ದೀಪಾವಳಿ ವಿಶೇಷ: ನಿಪ್ಪಟ್ಟು ರೆಸಿಪಿ

Recipes

oi-Lekhaka

Posted By: Divya pandith

| Published: Thursday, October 12, 2017, 12:31 [IST]

ನಿಪ್ಪಟ್ಟು ದಕ್ಷಿಣ ಭಾರತದ ಒಂದು ಸಾಂಪ್ರದಾಯಿಕ ತಿನಿಸು. ಹಬ್ಬ, ಉತ್ಸವ ಹಾಗೂ ದೀಪಾವಳಿಯ ಸಂದರ್ಭದಲ್ಲಿ ವಿಶೇಷವಾಗಿ ತಯಾರಿಸುತ್ತಾರೆ. ತಮಿಳುನಾಡಿನಲ್ಲಿ ಇದನ್ನು ಥಟೈ ಎಂದು ಕರೆಯುತ್ತಾರೆ. ವಿಶೇಷ ಸಂದರ್ಭದಲ್ಲಿ ತಯಾರಿಸುವ ಈ ಕುರುಕಲು ತಿಂಡಿಗೆ ಆಂಧ್ರಪ್ರದೇಶದಲ್ಲಿ ಚೆಕ್ಕಲು ಎಂದು ಕರೆಯುತ್ತಾರೆ.

ದಕ್ಷಿಣ ಭಾರತದಲ್ಲಿ ಸಾಮಾನ್ಯವಾಗಿ ವಿವಾಹ ಹಾಗೂ ಉತ್ಸವಗಳ ಸಂದರ್ಭದಲ್ಲಿ ಒಂದು ಕಡ್ಡಾಯವಾದ ಲಘು ಆಹಾರವನ್ನಾಗಿ ತಯಾರಿಸುತ್ತಾರೆ. ಅಕ್ಕಿ, ಮಸಾಲೆ ಪದಾರ್ಥಗಳ ಮಿಶ್ರಣದಲ್ಲಿ ತಯಾರಿಸುವ ಈ ತಿಂಡಿನ್ನು ಸವಿದರೆ ಆಹ್ಲಾದಕರ ಅನುಭವ ಉಂಟಾಗುವುದು. ಇದನ್ನು ಒಮ್ಮೆ ತಯಾರಿಸಿಕೊಂಡರೆ ಬಹಳ ದಿನಗಳ ಕಾಲ ಸಂಗ್ರಹಿಸಿಡಬಹುದು.

ಹಿಟ್ಟನ್ನು ತಯಾರಿಸಿಕೊಂಡರೆ ಮನೆಯಲ್ಲಿಯೇ ಸುಲಭವಾಗಿ ತಯಾರಿಸಬಹುದು. ಹಬ್ಬದ ಸಂದರ್ಭದಲ್ಲಿ ಅಥವಾ ನಿತ್ಯದ ಚಹಾ-ಕಾಫಿ ಸವಿಯಲು ಏನಾದರೂ ಕುರುಕಲು ತಿಂಡಿಯನ್ನು ತಯಾರಿಸುವ ಹವಣಿಕೆಯಲ್ಲಿದ್ದರೆ ಇಲ್ಲಿದೆ ನೋಡಿ ವಿವವರವಾದ ವೀಡಿಯೋ ಹಾಗೂ ಹಂತ ಹಂತವಾದ ಚಿತ್ರವಿವರಣೆ.

ನಿಪ್ಪಟ್ಟು ರೆಸಿಪಿ

1. ಅರ್ಧ ಕಪ್ ಹುರಿದ ಹುರಿಗಡಲೆಯನ್ನು ಮಿಕ್ಸರ್ ಪಾತ್ರೆಗೆ ಸೇರಿಸಿ.

2. ಅರ್ಧ ಕಪ್ ಕಡಲೇಬೀಜವನ್ನು ಸೇರಿಸಿ ಮತ್ತು ಒರಟಾಗಿ ರುಬ್ಬಿ, ಅದನ್ನು ಪಕ್ಕಕ್ಕೆ ಇಡಿ.

3. ಮಿಶ್ರಣದ ಪಾತ್ರೆಯಲ್ಲಿ ಅಕ್ಕಿ ಹಿಟ್ಟನ್ನು ಹಾಕಿರಿ.

4. ಎರಡು ಟೇಬಲ್ ಚಮಚ ಸೂಜಿ ರವಾ ಮತ್ತು ಮೈದಾ ಹಿಟ್ಟನ್ನು ಸೇರಿಸಿ.

5. ಖಾರದ ಪುಡಿ ಮತ್ತು ಉಪ್ಪನ್ನು ಸೇರಿಸಿ.

6. ನಂತರ ಇಂಗನ್ನು ಸೇರಿಸಿ, ಚೆನ್ನಾಗಿ ಮಿಶ್ರಗೊಳಿಸಿ.

7. ಪುಡಿಮಾಡಿಕೊಂಡ ಮಿಶ್ರಣವನ್ನು ಸೇರಿಸಿ, ಚೆನ್ನಾಗಿ ಮಿಶ್ರಗೊಳಿಸಿ.

8. ಒಂದು ಚಿಕ್ಕ ಪಾತ್ರೆಯಲ್ಲಿ 2 ಟೇಬಲ್ ಚಮಚ ಎಣ್ಣೆಯನ್ನು ಸೇರಿಸಿ ಬಿಸಿ ಮಾಡಿ.

9. ಎರಡು ನಿಮಿಷ ಎಣ್ಣೆಯನ್ನು ಬಿಸಿ ಮಾಡಿ.

10. ಇದನ್ನು ಮಿಶ್ರಣಕ್ಕೆ ಸೇರಿಸಿ, ಚೆನ್ನಾಗಿ ಮಿಶ್ರಗೊಳಿಸಿ.

11. ಸ್ವಲ್ಪ ಸ್ವಲ್ಪ ನೀರನ್ನು ಸೇರಿಸುತ್ತ ಹಿಟ್ಟನ್ನು ಕಲಸಿ, ಸಾಮಾನ್ಯ ಮೃದು ಪ್ರಮಾಣದಲ್ಲಿ ಹಿಟ್ಟನ್ನು ಕಲಸಿರಬೇಕು.

12. ಒಂದು ಪ್ಲಾಸ್ಟಿಕ್ ಶೀಟ್/ಪೇಪರ್ ತೆಗೆದುಕೊಂಡು, ಅದಕ್ಕೆ ಎಣ್ಣೆಯನ್ನು ಸವರಿ.

13. ಹಿಟ್ಟಿನ ಸಣ್ಣ ಸಣ್ಣ ಉಂಡೆಯನ್ನು ತೆಗೆದುಕೊಂಡು ಅವುಗಳನ್ನು ಪ್ಲಾಸ್ಟಿಕ್ ಶೀಟ್‍ಮೇಲಿಟ್ಟು, ವೃತ್ತಾಕಾರದಲ್ಲಿ ಲಟ್ಟಿಸಿ/ತಟ್ಟಿರಿ.

14. ಒಂದು ಪಾತ್ರೆಯಲ್ಲಿ ಎಣ್ಣೆಯನ್ನು ಹಾಕಿ ಬಿಸಿ ಮಾಡಿ.

15. ಲಟ್ಟಿಸಿಕೊಂಡ ಹಿಟ್ಟನ್ನು ಪ್ಲಾಸ್ಟಿಕ್ ಶೀಟ್‍ನಿಂದ ನಾಜೂಕಾಗಿ ತೆಗೆದು, ಎಣ್ಣೆಯಲ್ಲಿ ಬಿಡಬೇಕು.

16. ಒಂದು ನಿಮಿಷಗಳ ಕಾಲ ಎರಡು ಭಾಗದಲ್ಲೂ ಚೆನ್ನಾಗಿ ಬೇಯುವಂತೆ ತಿರುಗಿಸಬೇಕು.

17. ಅವು ಹೊಂಬಣ್ಣಕ್ಕೆ ಬರುವ ತನಕ ಕರಿಯುತ್ತಲೇ ಇರಬೇಕು.

18. ಎಣ್ಣೆಯಿಂದ ತೆಗೆದು, ಅದು ಸ್ವಲ್ಪ ತಣ್ಣಗಾದಮೇಲೆ ಸವಿಯಲು ನೀಡಿ.