ಗುಜರಾತಿ ಶೈಲಿಯ ಖಾಂಡ್ವಿ ರೆಸಿಪಿ

Recipes

oi-Reena TK

Posted By: Reena TK

| Updated: Wednesday, September 23, 2020, 16:55 [IST]

ಖಾಂಡ್ವಿ ಗುಜರಾತಿ ಫೇಮಸ್ ಸ್ನ್ಯಾಕ್ಸ್ ಆಗಿದೆ. ಇದನ್ನು ಕಡಲೆ ಹಿಟ್ಟು ಹಾಕಿ ತಯಾರಿಸಬಹುದು, ಇಲ್ಲಾ ಹೆಸರು ಬೇಳೆ ಬಳಸಿ ತಯಾರಿಸಬಹುದು. ಇಲ್ಲಿ ನಾವು ಹೆಸರು ಬೇಳೆ ಬಳಸಿ ಮಾಡುವ ಖಾಂಡ್ವಿ ರೆಸಿಪಿ ನೀಡಿದ್ದೇವೆ.

ಇದು ತುಂಬಾ ರುಚಿಕರವಾದ ಸ್ನ್ಯಾಕ್ಸ್ ಆಗಿದ್ದು, ಸಂಜೆಗೆ ಸವಿಯಲು ಆರೋಗ್ಯಕರವಾದ ಸ್ನ್ಯಾಕ್ಸ್ ಆಗಿದೆ. ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಮಾಡುವುದು ಹೇಗೆ?

* ಮೊಸರನ್ನು ಒಂದು ದೊಡ್ಡ ಬೌಲ್‌ಗೆ ಹಾಕಿ ಚೆನ್ನಾಗಿ ಕದಡಿ.

* ಹೆಸರುಬೇಳೆ ನೀರಿನಲ್ಲಿ ಒಮದು ತಾಸು ನೆನೆ ಹಾಕಿ.

* ಈಗ ಅರಿಶಿಣ ಪುಡಿ, ಇಂಗು, ರುಚಿಗೆ ತಕ್ಕ ಉಪ್ಪು ಹಾಕಿ.

*ಈಗ ಕಡಲೆಹಿಟ್ಟು, ನೀರು ಹಾಕಿ ಗಂಟು ಕಟ್ಟದಂತೆ ಚೆನ್ನಾಗಿ ಕಲೆಸಿ

* ಈಗ ಕಡಾಯಿ ಬಿಸಿ ಮಾಡಿ ಸ್ಟೌವ್‌ ಅನ್ನು ಸಾಧಾರಣ ಉರಿಯಲ್ಲಿ ಇಟ್ಟು ಅದಕ್ಕೆ ಹಿಟ್ಟನ್ನು ಸುರಿಯಿರಿ.

* ಹಿಟ್ಟು ಗಂಟು ಕಟ್ಟದಂತೆ ಕಲೆಸುತ್ತಾ ಇರಿ. ಮಿಶ್ರಣ ಮಂದವಾದ ಮೇಲೆ ಉರಿಯಿಂದ ಇಳಿಸಿ.

* ಇದೇ ಸಮಯಕ್ಕೆ ಪ್ಲೇಟ್‌ ಮಗುಚಿ ಹಾಕಿ ಅದರಲ್ಲಿ ಎಣ್ಣೆ ಸವರಿ ಅದರ ಮೇಲೆ ಹಿಟ್ಟು ಅಗಲ ಬಾಯಿಯ ಸೌಟ್ (ದೋಸೆ ಮಗುಚಿ ಹಾಕಲು ಬಳಸುವ ಸೌಟ್)ನಿಂದ ಹಿಟ್ಟು ತೆಗೆದು ಸವರಿ 5 ನಿಮಿಷ ತಣ್ಣಗಾಗಲು ಬಿಡಿ.

* ಅದರ ಮೇಲೆ ಕೊತ್ತಂಬರಿ ಸೊಪ್ಪು ಹಾಗೂ ತೆಂಗಿನಕಾಯಿ ತುರಿ ಉದುರಿಸಿ.

* ಕಟ್ ಮಾಡಿ ರೋಲ್ ಮಾಡಿ ಪ್ಲೇಟ್‌ನಲ್ಲಿ ಇಡಿ.

* ಈಗ ಪ್ಯಾನ್‌ಗೆ ಎಣ್ಣೆ ಹಾಕಿ ಬಿಸಿ ಮಾಡಿ ಅದರಲ್ಲಿ ಸಾಸಿವೆ ಹಾಕಿ ಅದು ಚಟ್‌ಪಟ್ ಶಬ್ದ ಬರುವಾಗ ಕರಿಬೇವು ಹಾಕಿ .

ಈ ಮಿಶ್ರಣಕ್ಕೆ ರೋಲ್ ಮಾಡಿಟ್ಟ ಖಾಂಡ್ವಿ ಹಾಕಿ ಮಿಕ್ಸ್ ಮಾಡಿದರೆ ಗುಜರಾತಿಯ ಪ್ರಸಿದ್ಧ ಖಾಂಡ್ವಿ ಸ್ನ್ಯಾಕ್ಸ್ ರೆಡಿ.