ಮಕ್ಕಳ ಮೂಳೆ ಬೆಳವಣಿಗೆಗೆ ಬೆಸ್ಟ್ ತಿಂಡಿ ಇದು! ಮಾಡೋದು ಸಹ ಸುಲಭ

ಮಕ್ಕಳ ಆರೋಗ್ಯಕ್ಕೆ ಪೂಕರವಾಗುವಂತಹ ತಿಂಡಿಯನ್ನು ಮನೆಯಲ್ಲಿ ಮಾಡಿ ಸವಿಯೋದು ನೋಡಿರುತ್ತೀರಿ. ಹಾಗೆ ಯಾವುದಾದರು ತಿಂಡಿ ಮಾಡಿದ್ರೆ ಅದು ಆರೋಗ್ಯದ ದೃಷ್ಟಿಯಿಂದಲೂ ಬೆಸ್ಟ್ ಎನಿಸಿಕೊಳ್ಳಬೇಕು. ಹಾಗೆ ಮಕ್ಕಳ ಮೂಳೆ ಬಲವಾಗಬೇಕು ಅಂದ್ರೆ ಹಲವು ರೀತಿಯ ತಿಂಡಿಗಳ ಮಾಡಿ ಸವಿಯೋದು ಕಾಮನ್. ಹಾಗೆ ಮಕ್ಕಳು ಮಾತ್ರವಲ್ಲ ಹಿರಿಯರ ಮೂಳೆ ಆರೋಗ್ಯಕ್ಕೂ ಬೆಸ್ಟ್ ಎನಿಸುವ ತಿಂಡಿಯನ್ನು ನಾವಿಂದು ಮಾಡಿ ಸವಿಯುವ ಕುರಿತಾಗಿ ತಿಳಿದುಕೊಳ್ಳೋಣ.

ಮೂಳೆಗಳು ಬಲವಾಗಬೇಕು ಅಂದ್ರೆ ಕ್ಯಾಲ್ಸಿಯಂ ಅಗತ್ಯವಾಗಿ ಬೇಕಾಗುತ್ತೆ. ಕ್ಯಾಲ್ಸಿಯಂ ಹಲವು ಖಾದ್ಯಗಳ ಮೂಲಕ ಪಡೆಯಬಹುದು. ಹಾಗೆ ಮೂಳೆ ಬಲವಾಗಲು ಹಲವು ರೀತಿಯ ಹಸಿ ತರಕಾರಿಗಳು, ಆಹಾರ ಪದಾರ್ಥಗಳು, ಕಾಳುಗಳನ್ನು ಸವಿಯಬೇಕಾಗತ್ತೆ. ಹೀಗಾಗಿ ನಾವಿಂದು ಬೇಳೆಗಳ ಬಳಸಿಕೊಂಡು ಮಾಡುವ ಸಿಹಿ ತಿಂಡಿ ಕುರಿತು ತಿಳಿಯೋಣ.

ಈ ಸಿಹಿ ತಿಂಡಿಯನ್ನು ಸವಿದರೆ ನಿಮ್ಮ ಮೂಳೆಗಳೂ ಸ್ಟ್ರಾಂಗ್ ಆಗೋದು ಖಚಿತ. ಹಾಗೆ ಸವಿಯಲು ಸಹ ಬಹಳ ರುಚಿ ನೀಡಲಿದೆ. ಹೀಗಾಗಿ ಮೂಳೆಗಳ ಬೆಳವಣಿಗೆಗೆ ಸಹಾಯವಾಗುವ ಈ ಖಾದ್ಯ ಮಾಡಿ ಸವಿಯುವ ಕುರಿತು ತಿಳಿಯೋಣ.

ಮೂಳೆ ಬೆಳವಣಿಗೆಗೆ ಸಹಕಾರಿಯಾಗುವ ಸಿಹಿ ತಿಂಡಿ ಮಾಡಲು ಬೇಕಾಗುವ ವಸ್ತುಗಳು

• ಉದ್ದಿನ ಬೇಳೆ
• ಹೆಸರುಬೇಳೆ
• ಬೆಲ್ಲ
• ಹಾಲು
• ತುಪ್ಪ
• ಏಲಕ್ಕಿ ಪೌಡರ್
• ಉಪ್ಪು

ಮೂಳೆ ಬೆಳವಣಿಗೆಗೆ ಸಹಕಾರಿಯಾಗುವ ಸಿಹಿ ತಿಂಡಿ ಮಾಡುವ ವಿಧಾನವೇನು?

ಮೊದಲಿಗೆ ಒಂದು ಬಾಣಲೆ ಒಲೆ ಮೇಲೆ ಇಟ್ಟು ಅದಕ್ಕೆ 1 ಕಪ್ ಉದ್ದಿನ ಬೇಳೆ ಹಾಕಿಕೊಂಡು ಹುರಿದುಕೊಳ್ಳಬೇಕು. ಹಾಗೆ ಇದಕ್ಕೆ ಅರ್ಧ ಕಪ್ ಹೆಸರು ಬೇಳೆ ಹಾಕಿಕೊಂಡು ಎರಡನ್ನು ಒಟ್ಟಿಗೆ ಚೆನ್ನಾಗಿ ಗರಿ ಗರಿಯಾಗಿ ಹುರಿಯಬೇಕು. ಅನಂತರ ಎರಡನ್ನು ತೆಗೆದು ತಣ್ಣಗಾಗಲು ಬಿಡಿ. ಈಗ ಅದೇ ಬಾಣಲೆಗೆ 2 ಕಪ್ ಬೆಲ್ಲ ಹಾಕಿ 1 ಕಪ್ ನೀರು ಹಾಕಿ ಕರಗಲು ಬಿಡಿ.

ಬೆಲ್ಲ ಕರಗಿದ ಬಳಿಕ ಇದಕ್ಕೆ 1 ಸ್ಪೂನ್ ತುಪ್ಪ ಸೇರಿಸಿ ಗಟ್ಟಿಯಾಗಲು ಬಿಡಬೇಕು. 5 ನಿಮಿಷ ಕುದಿಬಂದು ಗಟ್ಟಿಯಾಗಬೇಕು. ಈಗ ಒಂದು ಮಿಕ್ಸಿ ಜಾರ್‌ನಲ್ಲಿ ಮೊದಲು ಹುರಿದುಕೊಂಡಿದ್ದ ಎರಡು ಬೇಳೆಗಳನ್ನು ಸೇರಿಸಿ ನುಣ್ಣಗೆ ಪುಡಿ ಮಾಡಿಕೊಳ್ಳಬೇಕು. ಈಗ ಒಲೆಯಲ್ಲಿ ಕುದಿಯುತ್ತಿದ್ದ ಬೆಲ್ಲಕ್ಕೆ ಈ ಪುಡಿಯನ್ನು ಹಾಕಿಕೊಳ್ಳಬೇಕು. ಈಗ ಒಲೆ ಆಫ್ ಮಾಡಿಕೊಂಡಿರಬೇಕು.

ಹಾಗೆ ಚೆನ್ನಾಗಿ ಮಿಕ್ಸ್ ಮಾಡುತ್ತಾ ಇರಬೇಕು, ಗಂಟುಗಳು ಇಲ್ಲದಂತೆ ಕಲಸಿಕೊಂಡು 3 ನಿಮಿಷ ಬಿಟ್ಟು ಮತ್ತೆ ಸಣ್ಣ ಉರಿಯಲ್ಲಿ ಒಲೆ ಇಟ್ಟು ಮಿಕ್ಸ್ ಮಾಡಿ. ಈಗ ಒಂದು ಕಪ್ ಹಾಲು ಹಾಕಿಕೊಳ್ಳಿ. ಹಾಗೆ ಇದಕ್ಕೆ ಏಲಕ್ಕಿ ಪುಡಿ ಸಹ ಹಾಕಿ ಮಿಕ್ಸ್ ಮಾಡಿಕೊಳ್ಳಬೇಕು.

ಈಗ ಈ ಹಿಟ್ಟನ್ನು ಒಂದು ತಟ್ಟೆಗೆ ಹಾಕಿಕೊಳ್ಳಬೇಕು. ತಟ್ಟೆಗೆ ಎಣ್ಣೆ ಅಥವಾ ತುಪ್ಪ ಸವರಿಕೊಂಡು ಬಳಿಕ ಈ ಹಿಟ್ಟನ್ನು ಹಾಕಿಡಬೇಕು. ತಣ್ಣಗಾದ ಬಳಿಕ ನಿಮಗೆ ಯಾವ ಗಾತ್ರಕ್ಕೆ ಬೇಕೋ ಆ ಗಾತ್ರಕ್ಕೆ ಕತ್ತರಿಸಿಕೊಳ್ಳಬೇಕು. ಇಷ್ಟಾದರೆ ನಿಮ್ಮ ಮುಂದೆ ಬೇಳೆ ಕಾಳುಗಳ ರುಚಿಯಾದ ತಿಂಡಿ ಸಿದ್ದವಾಗುತ್ತೆ. ಇದು ಮೂಳೆಗಳ ಆರೋಗ್ಯಕ್ಕೆ ಬಹಳ ಉತ್ತಮ ಖಾದ್ಯ ಆಗಿರಲಿದೆ.

ನೀವು ಸಹ ಮನೆಯಲ್ಲಿ ಮಕ್ಕಳಿಗೆ ಇದನ್ನು ಮಾಡಿ ನೀಡಿ. ಮಕ್ಕಳ ಮೂಳೆಗಳ ಆರೋಗ್ಯಕ್ಕೆ ಇದು ಉತ್ತಮ ತಿಂಡಿ, ಹಾಗೆ ಬೆಲ್ಲ ಹಾಕಿ ಮಾಡುವುದರಿಂದ ಯಾವುದೇ ಹಾನಿಯಾಗುವುದಿಲ್ಲ.