ಮಾವಿನ ಹಣ್ಣಿನ ಜಾಮ್‌: ಮೂರೇ ಮೂರು ಸಾಮಗ್ರಿ ಸಾಕು, ರುಚಿಯಾದ ಜಾಮ್‌ ರೆಡಿ

ಜಾಮ್‌ ಅಂದರೆ ಮಕ್ಕಳಿಗೆ ಪಂಚ ಪ್ರಾಣ, ಅದರಲ್ಲೂ ಮಾವಿನಹಣ್ಣಿನ ಜಾಮ್‌ ಅಂದರೆ ಕೇಳಬೇಕೇ ಇನ್ನೂ ರುಚಿ, ನೀವು ಈ ಸೀಸನ್‌ನಲ್ಲಿ ನೀವು ಮಾವಿನ ಹಣ್ಣಿನ ಜಾಮ್‌ ಮಾಡಿ, ತುಂಬಾ ಸುಲಭವಾಗಿ ಮಾಡಬಹುದು, ಯಾವುದೇ ಪ್ರಿಸರ್‌ವೇಟಿವ್‌ ಹಾಕದೆ ಮಾಡುವ ಜಾಮ್ ಇದಾಗಿದೆ, ಮಕ್ಕಳು ಈ ಸಮಯದಲ್ಲಿ ಇಷ್ಟಬಂದಷ್ಟು ಜಾಮ್‌ ಸವಿಯಲಿ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
2 ದೊಡ್ಡ ತಿರುಳು ಹೆಚ್ಚಾಗಿರುವ ಮಾವಿನಹಣ್ಣು
( ಪೌಡರ್ ಹಾಕಿ ಹಣ್ಣು ಮಾಡಿದ್ದು ಅಲ್ಲ ಹಾಗೆಯೇ ನೈಸರ್ಗಿಕವಾಗಿ ಹಣ್ಣಾದ ಮಾವಿನಹಣ್ಣು, ಅವಾಗ ಮಾತ್ರ ರಸ ಹೆಚ್ಚಿರುತ್ತದೆ)
1/2 ಕಪ್ ಸಕ್ಕರೆ, ಸಿಹಿ ಇನ್ನೂ ಬೇಕೆಂದರೆ ಇನ್ನೂ ಹಾಕಬಹುದು
1 ಚಮಚ ನಿಂಬೆರಸ

ಮಾಡುವ ವಿಧಾನ
ಮಾವಿನ ತಿರುಳು ಮಾತ್ರ ಒಂದು ಕಪ್‌ನಲ್ಲಿ ಹಾಕಿ, ನಂತರ ಮಿಕ್ಸಿಯಲ್ಲಿ ನುಣ್ಣನೆ ರುಬ್ಬಿ
ಈಗ ಮಾವಿನ ತಿರುಳು ಒಂದು ಕಡಾಯಿನಲ್ಲಿ ಹಾಕಿ 2 ನಿಮಿಷ ಬಿಸಿ ಮಾಡಿ.
ಸಕ್ಕರೆ ಸೇರಿಸಿ, ಸಕ್ಕರೆ ಸೇರಿಸುವಾಗ ಮಿಶ್ರಣ ಗಟ್ಟಿಯಾಗಿಸುತ್ತದೆ. ನಂತರ ಉರಿಯಿಂದ ಇಳಿಸಿ 8-10 ನಿಮಿಷ ಬಿಡಿ
ನಂತರ ನಿಂಬೆ ರಸ ಹಿಂಡಿ ಮಿಕ್ಸ್ ಮಾಡಿ
ನಂತರ ಗಾಳಿಯಾಡದ ಗಾಜಿನ ಡಬ್ಬದಲ್ಲಿ ಹಾಕಿಡಿ.
ಇದನ್ನು ನೀವು ಒಂದು ತಿಂಗಳವರೆಗೆ ಬಳಸಬಹುದು.

ಇತರ ಸಲಹೆ

• ನೀವು ಬೇಕಿದ್ದರೆ ಸ್ವಲ್ಪ ವೆನಿಲ್ಲಾ ಎಸೆನ್ಸ್ 1/2 ಚಮಚ ಸೇರಿಸಬಹುದು. ಏಲಕ್ಕಿ ಪುಡಿ ಕೂಡ ಸೇರಿಸಿ
• ನಾರಿನಂಶ ಕಡಿಮೆ ಇರುವ ಮಾವಿನ ಹಣ್ಣು ಜಾಮ್‌ ಮಾಡಲು ಒಳ್ಳೆಯದು
• ಮಾವಿನ ಹಣ್ಣು, ಸಕ್ಕರೆ ಹೆಚ್ಚು ಸೇರಿಸಿ ಹೆಚ್ಚು ಜಾಮ್ ಬಳಸಬಹುದು.
• ಇನ್ನು ನೀವು ತುಂಬಾ ಹಣ್ಣಾದ ಮಾವಿನಹಣ್ಣು ಕೂಡ ಬಳಸಬೇಡಿ, ತುಂಬಾನೇ ಹಣ್ಣಾಗಿದ್ದರೆ ಸಕ್ಕರೆ ಸೇರಿಸಿದಾಗ ಟೇಸ್ಟ್‌ ಹಾಳಾಗುವುದು.
• ಇನ್ನು ನಿಂಬೆರಸ ಸೇರಿಸುವುದರಿಂದ ಸಕ್ಕರೆ ಮತ್ತ ಗಟ್ಟಿಯಾಗುವುದನ್ನು ತಪ್ಪಿಸಬಹುದು.
• ಇದರಲ್ಲಿ ಪ್ರಿಸರ್‌ವೇಟಿವ್ ಸೇರಿಸದ ಕಾರಣ ಹೆಚ್ಚು ಸಮಯ ಇಡಲು ಸಾಧ್ಯವಿಲ್ಲ, ಹಾಗಾಗಿ ಹೊರಡಗೆ ಇಡಬೇಡಿ, ಫ್ರಿಡ್ಜ್‌ನಲ್ಲಿ ಇಟ್ಟು ಬಳಸಬೇಕು.
• ಜಾಮ್‌ಗೆ ನೀರಿನಂಶವಿರುವ ಸ್ಪೂನ್ ಹಾಕಬೇಡಿ, ಬೇಗೆ ಹಾಳಾಗುವುದು.