ರೆಸಿಪಿ: ಮೆಂತೆ ಸೊಪ್ಪಿನ ಚಪಾತಿ, ಟೊಮೆಟೊ ಚಟ್ನಿ ಸೂಪರ್‌ ಕಾಂಬಿನೇಷನ್

ನೀವು ಚಪಾತಿಯನ್ನು ಒಂದೇ ರುಚಿಯಲ್ಲಿ ಮಾಡುವ ಬದಲಿಗೆ ಅನೇಕ ರುಚಿಯಲ್ಲಿ ಮಾಡಬಹುದು, ನಾವಿಲ್ಲಿ ಮಂತೆ ಸೊಪ್ಪಿನ ಚಪಾತಿ ಮಾಡುವುದು ಹೇಗೆ ಎಂದು ಹೇಳಿದ್ದೇವೆ.

ಮೆಂತೆ ಸೊಪ್ಪು ಸೇವನೆ ತುಂಬಾನೇ ಪ್ರಯೋಜನಕಾರಿ, ಮಧುಮೇಹಿಗಳು ರಕ್ತದಲ್ಲಿ ಸಕ್ಕರೆಯಂಶ ನಿಯಂತ್ರಣದಲ್ಲಿಡಲು ತುಂಬಾನೇ ಸಹಕಾರಿ, ಅಲ್ಲದೆ ತುಂಬಾನೇ ರುಚಿಯಾಗಿರುತ್ತದೆ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ, ಜೊತೆಗೆ ಟೊಮೆಟೊ ಚಟ್ನಿ ರೆಸಿಪಿ ನೀಡಲಾಗಿದೆ ನೋಡಿ:

ಬೇಕಾಗುವ ಸಾಮಗ್ರಿ

2 ಕಪ್ ಗೋಧಿ ಹಿಟ್ಟು
1 ಕಪ್ ಮೆಂತೆ ಸೊಪ್ಪು
ಸ್ವಲ್ಪ ಮೊಸರು (1/4 ಕಪ್)
1/2 ಚಮಚ ಅರಿಶಿಣ ಪುಡಿ
1 ಚಮಚ ಶುಂಠಿ ಪೇಸ್ಟ್
1/2 ಚಮಚ ಕಾಶ್ಮೀರಿ ಖಾರದ ಪುಡಿ
1/4 ಚಮಚ ಜೀರಿಗೆ ಪುಡಿ
ರುಚಿಗೆ ತಕ್ಕ ಉಪ್ಪು
ಸ್ವಲ್ಪ ಅಜ್ವೈನ್
2 ಚಮಚ ಎಣ್ಣೆ
ನೀರು (ಬಿಸಿ ನೀರು ಹಾಕಿ ಕಲೆಸಿ ಚಪಾತಿ ಮೃದುವಾಗುವುದು)

ಮಾಡುವ ವಿಧಾನ

• ಒಂದು ದೊಡ್ಡ ಬೌಲ್‌ಗೆ ಗೋಧಿಹಿಟ್ಟು, ಚಿಕ್ಕದಾಗಿ ಕತ್ತರಿಸಿದ ಎಲೆ ಹಾಕಿ
• ಮೊಸರು ಸೇರಿಸಿ, ಮೊಸರು ಸೇರಿಸುವುದರಿಂದ ಮೆಂತೆಯ ಕಹಿ ಸ್ವಲ್ಪ ಕಡಿಮೆಯಾಗುವುದು.
• ನಂತರ ಉಪ್ಪು, ಎಣ್ಣೆ, ಖಾರದ ಪುಡಿ ಹಾಕಿ, ಕಲೆಸಲು ಅಗ್ಯತವಿರುವಷ್ಟು ನೀರು ಹಾಕಿ ಮಿಕ್ಸ್ ಮಾಡಿ
• ಹಿಟ್ಟನ್ನು ಚೆನ್ನಾಗಿ ಕಲೆಸಿ ನಂತರ ಒಂದು ಬಟ್ಟೆಯಿಂದ ಮುಚ್ಚಿ ಅರ್ಧ ಗಂಡೆ ಇಡಿ
• ಬಳಿಕ ಅದರಿಂದ ಉಂಡೆ ಕಟ್ಟಿ ಚಪಾತಿಗೆ ಲಟ್ಟಿಸಿ ಚಪಾತಿ ತವಾದಲ್ಲಿ ಹಾಕಿ ಎರಡೂ ಬದಿಗೆ ಎಣ್ಣೆ ಅಥವಾ ತಪ್ಪ ಸವರಿ ಬೇಯಿಸಿ.

ನಂತರ ಇದನ್ನು ನಿಮಗಿಷ್ಟವಾದ ಚಟ್ನಿ ಅಥವಾ ಕುರ್ಮಾ ಜೊತೆ ಇನ್ನೂ ಸೂಪರ್ ಆಗಿರುತ್ತದೆ . ಇದಕ್ಕೆ ಟೊಮೆಟೊ ಚಟ್ನಿ ಸೂಪರ್ ಆಗಿರುತ್ತದೆ.

ಟೊಮೆಟೊ ಚಟ್ನಿ ಹೀಗೆ ಮಾಡಿ ಸೂಪರ್ ಆಗಿರುತ್ತದೆ

3-4 ಹಣ್ಣಾದ ಸಾಧಾರಣ ಗಾತ್ರದ ಟೊಮೆಟೊ
2-3 ಎಸಳು ಬೆಳ್ಳುಳ್ಳಿ
ಸ್ವಲ್ಪ ಶುಂಠಿ
3-4 ಒಣ ಮೆಣಸು
ಸ್ವಲ್ಪ ಅರಿಶಿಣ
1/2 ಚಮಚ ಜೀರಿಗೆ
1 ಚಮಚ ಎಣ್ಣೆ

ಒಗ್ಗರಣೆಗೆ
ಕರಿಬೇವು
ಸಾಸಿವೆ
1 ಒಣ ಮೆಣಸು
1-2 ಬೆಳ್ಳುಳ್ಳಿ
ಚಿಟಿಕೆಯಷ್ಟು ಇಂಗು

ಮಾಡುವ ವಿಧಾನ:

• ಟೊಮೆಟೊವನ್ನು ತೊಳೆದು ಚಿಕ್ಕದಾಗಿ ಕತ್ತರಿಸಿ
• ನಂತರ ಪಾತ್ರೆಗೆ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಜೀರಿಗೆ ಒಣ ಮೆಣಸು ಹಾಕಿ ಸ್ವಲ್ಪ ಫ್ರೈ ಮಾಡಿ ತೆಗೆದು ಇಡಿ
• ಶುಂಠಿ ಮತ್ತು ಬೆಳ್ಳುಳ್ಳಿ ಕೂಡ ಪ್ರೈ ಮಾಡಿ
• ನಂತರ ಟೊಮೆಟೊ, ಅರಿಶಿಣ ಹಾಕಿ ಫ್ರೈ ಮಾಡಿ
• ನಂತರ ಎಲ್ಲವನ್ನು ತಟ್ಟೆಗೆ ಹಾಕಿ ಅದರ ಬಿಸಿ ಆರಲು ಬಿಡಿ.
• ನಂತರ ಗ್ರೈಂಡ್‌ ಮಾಡಿ
• ಬಳಿಕ ಒಗ್ಗರಣೆ ಹಾಕಿದರೆ ರುಚಿ ರಚಿಯಾದ ಟೊಮೆಟೊ ಚಟ್ನಿ ರೆಡಿ.