ಬೆಳಗ್ಗೆ 1 ಕಪ್ ಈ ಗಂಜಿ ಕುಡಿಯಿರಿ: ಹೊಟ್ಟೆಯ ಕೊಬ್ಬು, ತೂಕ ಬೇಗ ಇಳಿಯುತ್ತೆ! 7 ದಿನದಲ್ಲಿ ರಿಸಲ್ಟ್‌ ನೋಡಿ

ನೀವು ಡಯಟ್ ಮಾಡುತ್ತಿದ್ದೀರಾ? ಪ್ರತಿದಿನ ಬೆಳಗ್ಗೆ 1 ಕಪ್ ಈ ಗಂಜಿ ಕುಡಿಯಿರಿ.. ನಿಮ್ಮ ಹೊಟ್ಟೆ ಮತ್ತು ದೇಹದ ತೂಕ ಬೇಗನೆ ಕಡಿಮೆಯಾಗುತ್ತದೆ. ಹೌದು, ಸ್ಥೂಲಕಾಯತೆಯಿಂದ ಬಳಲುತ್ತಿರುವವರ ಸಂಖ್ಯೆ ಜಗತ್ತಿನಲ್ಲಿ ಅಪಾರವಾಗಿದೆ. ಹೊಟ್ಟೆಯ ಕೊಬ್ಬು ಮತ್ತು ಹೆಚ್ಚಿದ ದೇಹದ ತೂಕವನ್ನು ಕಡಿಮೆ ಮಾಡಲು ಹಲವರು ಕಟ್ಟುನಿಟ್ಟಾದ ಆಹಾರ ಕ್ರಮಗಳನ್ನು ಅನುಸರಿಸುತ್ತಾರೆ. ಅಂತಹ ಆಹಾರ ಪದ್ಧತಿಯಲ್ಲಿ, ರುಚಿಯಿಲ್ಲದ ಆಹಾರವನ್ನು ಕಷ್ಟಪಟ್ಟು ತಿನ್ನುವವರು ಹೆಚ್ಚು.

ನೀವು ಸಹ ರುಚಿಯಿಲ್ಲದ ಆಹಾರವನ್ನು ಸೇವಿಸುತ್ತಿದ್ದರೆ, ತೂಕ ಇಳಿಸಲು ಮತ್ತು ರಕ್ತದಲ್ಲಿನ ಸಕ್ಕರೆಯನ್ನು ನಿಯಂತ್ರಿಸಲು ಸಹಾಯ ಮಾಡುವ ಮಾಪಿಳ್ಳೈ ಸಾಂಬಾ ಅಕ್ಕಿ ಗಂಜಿ (Mapillai Samba Arisi Kanji) ಪ್ರಯತ್ನಿಸಿ. ಈ ಗಂಜಿಯೊಂದಿಗೆ ತರಕಾರಿಗಳನ್ನು ಸೇರಿಸುವುದರಿಂದ ಅದು ಹೆಚ್ಚು ರುಚಿಕರ ಮತ್ತು ಆರೋಗ್ಯಕರವಾಗಿರುತ್ತದೆ. ಪ್ರತಿದಿನ ಈ ಗಂಜಿ ಕುಡಿಯುವುದರಿಂದ ತೂಕದಲ್ಲಿ ಗಮನಾರ್ಹ ಬದಲಾವಣೆಗಳನ್ನು ಕಾಣಬಹುದು. ಮಾಪಿಳ್ಳೈ ಸಾಂಬಾ ಅಕ್ಕಿ ಗಂಜಿ (Mapillai Samba Arisi Ganji) ಮಾಡುವುದು ಹೇಗೆ ಎಂದು ತಿಳಿಯಲು ಬಯಸುವಿರಾ? ಅದರ ಸರಳ ಪಾಕವಿಧಾನ ಇಲ್ಲಿದೆ. ಇದನ್ನು ತಯಾರಿಸಿ, ರುಚಿ ನೋಡಿ ನಿಮ್ಮ ಪ್ರತಿಕ್ರಿಯೆಯನ್ನು ನಮ್ಮೊಂದಿಗೆ ಹಂಚಿಕೊಳ್ಳಿ.

Photo Credit: ಸಂಗ್ರಹ ಚಿತ್ರ

ಈ ಗಂಜಿ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

• ಮಾಪಿಳ್ಳೈ ಸಾಂಬಾ ಅಕ್ಕಿ - 1 ಕಪ್
• ಜೀರಿಗೆ - 1 ಸ್ಪೂನ್
• ಮೆಣಸು - 1 ಸ್ಪೂನ್
• ಮೆಂತ್ಯ - 1/4 ಸ್ಪೂನ್
• ಎಣ್ಣೆ - 1 ಸ್ಪೂನ್
• ಬೆಳ್ಳುಳ್ಳಿ - 5 ಎಸಳು (ಸಣ್ಣಗೆ ಕತ್ತರಿಸಿದ್ದು)
• ಕರಿಬೇವಿನ ಎಲೆಗಳು - 2 ಕವಲು
• ಹಸಿ ಮೆಣಸಿನಕಾಯಿ - 2 (ಸಣ್ಣಗೆ ಕತ್ತರಿಸಿದ್ದು)
• ಈರುಳ್ಳಿ - 1 (ಸಣ್ಣಗೆ ಕತ್ತರಿಸಿದ್ದು)
• ಕ್ಯಾರೆಟ್ - 2 (ಸಣ್ಣಗೆ ಕತ್ತರಿಸಿದ್ದು)
• ಬೀನ್ಸ್ - 10 (ಸಣ್ಣಗೆ ಕತ್ತರಿಸಿದ್ದು)
• ನೀರು - 10 ಕಪ್
• ಉಪ್ಪು - ರುಚಿಗೆ ತಕ್ಕಷ್ಟು
• ತೆಂಗಿನ ಹಾಲು - 1 1/2 ಕಪ್

Photo Credit: ಸಾಂದರ್ಭಿಕ ಚಿತ್ರ

ಈ ಗಂಜಿ ತಯಾರಿಸುವ ವಿಧಾನ

- ಮೊದಲು ಮಾಪಿಳ್ಳೈ ಸಾಂಬಾ ಅಕ್ಕಿಯನ್ನು ಎರಡು ಬಾರಿ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ. ನಂತರ ಶುದ್ಧ ನೀರನ್ನು ಸೇರಿಸಿ ಅಕ್ಕಿಯನ್ನು 10 ಗಂಟೆಗಳ ಕಾಲ ನೆನೆಸಿಡಿ. 10 ಗಂಟೆಗಳ ನಂತರ, ಅಕ್ಕಿ ನೆನೆಸಿದ ನೀರನ್ನು ಪ್ರತ್ಯೇಕ ಪಾತ್ರೆಯಲ್ಲಿ ಸೋಸಿ ಇಟ್ಟುಕೊಳ್ಳಿ. ನಂತರ ಅಕ್ಕಿಯನ್ನು ಬಟ್ಟೆಯಲ್ಲಿ ಹಾಕಿ ಸ್ವಲ್ಪ ಒಣಗಲು ಬಿಡಿ.

- ನಂತರ ಮಿಕ್ಸರ್ ಜಾರ್‌ಗೆ ಜೀರಿಗೆ, ಮೆಣಸು, ಮೆಂತ್ಯ ಮತ್ತು ಒಣಗಿಸಿದ ಅಕ್ಕಿಯನ್ನು ಸೇರಿಸಿ, ತರಿತರಿಯಾಗಿ ಪುಡಿ ಮಾಡಿ. ಗಂಜಿ ತಯಾರಿಸಲು, ಒಂದು ದೊಡ್ಡ ಪಾತ್ರೆಯನ್ನು ಒಲೆಯ ಮೇಲೆ ಇಟ್ಟು, ಅದಕ್ಕೆ 1 ಸ್ಪೂನ್ ಎಣ್ಣೆ ಹಾಕಿ ಬಿಸಿ ಮಾಡಿ. ಎಣ್ಣೆ ಬಿಸಿಯಾದ ನಂತರ, ಸಣ್ಣಗೆ ಕತ್ತರಿಸಿದ ಬೆಳ್ಳುಳ್ಳಿ, ಕರಿಬೇವಿನ ಎಲೆಗಳು, ಹಸಿ ಮೆಣಸಿನಕಾಯಿ ಸೇರಿಸಿ ಚೆನ್ನಾಗಿ ಹುರಿಯಿರಿ.

- ಇದಾದ ನಂತರ ಸಣ್ಣಗೆ ಕತ್ತರಿಸಿದ ಈರುಳ್ಳಿ ಮತ್ತು ಸ್ವಲ್ಪ ಉಪ್ಪನ್ನು ಸೇರಿಸಿ ಚೆನ್ನಾಗಿ ಹುರಿಯಿರಿ. ಇದಕ್ಕೆ ಕ್ಯಾರೆಟ್ ಮತ್ತು ಬೀನ್ಸ್ ಸೇರಿಸಿ 3-4 ನಿಮಿಷಗಳ ಕಾಲ ಹುರಿಯಿರಿ. ನಂತರ 10 ಕಪ್ ನೀರನ್ನು ಸೇರಿಸಿ. ಅಕ್ಕಿ ನೆನೆಸಿದ ನೀರನ್ನು ಸಹ ಇದರಲ್ಲಿ ಬಳಸಬಹುದು. ನಂತರ ಪುಡಿ ಮಾಡಿದ ಗಂಜಿ ಹಿಟ್ಟು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ನಿರಂತರವಾಗಿ ಬೆರೆಸಿ.

- ಸುಮಾರು 15 ನಿಮಿಷಗಳ ಕಾಲ ಗಂಜಿ ಚೆನ್ನಾಗಿ ಕುದಿಸಿದಾಗ, ಅದು ದಪ್ಪವಾಗಿ ಅಕ್ಕಿ ಬೇಯುತ್ತದೆ. ನಂತರ ಗಂಜಿಯನ್ನು ಒಲೆಯಿಂದ ಇಳಿಸಿ. ಇದಕ್ಕೆ ತೆಂಗಿನ ಹಾಲು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿದರೆ, ರುಚಿಕರವಾದ ಮಾಪಿಳ್ಳೈ ಸಾಂಬಾ ಅಕ್ಕಿ ಗಂಜಿ (Mapillai Samba Arisi Ganji) ಸಿದ್ಧ.