿ
* ನಂತರ ಎಣ್ಣೆಯನ್ನು ಬಾಣಲೆಗೆ ಹಾಕಿ ಕಾಯಿಸಿ. ತುಪ್ಪವಾದರೆ ಇನ್ನೂ ರುಚಿ
* ನಂತರ ಹಿಟ್ಟಿನಿಂದ ಚಿಕ್ಕ ಚಿಕ್ಕ ಉಂಡೆ ಕಟ್ಟಿ, ಅದನ್ನು ಕೈಯಲ್ಲಿಯೇ ತಟ್ಟಿ ಎಣ್ಣೆಗೆ ಬಿಡಿ.
* ಎರಡೂ ಬದಿ ಕಂದು ಬಣ್ಣಕ್ಕೆ ಬಂದಾಗ ಎಣ್ಣೆಯಿಂದ ತೆಗೆಯಿರಿ, ಹೀಗೆ ಮಾಡಿದರೆ ರುಚಿಕರವಾದ ಸ್ವೀಟ್ ಸ್ನ್ಯಾಕ್ಸ್ ಮತ್ರಿ ರೆಡಿ.

ಸಲಹೆ:

ಹಿಟ್ಟನ್ನು ಗಟ್ಟಿಯಾಗಿ ಕಲೆಸಿ

* ಹೆಚ್ಚು ದಿನ ಇಡದಿದ್ದರೆ ಹುರಿಗಡಲೆ ಕೂಡ ಸೇರಿಸಬಹುದು

* ತುಪ್ಪದಲ್ಲಿ ಕರಿದರೆ ಮತ್ತಷ್ಟು ರುಚಿಯಾಗಿರುತ್ತದೆ.

* ಸಿಹಿ ಬೇಕೆಂದರೆ ಇನ್ನೂ ಸ್ವಲ್ಪ ಅಧಿಕ ಸಕ್ಕರೆ ಸೇರಿಸಿ ಪಾಕ ತಯಾರಿಸಿ.

* ಎಣ್ಣೆಗೆ ಹಾಕುವಾಗ ಎಣ್ಣೆ ಸಿಡಿಯದಂತೆ ಜಾಗ್ರತೆ ವಹಿಸಿ.