ರೆಸಿಪಿ: ಮುರು ಮೀನಿನ ಫ್ರೈ 3 ರೀತಿಯಲ್ಲಿ ಮಾಡಬಹುದು ನೋಡಿ

ಮೀನಿನ ಫ್ರೈ ಮಾಡುವುದು ಬಲು ಸುಲಭ, ಮಸಾಲೆ ಹದ ಕರೆಕ್ಟ್ ಆಗಿದ್ದರೆ ಸಾಕು ತುಂಬಾ ರುಚಿಯಾದ ಮೀನಿನ ಫ್ರೈ ರೆಡಿ ಮಾಡಬಹುದು. ಇಲ್ಲಿ ಮುರು ಮೀನಿನ ಫ್ರೈ ರೆಸಿಪಿ ನೀಡಿದ್ದೇವೆ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ

ಮುರು ಮೀನು ( ನೀವು ಈ ಮೀನು ಸಿಗದಿದ್ದರೆ ಬೂತಾಯಿ, ಬಂಗುಡೆ ಕೂಡ ಬಳಸಬಹುದು)
ಮಸಾಲೆ
ಒಣ ಮೆಣಸು 6-7
ಹುಣಸೆಹಣ್ಣು
ಸ್ವಲ್ಪ ಅರಿಶಿಣ
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ 1 ಚಮಚ( ಎಸಳು, ಶುಂಠಿ ಬೇಕಿದ್ದರೆ ಹಾಕಬಹುದು)
1 ಈರುಳ್ಳಿ
ಉಪ್ಪು

ಮಾಡುವ ವಿಧಾನ

ನೀವು ಒಣಮೆಣಸು ರೋಸ್ಟ್ ಮಾಡಿ
ನಂತರ ರೋಸ್ಟ್ ಮಾಡಿದ ಮೆಣಸು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಅಥವಾ ಶುಂಠಿ-ಬೆಳ್ಳುಳ್ಳಿ ಹಾಕಿ, ಹುಣಸೆ ಹಣ್ಣು, ಈರುಳ್ಳಿ, ಉಪ್ಪು ಹಾಕಿ ಪೇಸ್ಟ್ ಮಾಡಿ
ಈಗ ಈ ಪೇಸ್ಟ್‌ ಹಚ್ಚಿ ಅರ್ಧ ಗಂಟೆ ಇಡಿ
ನಂತರ ತವಾ ಎಣ್ಣೆಗೆ ಸಾಧಾರಣ ಉರಿಯಲ್ಲಿ ( ಹೈ ಫ್ಲೇಮ್‌ ಬೇಡ, ಲೋ ಫ್ಲೇಮ್‌ಗಿಂತ ಸ್ವಲ್ಪ ಹೆಚ್ಚು) 6-7 ನಿಮಿಷ ಬೇಯಿಸಿ, ನಂತರ ಮಗುಚಿ ಹಾಕಿ ಮತ್ತೆ 5-7 ನಿಮಿಷ ಬೇಯಿಸಿದರೆ ಮುರು ಮೀನಿನ ಫ್ರೈ ರೆಡಿ.

ಇದೇ ಮಸಾಲೆ ಬಳಸಿ ನೀವು ಮತ್ತೊಂದು ರೀತಿಯಲ್ಲಿಯೂ ಮೀನು ಫ್ರೈ ಮಾಡಬಹುದು
ನೀವು ಮೀನಿಗೆ ಮಸಾಲೆ ಹಾಕಿ ಒಂದು ಬಾಳೆಯಲ್ಲಿಡಿ, ನಂತರ ಮುಚ್ಚಿ, ಅದೇ ರೀತಿ ಪ್ರತಿ ಮೀನಿಗೆ ಇಟ್ಟು, ನಂತರ ತವಾದಲ್ಲಿ ಎಣ್ಣೆ ಹಾಕಿ ಫ್ರೈ ಮಾಡಬಹುದು, ಈ ಮೀನಿನ ಫ್ರೈ ನಿಮಗೆ ವಿಭಿನ್ನ ರುಚಿ ನೀಡುತ್ತದೆ, ಈ ರುಚಿಯಂತೂ ತುಂಬಾನೇ ಇಷ್ಟವಾಗುವುದು.

ಎಣ್ಣೆ ಬಳಸಲ್ಲ ಎನ್ನುವುದಾದರೆ
ನೀವು ಮೀನಿಗೆ ಮಸಾಲೆ ಹಾಕಿ ಅದನ್ನು ಬಾಳೆಯಲ್ಲಿ ಇಟ್ಟು ನಂತರ ಸ್ಟೀಮ್‌ನಲ್ಲಿ ಬೇಯಿಸಿ ನಂತರ ಅದರ ಮೇಲೆ ಸ್ವಲ್ಪ ಆಲೀವ್ ಎಣ್ಣೆ ಅಥವಾ ತೆಂಗಿನೆಣ್ಣೆ ಹಾಕಿ ಸವಿಯಬಹುದು.