ಪಾಲಾಕ್ ಚಪಾತಿ ರೆಸಿಪಿ: ಮಧುಮೇಹಿಗಳಿಗೂ ಬೆಸ್ಟ್ ಈ ಪಾಲಕ್ ಚಪಾತಿ!

ನಾವು ಆರೋಗ್ಯಕರವಾಗಿ ಇರಬೇಕು ಅಂತ ಉತ್ತಮವಾಗಿರುವ ಪೌಷ್ಟಿಕಾಂಶ ಇರುವಂತಹ ಆಹಾರ ಸೇವಿಸಬೇಕು. ಅದರಲ್ಲೂ ಮಧುಮೇಹ, ಬಿಪಿ ಮೊದಲಾದಂತಹ ಅನಾರೋಗ್ಯ ಸಮಸ್ಯೆ ಕಾಡುತ್ತಿರುವವರು ಆರೋಗ್ಯದ ಬಗ್ಗೆ ಹೆಚ್ಚಿನ ಗಮನವಹಿಸಬೇಕು ಹೀಗೆ ನೀವು ಉತ್ತಮವಾಗಿರುವ ಆಹಾರವನ್ನು ಸೇವಿಸಬೇಕು ಜೊತೆಗೆ ಅದು ರುಚಿಕರವಾಗಿಯೂ ಇರಬೇಕು ಎಂದು ಭಾವಿಸಿದರೆ ಚಪಾತಿ ಚಪಾತಿ.

ಪಾಲಕ್ ಚಪಾತಿ ಕ್ಯಾಲೋರಿಸ್
125 ಕ್ಯಾಲೋರಿಸ್ ಇರುತ್ತವೆ. ಪ್ರೋಟೀನ್ 3.6 ಗ್ರಾಂ, ಕಾರ್ಬೋಹೈಡ್ರೇಟ್ 15.3 ಗ್ರಾಂ, ಫೈಬರ್ 3.6 ಗ್ರಾಂ.

ಪಾಲಕ್ ಚಪಾತಿ ಮಾಡಲು ಬೇಕಾಗಿರುವ ವಸ್ತುಗಳು!
ಗೋಧಿ ಹಿಟ್ಟು - 500 ಗ್ರಾಂ
ತುಪ್ಪ - 2ರಿಂದ 3 ಟೇಬಲ್ ಸ್ಪೂನ್
ಅಡುಗೆ ಎಣ್ಣೆ - 3 ಸ್ಪೂನ್
ಪಾಲಕ್ ಸೊಪ್ಪು - ಒಂದು ಕಟ್ಟು
ಉಪ್ಪು - ರುಚಿಗೆ ತಕ್ಕಷ್ಟು
ಹಸಿಮೆಣಸಿನಕಾಯಿ - ಮೂರು
ಬೆಳ್ಳುಳ್ಳಿ ಎರಡು ಎಸಳು
ಅರಿಶಿಣ - ಚಿಟಿಕೆ
ಕೊತ್ತಂಬರಿ ಪೌಡರ್ - ಚಿಟಿಕೆ
ಜೀರಿಗೆ - ಅರ್ಧ ಚಮಚ

ಪಾಲಕ್ ಚಪಾತಿ ಮಾಡುವ ವಿಧಾನ!
ಚಪಾತಿ ಮಾಡಲು ಮೊದಲು ಒಂದು ಕಟ್ಟಿನಷ್ಟು ಸೊಪ್ಪನ್ನು ನೀರಿನಲ್ಲಿ ಚೆನ್ನಾಗಿ ತೊಳೆದು ಕುದಿಯುವ ನೀರಿಗೆ ಹಾಕಿ. ಐದು ನಿಮಿಷಗಳ ಬಳಿಕ ಪಾಲಾಕ್ ಸೊಪ್ಪನ್ನು ಬಿಸಿ ನೀರಿನಿಂದ ತೆಗೆದು ತಣಿದಿರುವ ನೀರಿಗೆ ಹಾಕಿ ಇದಕ್ಕೆ ಐಸ್ ಕ್ಯೂಬ್ ಕೂಡ ಹಾಕಿದರೆ ಪಾಲಾಕ್ ಸೊಪ್ಪು ಬಣ್ಣ ಕಳೆದುಕೊಳ್ಳುವುದಿಲ್ಲ. ಪಾಲಕ್ ಸೊಪ್ಪು ತಣ್ಣಾಗಾದ ನಂತರ ಒಂದು ಮಿಕ್ಸರ್ ಜಾರ್ ಗೆ ಹಾಕಿ. ಅದಕ್ಕೆ ಹಸಿಮೆಣಸು, ಬೆಳ್ಳುಳ್ಳಿ, ಅರ್ಧ ಚಮಚ ಜೀರಿಗೆ ಹಾಕಿ ರುಬ್ಬಿ. ಇದಕ್ಕೆ ನೀರನ್ನು ಹಾಕುವ ಅಗತ್ಯ ಇಲ್ಲ.

ಒಂದು ದೊಡ್ಡ ಪಾತ್ರೆಯಲ್ಲಿ ಗೋಧಿ ಹಿಟ್ಟನ್ನು ಹಾಕಿ ಅದಕ್ಕೆ ಉಪ್ಪು, ಅರಿಶಿಣ, ಕೊತ್ತಂಬರಿ ಸೊಪ್ಪು, ತುಪ್ಪ ಹಾಗೂ ಅಡುಗೆ ಎಣ್ಣೆ ಹಾಕಿ ಮಿಕ್ಸ್ ಮಾಡಿ. ಈಗ ಇದಕ್ಕೆ ರುಬ್ಬಿಟ್ಟುಕೊಂಡ ಪಾಲಾಕ್ ಪೇಸ್ಟ್ ಹಾಕಿ ಚೆನ್ನಾಗಿ ಕಲಸಿ ಅಗತ್ಯ ಇರುವಷ್ಟು ನೀರನ್ನು ಬಳಸಿ ಚಪಾತಿ ಹಿಟ್ಟಿನ ಹದಕ್ಕೆ ಮಾಡಿಕೊಳ್ಳಿ.

ಚಪಾತಿ ಹಿಟ್ಟನ್ನು ಕಲಸಿದ ನಂತರ ಐದು ನಿಮಿಷ ಮುಚ್ಚಿ ಹಾಗೆಯೆ ಬಿಡಿ ಹಿಟ್ಟು ಚೆನ್ನಾಗಿ ನೆನೆದ ನಂತರ ಚಪಾತಿಯನ್ನು ಲಟ್ಟಿಸಿ ಬಿಸಿಬಿಸಿಯಾಗಿ ಚಪಾತಿ ರೆಡಿ ಮಾಡಿದರೆ ರುಚಿಕರವಾದ ಚಪಾತಿ ಸವಿಯಲು ಸಿದ್ಧ ಇದಕ್ಕೆ ಕೊಬ್ಬರಿ ಚಟ್ನಿ ಬಳಸಿದರೆ ಇನ್ನು ಟೇಸ್ಟಿ ಆಗಿರುತ್ತೆ.