ಅಜ್ಜಿ ಕಾಲದ ರೆಸಿಪಿ.. ಮೆಂತ್ಯ ಸೊಪ್ಪಿನ ಕರಿ ಮಾಡಿ ನೋಡಿ! ಕಹಿ ಇಲ್ಲದೇ ಮಾಡೋವುದು ಹೇಗೆ?

ಅಜ್ಜಿ ಕಾಲದ ಸೀಕ್ರೆಟ್ ರೆಸಿಪಿ.. ಒಮ್ಮೆ ಈ ರೀತಿ ಮೆಂತ್ಯ ಕಧಿ ಮಾಡಿ ನೋಡಿ, ಮನೆಯವರೆಲ್ಲಾ ಫಿದಾ ಆಗೋದು ಗ್ಯಾರಂಟಿ! ಊಟಕ್ಕೆ ಇದಕ್ಕಿಂತ ಬೆಸ್ಟ್ ರೆಸಿಪಿ ಇನ್ನೊಂದಿಲ್ಲ. ಮೆಂತ್ಯ ಸೊಪ್ಪಿನ ಕಹಿ ಇಲ್ಲದೆಯೇ ರುಚಿಕರ ಕರಿ (Curry) ಮಾಡುವುದು ಹೇಗೆ? ಇಲ್ಲಿದೆ ಸಿಂಪಲ್ ವಿಧಾನ. ಹೌದು, ತಂಪಾದ ಹವಾಮಾನದಲ್ಲಿ ಬಿಸಿಬಿಸಿಯಾದ ಮತ್ತು ಮಸಾಲೆಯುಕ್ತ ಆಹಾರಗಳನ್ನು ಸೇವಿಸುವುದು ದೇಹ ಹಾಗೂ ಮನಸ್ಸಿಗೆ ಆರಾಮ ನೀಡುತ್ತದೆ.

ಸಾಮಾನ್ಯವಾಗಿ ಮಾರುಕಟ್ಟೆಗಳಲ್ಲಿ ತಾಜಾ ಮೆಂತ್ಯ ಸೊಪ್ಪು ಹೇರಳವಾಗಿ ದೊರೆಯುತ್ತದೆ. ಮೆಂತ್ಯ ಸೊಪ್ಪನ್ನು ಕೇವಲ ಪಲ್ಯ ಅಥವಾ ಪರೋಟ ಮಾಡಲು ಬಳಸುವುದಲ್ಲದೆ, ಈ ಚಳಿಗಾಲಕ್ಕೆ (Winter) ವಿಶಿಷ್ಟವಾದ ರುಚಿಕರ ಮೆಂತ್ಯ ಕರಿ ಅಥವಾ ಮೆಂತ್ಯ ಕಧಿಯನ್ನು (Methi Kadhi) ಸಹ ತಯಾರಿಸಬಹುದು. ಈ ವಿಶೇಷ ಮೆಂತ್ಯ ಕಧಿ ತಯಾರಿಸಲು ಬೇಕಾದ ಪದಾರ್ಥಗಳು ಮತ್ತು ಮಾಡುವ ಸರಳ ವಿಧಾನ (Methi Kadhi Recipe) ಇಲ್ಲಿದೆ.

Photo Credit: ಸಂಗ್ರಹ ಚಿತ್ರ: ಇಂಟರ್ನೆಟ್

ಮೆಂತ್ಯ ಕಧಿ ಏಕೆ ಬೇಕು?

ಮೆಂತ್ಯ ಕಧಿಯು ಉತ್ತರ ಭಾರತದ ಜನಪ್ರಿಯ 'ಕಧಿ' ಅಥವಾ ದಕ್ಷಿಣ ಭಾರತದ 'ಮಜ್ಜಿಗೆ ಹುಳಿ'ಯಂತೆಯೇ ಚಳಿಗಾಲಕ್ಕೆ ಅತ್ಯಂತ ಸೂಕ್ತವಾದ ಆಹಾರವಾಗಿದೆ. ಮೆಂತ್ಯ ಸೊಪ್ಪು ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದಲ್ಲದೆ, ಒಳಗಿನಿಂದ ಉಷ್ಣತೆಯನ್ನು ಕಾಪಾಡಲು ಸಹಾಯ ಮಾಡುತ್ತದೆ. ಬಿಸಿ ಅನ್ನ ಅಥವಾ ಜೀರಾ ರೈಸ್‌ನೊಂದಿಗೆ ಈ ಕಧಿಯನ್ನು ಸವಿದರೆ ಅದರ ರುಚಿಯೇ ಬೇರೆ.

ಮೆಂತ್ಯ ಕಧಿ ತಯಾರಿಸಲು ಬೇಕಾದ ಪದಾರ್ಥಗಳು

• ಮೆಂತ್ಯ ಸೊಪ್ಪು
• ಮೊಸರು (ಸ್ವಲ್ಪ ಹುಳಿಯಾಗಿದ್ದರೆ ಉತ್ತಮ)
• ಕಡಲೆ ಹಿಟ್ಟು
• ನೀರು
• ಅರಿಶಿನ
• ಕೆಂಪು ಮೆಣಸಿನ ಪುಡಿ
• ಉಪ್ಪು

ಒಗ್ಗರಣೆಗೆ ಬೇಕಾದ ಸಾಮಗ್ರಿಗಳು

• ಜೀರಿಗೆ
• ಮೆಂತ್ಯ ಕಾಳು
• ಸಾಸಿವೆ
• ಒಣ ಕೆಂಪು ಮೆಣಸಿನಕಾಯಿ
• ಇಂಗು
• ಎಣ್ಣೆ ಅಥವಾ ತುಪ್ಪ
• ಕರಿಬೇವು
• ಹಸಿ ಮೆಣಸಿನಕಾಯಿ

ಮೆಂತ್ಯ ಕಧಿ ತಯಾರಿಸುವ ವಿಧಾನ

- ಒಂದು ಪಾತ್ರೆಯಲ್ಲಿ ಕಡಲೆ ಹಿಟ್ಟು ಹಾಗೂ ಗಂಟಿಲ್ಲದಂತೆ ಚೆನ್ನಾಗಿ ಕಡೆದ ಮೊಸರನ್ನು ಸೇರಿಸಿ. ಅರಿಶಿನ, ಕೆಂಪು ಮೆಣಸಿನ ಪುಡಿ, ಉಪ್ಪು ಸೇರಿಸಿ.

- ನಂತರ ಸ್ವಲ್ಪ ಸ್ವಲ್ಪವೇ ನೀರನ್ನು ಸೇರಿಸುತ್ತಾ, ಮಜ್ಜಿಗೆಯಂತಹ ತಿಳಿಯಾದ ಮಿಶ್ರಣವನ್ನು ಸಿದ್ಧಪಡಿಸಿಕೊಳ್ಳಿ.

- ಕಡಾಯಿಯಲ್ಲಿ ಒಂದು ಚಮಚ ಎಣ್ಣೆಯನ್ನು ಬಿಸಿ ಮಾಡಿ. ಜೀರಿಗೆ, ಮೆಂತ್ಯ ಕಾಳು ಮತ್ತು ಇಂಗನ್ನು ಸೇರಿಸಿ. ಇವು ಹುರಿದ ನಂತರ, ನುಣ್ಣಗೆ ಹೆಚ್ಚಿದ ಮೆಂತ್ಯ ಸೊಪ್ಪನ್ನು ಹಾಕಿ 2-3 ನಿಮಿಷಗಳ ಕಾಲ ಬಾಡಿಸಿ.

- ಮೆಂತ್ಯ ಸೊಪ್ಪು ಬೆಂದ ನಂತರ, ಮೊದಲೇ ತಯಾರಿಸಿಟ್ಟ ಮೊಸರು ಮತ್ತು ಕಡಲೆ ಹಿಟ್ಟಿನ ಮಿಶ್ರಣವನ್ನು ಕಡಾಯಿಗೆ ಸುರಿಯಿರಿ. ಉರಿಯನ್ನು ಮಧ್ಯಮ ಹಂತದಲ್ಲಿರಿಸಿ ಕೈಬಿಡದೆ ನಿರಂತರವಾಗಿ ತಿರುಗಿಸುತ್ತಾ ಇರಿ.

- ಮಿಶ್ರಣವು ಕುದಿಯಲು ಪ್ರಾರಂಭಿಸಿದಾಗ, ಉರಿಯನ್ನು ಕಡಿಮೆ ಮಾಡಿ 5-10 ನಿಮಿಷಗಳ ಕಾಲ ನಿಧಾನವಾಗಿ ಬೇಯಲು ಬಿಡಿ. ಕಧಿ ಹದವಾಗಿ ಗಟ್ಟಿಯಾಗತೊಡಗಿದಾಗ ಗ್ಯಾಸ್ ಆಫ್ ಮಾಡಿ.

- ಕಧಿಯ ರುಚಿ ಮತ್ತು ಘಮವನ್ನು ಹೆಚ್ಚಿಸಲು ಕೊನೆಯಲ್ಲಿ, ಒಂದು ಸಣ್ಣ ಪ್ಯಾನ್‌ನಲ್ಲಿ ಸ್ವಲ್ಪ ಎಣ್ಣೆ ಅಥವಾ ತುಪ್ಪವನ್ನು ಬಿಸಿ ಮಾಡಿ.

- ಇದಕ್ಕೆ ಸಾಸಿವೆ, ಒಣ ಕೆಂಪು ಮೆಣಸಿನಕಾಯಿ ಮತ್ತು ಕರಿಬೇವನ್ನು ಹಾಕಿ ಚಿಟಪಟನೆ ಸಿಡಿಸಿ. ಈ ಬಿಸಿಯಾದ ಒಗ್ಗರಣೆಯನ್ನು ಸಿದ್ಧವಾದ ಕಧಿಯ ಮೇಲೆ ಸುರಿಯಿರಿ.

- ಈ ಮೆಂತ್ಯ ಕಧಿಯನ್ನು (Menthya Soppina Majjige Huli) ತಯಾರಿಸುವಾಗ ಸಣ್ಣ ಪ್ರಮಾಣದಲ್ಲಿ ಬೆಲ್ಲವನ್ನು ಸೇರಿಸಿದರೆ, ಕಧಿಯ ಹುಳಿ-ಖಾರ ರುಚಿ ಮತ್ತಷ್ಟು ಸಮತೋಲನಗೊಂಡು, ವಿಶಿಷ್ಟ ಸ್ವಾದ ನೀಡುತ್ತದೆ.

- ಇದನ್ನು ಬಿಸಿಬಿಸಿಯಾದ ಅನ್ನ ಅಥವಾ ರೊಟ್ಟಿಯೊಂದಿಗೆ ಬಡಿಸಿ ಸವಿಯಲು ಅತ್ಯಂತ ರುಚಿಕರವಾಗಿರುತ್ತದೆ.

ಮೆಂತ್ಯ ಕಧಿಯ ಪ್ರಯೋಜನಗಳು

- ಮೆಂತ್ಯ ಮತ್ತು ಮಜ್ಜಿಗೆ ಎರಡೂ ಜೀರ್ಣಶಕ್ತಿಯನ್ನು ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಇದು ಉತ್ತಮ ಜೀರ್ಣಕ್ರಿಯೆಗೆ ಸಹಾಯ ಮಾಡಿ ಪಚನ ಕ್ರಿಯೆ ಸುಧಾರಿಸುತ್ತದೆ.

- ಸಾಮಾನ್ಯವಾಗಿ ಕಾಡುವ ಶೀತ ಮತ್ತು ಕೆಮ್ಮಿನಂತಹ ಆರೋಗ್ಯ ಸಮಸ್ಯೆಗಳಿಗೆ ಮೆಂತ್ಯ ಸೊಪ್ಪಿನ ಉಷ್ಣ ಗುಣವು ಪರಿಣಾಮಕಾರಿ ಪರಿಹಾರ ನೀಡುತ್ತದೆ, ದೇಹಕ್ಕೆ ಹಿತ ನೀಡುತ್ತದೆ.

- ಮೆಂತ್ಯ ಸೊಪ್ಪು ನೈಸರ್ಗಿಕವಾಗಿ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುವ ಗುಣಗಳನ್ನು ಹೊಂದಿದೆ. ಈ ಕಾರಣದಿಂದಾಗಿ, ಇದು ಮಧುಮೇಹಿಗಳಿಗೂ ಸಹ ಒಂದು ಉತ್ತಮ ಮತ್ತು ಆರೋಗ್ಯಕರ ಆಹಾರ ಆಯ್ಕೆಯಾಗಿದೆ.