For Quick Alerts
ALLOW NOTIFICATIONS  
For Daily Alerts

ಬಾಯಿ ಚಪ್ಪರಿಸೋ ಆಂಬೊಡೆ ರೆಸಿಪಿ

|

ಹಬ್ಬದ ಅಡುಗೆ ಎಂದರೆ ಮೊದಲಿಗೆ ನೆನಪಾಗುವುದೇ ಆಂಬೊಡೆ ಅಥವಾ ಮಸಾಲ ವಡೆ. ಆಂಬೊಡೆಯ ರುಚಿ ಅದನ್ನು ಸವಿದವರಿಗೇ ಗೊತ್ತು. ಅದರ ಹೆಸರು ಕೇಳುತ್ತಲೇ ಬಾಯಿಯಲ್ಲಿ ನೀರೂರುತ್ತದೆ. ಹಬ್ಬದ ಮೆನುವಿನಲ್ಲಿ ಎಷ್ಟೇ ವೈವಿಧ್ಯತೆಗಳಿದ್ದರೂ, ನಾಲಿಗೆಗೆ ಖುಷಿ ನೀಡುವ ಆಂಬೊಡೆ ಇಲ್ಲದ ಅಡುಗೆ ಅಪೂರ್ಣವೇ. ಮದುವೆ, ಮುಂಜಿ, ಸಮಾರಂಭದ ಊಟಗಳಲ್ಲಿ ಸಹ ಆಂಬೋಡೆ ಇರಲೇಬೇಕು. ಹಬ್ಬಕ್ಕೆ ಮಾತ್ರ ಸೀಮಿತವಾಗದೇ ಮಳೆಗಾಲದಲ್ಲಿ ಕಾಫಿ, ಟೀ ಜತೆ ಬೆಸ್ಟ್ ಕಾಂಬಿನೇಷನ್ ಈ ಆಂಬೊಡೆ.

ಆರೋಗ್ಯಕ್ಕೂ ಸೈ, ನಾಲಿಗೆ ರುಚಿಗೂ ಸೈ. ದಕ್ಷಿಣ ಭಾರತದಲ್ಲಿ ಸಾಕಷ್ಟು ಪ್ರಖ್ಯಾತ ಖಾದ್ಯ ಆಂಬೋಡೆಯನ್ನು ತಯಾರಿಸುವ ಹಂತ ಹಂತದ ವಿಧಾನಗಳನನ್ನು ನಾವಿಲ್ಲಿ ನಿಮಗೆ ತಿಳಿಸುತ್ತಿದ್ದೇವೆ. ನೀವು ಇದುವರೆಗೂ ಆಂಬೊಡೆ ತಿಂದೇ ಇಲ್ಲ ಎಂದಾದರೆ ಕಡ್ಡಾಯವಾಗಿ ಇಂದೇ ಮಾಡಿ, ಮತ್ತೊಮ್ಮೆ, ಮಗದೊಮ್ಮೆ ತಿನ್ನಬೇಕು ಎನಿಸುವ ಅಂಬೋಡೆ ಖಂಡಿತ ನಿಮಗೆ ಇಷ್ಟವಾಗದೇ ಇರದು.

Masala Vade Or Ambode Recipe/ ಮಸಾಲ ವಡೆ ಮಾಡುವ ವಿಧಾನ
Masala Vade Or Ambode Recipe/ ಮಸಾಲ ವಡೆ ಮಾಡುವ ವಿಧಾನ
Prep Time
20 Mins
Cook Time
10M
Total Time
30 Mins

Recipe By: Meghashree Devaraju

Recipe Type: Snacks

Serves: 10 piece

Ingredients
  • ಬೇಕಾಗುವ ಸಾಮಾಗ್ರಿಗಳು

    ಕಡಲೆ ಬೇಳೆ - 1 ಕಪ್

    ನೀರು - 2 ಗ್ಲಾಸ್

    ತುರಿದ ತೆಂಗಿನಕಾಯಿ - 1 ಕಪ್ (ತೆಂಗಿನಕಾಯಿ ಇಲ್ಲದೆಯೂ ಮಾಡಬಹುದು)

    ಈರುಳ್ಳಿ- 2

    ಹಸಿರು ಮೆಣಸಿನಕಾಯಿ - 4

    ಶುಂಠಿ - 1 ಇಂಚು

    ಕೊತ್ತಂಬರಿ ಸೊಪ್ಪು - 1 ಕಪ್

    ಸಬ್ಬಸಿಗೆ ಸೊಪ್ಪು - 1 ಕಪ್

    ಚಕ್ಕೆ -ಸಣ್ಣ ತುಂಡು

    ಜೀರಿಗೆ- ಕಾಲು ಚಮಚ

    ಲವಂಗ - ಒಂದು

    ಉಪ್ಪು ರುಚಿಗೆ

    ಎಣ್ಣೆ

Red Rice Kanda Poha
How to Prepare
  • ಮಾಡುವ ವಿಧಾನ

    1. ಸ್ವಚ್ಛಗೊಳಿಸಿದ ಕಡಲೆ ಬೇಳೆಯನ್ನು ಒಂದು ಪಾತ್ರೆಗೆ ಹಾಕಿ ಚೆನ್ನಾಗಿ ತೊಳೆದು ನಂತರ ಕನಿಷ್ಠ 4-5 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ.

    2. 4 ಗಂಟೆಗಳ ನಂತರ ನೆನಸಿದ ಬೇಳೆಯ ಅರ್ಧಭಾಗವನ್ನು ತೆಗೆದುಕೊಂಡು ಅದಕ್ಕೆ ತೆಂಗಿನಕಾಯಿ ಸೇರಿಸಿ.

    3. ಜತೆಗೆ ಹಸಿರು ಮೆಣಸಿನಕಾಯಿ, ಶುಂಠಿ, ಚಕ್ಕೆ, ಲವಂಗ ಮತ್ತು ಜೀರಿಗೆಯನ್ನು ಸೇರಿಸಿ.

    4. ಅದನ್ನು ಚೆನ್ನಾಗಿ ಮಿಕ್ಸಿ ಮಾಡಿ ಪಾತ್ರೆಗೆ ವರ್ಗಾಯಿಸಿ.

    6. ಕತ್ತರಿಸಿದ ಕೊತ್ತಂಬರಿ, ಸಬ್ಬಸಿಗೆ ಸೊಪ್ಪು ಮತ್ತು ಈರುಳ್ಳಿಯನ್ನು ಅದಕ್ಕೆ ಸೇರಿಸಿ

    7. ರುಚಿಗೆ ತಕ್ಕಷ್ಟು ಉಪ್ಪನ್ನು ಹಾಕಿ ಚೆನ್ನಾಗಿಮಿಶ್ರಣ ಮಾಡಿ

    8. ನಂತರ ಸಣ್ಣ ಲಾಡೂ ಗಾತ್ರದ ಉಂಡೆಗಳನ್ನು ಮಾಡಿಕೊಳ್ಳಿ.

    9.ಈ ನಡುವೆ ಬಾಣಲೆಯಲ್ಲಿ ಎಣ್ಣೆಯನ್ನು ಬಿಸಿಗೆ ಇಡಿ (ಉರಿ ಸಣ್ಣ ಅಥವಾ ಮಧ್ಯಮವಾಗಿರಲಿ)

    10. ಉಂಡೆ ಮಾಡಿಟ್ಟುಕೊಂಡಿದ್ದ ಮಿಶ್ರಣವನ್ನು ಕೈಯಲ್ಲಿ ಸ್ವಲ್ಪ ಚಪ್ಪಟೆ ಮಾಡಿ ನಿಧಾನವಾಗಿ ಎಣ್ಣೆಯಲ್ಲಿ ಬಿಡಿ.

    11. ಮಿಶ್ರಣ ಗೋಲ್ಡನ್ ಬ್ರೌನ್ ಆಗುವವರೆಗೆ ಅದನ್ನು ಫ್ಲಿಪ್ ಮಾಡಿ ಫ್ರೈ ಮಾಡಿ.

Instructions
  • ತೆಂಗಿನಕಾಯಿ ತುರಿ ಆಯ್ಕೆಯಾಗಿದ್ದು, ಬಳಸದೆಯೂ ಇರಬಹುದು. ಹಬ್ಬದ ದಿನಗಳಲ್ಲಿ ಈರುಳ್ಳಿಯ ಪದಾರ್ಥ ಬೇಡ ಈರುಳ್ಳಿ ಬದಲಿಗೆ ಎಂದಾದರೆ ಕಡ್ಡಾಯವಾಗಿ ತೆಂಗಿನತುರಿ ಹಾಕಿ. ಸಬ್ಬಸಿಗೆ ಸೊಪ್ಪು ಸಹ ನಿಮ್ಮ ಆಯ್ಕೆ ಮಾತ್ರ. ವಡೆಯನ್ನು ತಪ್ಪದೇ ಕಡಿಮೆ ಅಥವಾ ಮಧ್ಯಮ ಫ್ಲೇಮ್‌ನಲ್ಲೇ ಬೇಯಿಸಿ, ಇಲ್ಲವಾದರೆ ಬೇಗ ಸುಟ್ಟುಹೋಗುತ್ತದೆ.
Nutritional Information
  • Piece - 1
  • ಕ್ಯಾಲೋರಿಗಳು - - 150
  • ಕೊಬ್ಬು - - 3 ಗ್ರಾಂ
  • ಪ್ರೋಟೀನ್ - - 4 ಗ್ರಾಂ
  • ಫೈಬರ್ - - 5 ಗ್ರಾಂ
[ 4.5 of 5 - 84 Users]
X