ರೆಸಿಪಿ ಟಿಪ್ಸ್: ಪತ್ರೊಡೆ ಸ್ನ್ಯಾಕ್ಸ್ ಹೀಗೆ ಮಾಡಿ ನೋಡಿ, ಬಾಯಿ ತುರಿಸಲ್ಲ, ರುಚಿ ಸೂಪರ್

ಮಳೆಗಾಲದ ಪ್ರಮುಖ ಆಹಾರಗಳಲ್ಲೊಂದು ಪತ್ರೊಡೆ, ಇದನ್ನು ಹಲವು ರುಚಿಯಲ್ಲಿ ಮಾಡಲಾಗುವುದು. ಪತ್ರೊಡೆಗೆ ಕೆಸುವಿನ ಎಲೆ ಬಳಸಿ ಮಾಡುತ್ತಾರೆ, ಕೆಸುವಿನ ಎಲೆಯಿಂದ ಮಾಡುವ ಪತ್ರೊಡೆ ತುಂಬಾ ರುಚಿಯಾಗಿರುತ್ತದೆ, ಆದರೆ ಈ ಪತ್ರೊಡೆ ಮಾಡುವಾಗ ಅದಕ್ಕೆ ಬಳಸುವ ಮಸಾಲೆಯಾಗಲಿ ಹುಣಸೆ ಹಣ್ಣಾಗಲಿ ಸರಿಯಾದ ಪ್ರಮಾಣದಲ್ಲಿ ಬಳಸಬೇಕು, ಆವಾಗ ಓವ್! ಪತ್ರೊಡೆ ಅಂತ ನಮ್ಮ ಬಾಯಲ್ಲಿ ನೀರೂರುವುದು, ಇಲ್ಲದಿದ್ದರೆ ಪತ್ರೊಡೆ ಅಷ್ಟೊಂದು ರುಚಿಕರವಾಗಿರುವುದಿಲ್ಲ.

ನೀವು ಪತ್ರೊಡೆ ಅದರಲ್ಲಿಯೂ ಅದನ್ನು ಸ್ನ್ಯಾಕ್ಸ್ ರೀತಿ ಮಾಡಿ ಸವಿಯುವುದಾದರೆ ನಾವು ನೀಡುವ ಈ ಟಿಪ್ಸ್ ತುಂಬಾನೇ ಸಹಕಾರಿಯಾಗುವುದು.

ಸುರುಳಿ-ಸುರುಳಿಯಾದ ಪತ್ರೊಡೆ ಸ್ನ್ಯಾಕ್ಸ್

ನೀವು ಮಸಾಲೆ ಮಾಡುವಾಗ ಮಸಾಲೆ ಸ್ವಲ್ಪ ಹೆಚ್ಚಿರಲಿ, ಏಕೆಂದರೆ ಎಲೆಯ ಮೇಲೆ ಎಷ್ಟು ಮಸಾಲೆ ಮೆತ್ತುತ್ತೀರೋ ಅದನ್ನು ತಿನ್ನಲು ಕೂಡ ಅಷ್ಟೇ ರುಚಿಯಾಗಿರುತ್ತದೆ. ಹಾಗಾಗಿ ಮಸಾಲೆ ಕಡಿಮೆಯಾಗಬಾರದು, ಹಾಗಾಗಿ ಮಸಾಲೆಯನ್ನು ತುಸು ಹೆಚ್ಚೇ ರುಬ್ಬಿ, ಕಡಿಮೆ ರುಬ್ಬಬೇಡಿ.

ಹುಣಸೆ ಹಣ್ಣು ಹಚ್ಚಿರಲಿ

ದೊಡ್ಡ ನಿಂಬೆಹಣ್ಣು ಗಾತ್ರದಷ್ಟು ಹುಣಸೆ ಹಣ್ಣು ಬಳಸಿ, ಹುಣಸೆ ಹಣ್ಣು ಕಡಿಮೆ ಹಾಕಿದರೆ ಪತ್ರೊಡೆ ತಿಂದ ಬಳಿಕ ಗಂಟಲು ತುರಿಸುವುದು, ಹಾಗಾಗಿ ಪತ್ರೊಡೆ ಸ್ನ್ಯಾಕ್ಸ್‌ಗೆ ನೀವು ಹುಣಸೆ ಹಣ್ಣು ಒಂದು ನಿಂಬೆ ಹಣ್ಣು ಗಾತ್ರದಷ್ಟು ಬಳಸಿ (1 ಕಪ್‌ ಅಕ್ಕಿಗೆ)

ಇಂಗು: ಪುಡಿಗಿಂತ ಗಟ್ಟಿ ಇಂಗು ಒಳ್ಳೆಯದು

ಪತ್ರೊಡೆಗೆ ಮತ್ತೊಂದು ಪ್ರಮುಖವಾದ ವಸ್ತುವೆಂದರೆ ಇಂಗು, ಇಂಗು ಪುಡಿ ಬಳಸುವ ಬದಲಿಗೆ ಗಟ್ಟಿ ಇಂಗು ಬಳಸುವುದು ಒಳ್ಳೆಯದು.

ಕೆಸದ ಎಲೆ

ಎರಡು ಬಗೆಯ ಕೆಸದ ಎಲೆಯಿಂದ ಇದನ್ನು ಮಾಡುತ್ತಾರೆ, ಮರ ಕೆಸದ ಎಲೆ (ಅಂದರೆ ಈ ಎಲೆ ಮರದಲ್ಲಿ ಬೆಳೆಯುವುದು) ಇನ್ನು ನೆಲದಲ್ಲಿಯೇ ಬರುವ ಕೆಸದ ಎಲೆ ಅದಕ್ಕೆ ಗಡ್ಡೆ ಇರಲ್ಲ. ನಿಮಗೆ ಮರ ಕೆಸವಾದರೆ 12-20 ಸಾಕು , ಏಕೆಂದರೆ ಈ ಎಲೆ ಗಟ್ಟಿರುತ್ತದೆ, ಅದೇ ತೋಡು ಕೆಸವಾದರೆ 50-60 ಎಲೆ ಬೇಕು, ಒಂದು ರೋಲ್‌ಗೆ ಒಂದು 20 ಎಲೆ ಹಾಕಬೇಕು.

ಈ ಪತ್ರೊಡೆ ಸ್ನ್ಯಾಕ್ಸ್ ರೆಸಿಪಿ

ಕೆಸುವಿನ ಎಲೆ
1 ಕಪ್‌ ಅಕ್ಕಿ (3-4 ಗಂಟೆ ಗಾಲ ನೆನೆಹಾಕಿ)
10 ಬ್ಯಾಡಗಿ ಮೆಣಸು
1 ಕಪ್‌ ಅವಲಕ್ಕಿ
1 ಕಪ್‌ ತೆಂಗಿನ ತುರಿ
1 ಚಮಚ ಸೋಂಪು
ತುಪ್ಪ 3-4 ಚಮಚ
ಉಪ್ಪು 1 ಚಮಚ

ಮಾಡುವುದು ಹೇಗೆ?

ಬ್ಯಾಡಗಿ ಮೆಣಸು ಹುರಿಯಿರಿ
ನಂತರ ಅವಲಕ್ಕಿ, ಮೆಣಸು, ಉಪ್ಪು, ಹುಣಸೆಹಣ್ಣು, ಸೋಂಪು ಹಾಕಿ ನುಣ್ಣನೆ ರುಬ್ಬಿ, ಅಕ್ಕಿಯನ್ನು ತರಿತರಿಯಾಗಿ ರುಬ್ಬಿ ಆ ಮಸಾಲೆ ಜೊತೆ ಮಿಕ್ಸ್ ಮಾಡಿ.
ದೊಡ್ಡ ಎಲೆಯನ್ನು ಮೊದಲು ಉಲ್ಟಾ ಇಟ್ಟು ಅದರ ಮೇಲೆ ಮಸಾಲೆ, ಲೇಪಿ, ನಂತರ ನಂತರ ಇನ್ನೊಂದು ಎಲೆ ಹೀಗೆ ಮಸಾಲೆ ಲೇಬಿಸಿ ಒಂದು 10-12 ಎಲೆ ಇಡಿ, ಬಳಿಕ ಸುತ್ತಿ ದಾರ ಅಥವಾ ಬಾಳೆಗಿಡದ ನಾರಿನಿಂದ ಸುತ್ತಿ, ಈ ರೀತಿ ಅಷ್ಟೂ ಎಲೆಯನ್ನು ಮಾಡಬೇಕು, 3-4 ರೊಲ್ ಮಾಡಬಹುದು, ನಂತರ ಇದನ್ನು ಹಬೆಯಲ್ಲಿ ಬೇಯಿಸಿ.

ಬಳಿಕ ಹರಿತವಾದ ಚಾಕುವಿನಿಂದ ರೌಂಡ್‌ ರೌಂಡಾಗಿ ಕತ್ತರಿಸಿ, ತವಾಗೆ ತುಪ್ಪ ಹಾಕಿ ಇದನ್ನು ತವಾದಲ್ಲಿ ಹಾಕಿ ಎರಡೂ ಬದಿ ರೋಸ್ಟ್‌ ಮಾಡಿ ತೆಗೆದರೆ ಸೂಪರ್ ರುಚಿಯ ಪತ್ರೊಡೆ ಸ್ನಾಕ್ಸ್ ರೆಡಿ.