ರೆಸಿಪಿ: ಮಸಾಲೆ ಚಹಾ ಜೊತೆ ಸವಿಯಿರಿ ಪನ್ನೀರ್ ಉಂಡೆ

ಮಾಡುವ ವಿಧಾನ

* ಹಾಲು ಒಡೆದು ಹೋದರೆ ಅದನ್ನು ಬಿಸಾಡುವ ಬದಲಿಗೆ ಪನ್ನೀರ್ ಮಾಡಿ. ಹಾಲಿಗೆ ಅರ್ಧ ನಿಂಬೆ ರಸ ಹಿಂಡಿ ಕುದಿಸಿದರೆ ಹಾಲು ಸಂಪೂರ್ಣ ಒಡೆದು ನೀರು ತಳದಲ್ಲಿರುತ್ತದೆ. ಈಗ ಶುದ್ಧವಾದ ಬಟ್ಟೆಯಲ್ಲಿ ಸೋಸಿ ಬಟ್ಟೆಯಲ್ಲಿ ಪನ್ನೀರ್ ಕಟ್ಟಿಡಿ

* ಟೊಮೆಟೊ, ಈರುಳ್ಳಿ ಹಸಿ ಮೆಣಸಿನಕಾಯಿಯನ್ನು ಚಿಕ್ಕದಾಗಿ ಕತ್ತರಿಸಿ.

* ಈಗ ಪ್ಯಾನ್‌ 1 ಚಮಚ ಎಣ್ಣೆ ಹಾಕಿ ಅದರಲ್ಲಿ ಈರುಳ್ಳಿ ಹಾಕಿ ಬಾಡಿಸಿ, ನಂತರ ಹಸಿ ಮೆಣಸಿನಕಾಯಿ, ಟೊಮೆಟೊ ಹಾಕಿ ಬೇಯಿಸಿ. ಟೊಮೆಟೊ ಮೆತ್ತಗಾದ ಮೇಲೆ ಪನ್ನೀರ್‌ ಪುಡಿ-ಪುಡಿ ಮಾಡಿ ಹಾಕಿ, ಚಿಟಿಕೆಯಷ್ಟು ಚಾಟ್‌ ಮಸಾಲ ಸೇರಿಸಿ, ಅರಿಶಿಣ, ಸ್ವಲ್ಪ ಉಪ್ಪು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ ಗ್ಯಾಸ್‌ನಿಂದ ಇಳಿಸಿ.

* ಮಿಶ್ರಣ ತಣ್ಣಗಾದ ಮೇಲೆ ಚಿಕ್ಕ-ಚಿಕ್ಕ ಉಂಡೆ ಕಟ್ಟಿ.

* ಒಂದು ಬೌಲ್‌ಗೆ 1/4 ಕಪ್ ಕಡಲೆ ಹಿಟ್ಟು ಹಾಕಿ, ಸ್ವಲ್ಪ ನೀರು, ಚಿಟಿಕೆಯಷ್ಟು ಅರಿಶಿಣ, ಉಪ್ಪು, ಖಾರದ ಪುಡಿ ಸೇರಿಸಿ ಮಿಶ್ರ ಮಾಡಿ, ಮಿಶ್ರಣ ಗಟ್ಟಿಯಾಗಿರಲಿ. ಇದೇ ಸಮಯದಲ್ಲಿ ಎಣ್ಣೆ ಕಾಯಿಸಿ.

* ಈಗ ಕಾದ ಎಣ್ಣೆಗೆ ಪನ್ನೀರ್‌ ಉಂಡೆಯನ್ನು ಕಡಲೆ ಹಿಟ್ಟಿನಲ್ಲಿ ಅದ್ದಿ ಹಾಕಿ.

* ಮಿಶ್ರಣ ಕಂದು ಬಣ್ಣಕ್ಕೆ ತಿರುವಾಗ ತೆಗೆಯಿರಿ.

ಈಗ ಬಿಸಿ-ಬಿಸಿಯಾದ ಪನ್ನೀರ್ ಉಂಡೆಯನ್ನು ಚಹಾದೊಂದಿಗೆ ಸವಿಯಿರಿ.