ಆಹಾ! ಎಷ್ಟೊಂದು ರುಚಿ ಈ ಹೆಸರುಬೇಳೆ ಪಕೋಡ

Recipes

oi-Reena TK

Posted By: Reena TK

Updated: Thursday, February 13, 2020, 17:18 [IST]

ಹೆಸರು ಬೇಳೆಯಿಂದ ಏನೇ ಮಾಡಲಿ ಅದು ರುಚಿಕರವಾಗಿರುತ್ತದೆ, ಹೆಸರು ಬೇಳೆಯ ಸ್ಪೆಷಾಲಿಟಿಯೇ ಹಾಗೇ. ಇದರಿಂದ ಮಾಡುವ ಪಾಯಸ, ಸ್ನ್ಯಾಕ್ಸ್ ಎಲ್ಲವೂ ಬಾಯಿ ಚಪ್ಪರಿಸುವಂತೆ ಮಾಡುತ್ತದೆ. ಇಲ್ಲಿ ನಾವು ಹೆಸರು ಬೇಳೆ ಬಳಸಿ ಮಾಡುವ ಪಕೋಡ ರೆಸಿಪಿ ನೀಡಿದ್ದೇವೆ. ಮನೆಯಲ್ಲಿ ಚಿಕ್ಕವರು ಇರಲಿ, ದೊಡ್ಡವರು ಇರಲಿ ಎಲ್ಲರಿಗೂ ಈ ಪಕೋಡ ತುಂಬಾ ಇಷ್ಟವಾಗುವುದು.

ಇಲ್ಲಿ ಪಕೋಡ ಮಾಡುವ ಸರಳ ವಿಧಾನ ಹೇಳಿದ್ದೇವೆ. ಈ ಪಕೋಡ ರುಚಿ ಖಂಡಿತ ನಿಮಗೆ ಇಷ್ಟವಾಗುವುದು, ಇನ್ನೇಕೆ ತಡ ಟ್ರೈ ಮಾಡಿ.

ತಯಾರಿಸುವುದು ಹೇಗೆ?
1. ಹೆಸರು ಬೇಳೆಯನ್ನು 3-4 ಗಂಟೆ ನೀರಿನಲ್ಲಿ ನೆನೆಹಾಕಿ.

2. ನಂತರ ಅದನ್ನು ಮಿಕ್ಸಿ ಜಾರ್‌ನಲ್ಲಿ ಹಾಕಿ, ಕೊತ್ತಂಬರಿ ಬೀಜ ಸೇರಿಸಿ ತರಿತರಿಯಾಗಿ ರುಬ್ಬಿ. ( ರುಬ್ಬುವಾಗ ನೀರು ಹಾಕಬೇಡಿ)

3. ಈಗ ರುಬ್ಬಿದ ಪೇಸ್ಟ್ ಅನ್ನು ಸ್ವಲ್ಪ ದೊಡ್ಡ ಬೌಲ್‌ಗೆ ಹಾಕಿ ಅದಕ್ಕೆ ಜೀರಿಗೆ, ಶುಂಠಿ, ಬೆಳ್ಳುಳ್ಳಿ, ಚಿಕ್ಕದಾಗಿ ಹೆಚ್ಚಿದ ಹಸಿಮೆಣಸಿನಕಾಯಿ, ಚಿಕ್ಕದಾಗಿ ಕತ್ತರಿಸಿದ ಈರುಳ್ಳಿ, ಪುದೀನಾ ಎಲೆ, ಕೊತ್ತಂಬರಿ ಸೊಪ್ಪು, ಸ್ವಲ್ಪ ಖಾರದ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಮಿಶ್ರ ಮಾಡಿ.

4. ಈಗ ದಪ್ಪ ತಳವಿರುವ ಬಾಣಲಿ ತೆಗೆದು ಅದನ್ನು ಉರಿ ಮೇಲಿಟ್ಟು, ನಂತರ ಎಣ್ಣೆ ಹಾಕಿ ಕಾಯಿಸಿ.

5. ಎಣ್ಣೆ ಕಾಯುವ ಹೊತ್ತಿನಲ್ಲಿ ಬೌಲ್‌ನಲ್ಲಿರುವ ಮಿಶ್ರಣದಿಂದ ಚಿಕ್ಕ-ಚಿಕ್ಕ ಉಂಡೆ ಕಟ್ಟಿ, ಎಣ್ಣೆ ಕಾದಾಗ ಕೈಯಿಂದ ತಟ್ಟಿ ಎಣ್ಣೆಯಲ್ಲಿ ಬಿಡಿ.

6. ಹೆಸರು ಬೇಳೆ ಪಕೋಡ ಸ್ವಲ್ಪ ಕಂದು ಬಣ್ಣಕ್ಕೆ ಬರುವಾಗ ಎಣ್ಣೆಯಿಂದ ತೆಗೆಯಿರಿ.

7. ಬಿಸಿ-ಬಿಸಿಯಾದ ಪಕೋಡವನ್ನು ಪುದೀನಾ ಚಟ್ನಿ ಜೊತೆ ಸರ್ವ್ ಮಾಡಿ.