ನವರಾತ್ರಿ ಸ್ಪೆಷಲ್: ಲುಚಿ ಅಲ್ಲೂರ್ ದಮ್ ರೆಸಿಪಿ

Recipes

oi-Lekhaka

Posted By: Lekhaka

Updated: Thursday, September 28, 2017, 18:32 [IST]

ನಿಯಮಿತ ದಿನಗಳಲ್ಲಿ ಮುಖ್ಯವಾದ ಭಕ್ಷ್ಯವನ್ನಾಗಿ ಲುಚಿ ಅಲ್ಲೂರ್ ದಮ್‌ನ್ನು ತಯಾರಿಸಲಾಗುತ್ತದೆ. ರುಚಿಕರವಾದ ಈ ಭಕ್ಷ್ಯ ಬೆಂಗಾಲಿಯಲ್ಲಿ ವಿಶೇಷವಾದದ್ದು. ಪೂರಿಯನ್ನು ಸಾಮಾನ್ಯವಾಗಿ ಮೈದಾದಿಂದ ತಯಾರಿಸುತ್ತಾರೆ. ಇದಕ್ಕೆ ಸಾಥ್ ನೀಡುವ ಲುಚಿ ಅಲ್ಲೂರ್ ದಮ್ ರೆಸಿಪಿ ವಿಶಿಷ್ಟವಾದ ಮಸಾಲೆಯ ಮಿಶ್ರಣ ಹಾಗೂ ಆಲೂಗಡ್ಡೆಯಿಂದ ತಯಾರಿಸಲಾಗುತ್ತದೆ. ಇದರ ರುಚಿ ಹಾಗೂ ಪರಿಮಳ ಎಲ್ಲರಿಗೂ ಇಷ್ಟವಾಗುವಂತೆ ಮಾಡುತ್ತವೆ.

ಆರೋಗ್ಯಕ್ಕೆ ಪೂರಕವಾದ ಪೋಷಕಾಂಶವನ್ನು ನೀಡುವ ಈ ಭಕ್ಷ್ಯವನ್ನು ಬೆಂಗಾಲಿ ಹಾಗೂ ಭಾರತದ ಕೆಲವು ಪ್ರದೇಶದಲ್ಲಿ ಸಾಮಾನ್ಯವಾಗಿ ತಯಾರಿಸುತ್ತಾರೆ. ಗರಿಗರಿಯಾದ ಪೂರಿಯ ಜೊತೆ ರುಚಿಕರವಾದ ಅಲ್ಲೂರ್ ದಮ್ಹೆಚ್ಚು ಆಹ್ಲಾದವನ್ನು ನೀಡುತ್ತದೆ. ನೀವು ನಿಮ್ಮ ಮನೆಯಲ್ಲಿ ಈ ಹೊಸ ರುಚಿಯನ್ನು ತಯಾರಿಸಬೇಕೆಂಬ ಹವಣಿಕೆಯಲ್ಲಿದ್ದರೆ ಇಲ್ಲಿರುವ ವೀಡಿಯೋ ಹಾಗೂ ಹಂತ ಹಂತವಾದ ಚಿತ್ರವಿವರಣೆಯನ್ನು ಪರಿಶೀಲಿಸಬಹುದು.

ಹಂತ ಹಂತವಾದ ಚಿತ್ರ ವಿವರಣೆ

1. ಒಂದು ಪಾತ್ರೆಯಲ್ಲಿ ದಾಲ್ಚಿನ್ನಿ ಚೆಕ್ಕೆಯನ್ನು ಹಾಕಿ ಹುರಿಯಿರಿ.

2. ಏಲಕ್ಕಿ ಮತ್ತು ಲವಂಗವನ್ನು ಸೇರಿಸಿ.

3. ಬಣ್ಣ ಬದಲಾಗುವವರೆಗೂ ಡ್ರೈ ರೋಸ್ಟ್ (ಒಣದಾಗಿಯೇ) ಮಾಡಿ.

4. ಮಿಕ್ಸರ್ ಪಾತ್ರೆಗೆ ವರ್ಗಾಯಿಸಿ.

5. ನುಣುಪಾದ ಪುಡಿಯಂತೆ ರುಬ್ಬಿಕೊಂಡು, ಬೆಂಗಾಲಿ ಗರಮ್ ಮಸಾಲವನ್ನಾಗಿ ತಯಾರಿಸಿ.

6. ಮಿಶ್ರಣದ ಪಾತ್ರೆಯಲ್ಲಿ ಮೈದಾವನ್ನು ಹಾಕಿ.

7. ಟೀ ಚಮಚ ಉಪ್ಪನ್ನು ಸೇರಿಸಿ.

8. ಅರ್ಧ ಟೇಬಲ್ ಚಮಚ ತುಪ್ಪವನ್ನು ಬೆರೆಸಿ, ಚೆನ್ನಾಗಿ ಮಿಶ್ರಗೊಳಿಸಿ.

9. ಸ್ವಲ್ಪ ನೀರನ್ನು ಸೇರಿಸಿ (ನಿರ್ದಿಷ್ಟ ಅಳತೆಯ ಪ್ರಕಾರ 1/6 ಕಪ್) ಗಟ್ಟಿಯಾದ ಹಿಟ್ಟಿನಂತೆ ಮಾಡಿಕೊಳ್ಳಬೇಕು.

10. ಮುಚ್ಚಳವನ್ನು ಮುಚ್ಚಿ 15-20 ನಿಮಿಷಗಳ ಕಾಲ ಬಿಡಿ.

11. ಈ ಮಧ್ಯೆ, ಬೇಯಿಸಿಕೊಂಡ ಆಲೂಗಡ್ಡೆಗೆ ಚಮಚದ ಸಹಾಯದಿಂದ ಒಂದು ರಂಧ್ರವನ್ನು ಮಾಡಿ ಒಂದೆಡೆ ಇಡಿ.

12. ಪಾತ್ರೆಯೊಂದಕ್ಕೆ 2 ಟೇಬಲ್ ಚಮಚ ಎಣ್ಣೆಯನ್ನು ಹಾಕಿ ಬಿಸಿ ಮಾಡಿ.

13. ಬೇ ಎಲೆ/ಪರಿಮಳದ ಎಲೆ ಮತ್ತು ಜೀರಿಗೆಯನ್ನು ಸೇರಿಸಿ.

14. ಹೆಚ್ಚಿಕೊಂಡ ಹಸಿಮೆಣಸಿನ ಕಾಯಿಯನ್ನು ಸೇರಿಸಿ ಹುರಿಯಿರಿ.

15. ಸಕ್ಕರೆಯನ್ನು ಸೇರಿಸಿ, ಕರಗುವ ತನಕ ಚೆನ್ನಾಗಿ ಕಲುಕುತ್ತಿರಿ.

16. ಈರುಳ್ಳಿ ಪೇಸ್ಟ್ ಅನ್ನು ಸೇರಿಸಿ, ಕಂದು ಬಣ್ಣಕ್ಕೆ ತಿರುಗುವ ತನಕ ಚೆನ್ನಾಗಿ ಹುರಿಯಿರಿ.

17. ನಂತರ ಶುಂಠಿ, ಬೆಳ್ಳುಳ್ಳಿ ಮತ್ತು ಟೊಮ್ಯಾಟೋ ಪೇಸ್ಟ್‍ಗಳನ್ನು ಸೇರಿಸಿ ಚೆನ್ನಾಗಿ ಮಿಶ್ರಗೊಳಿಸಿ.

18. ಇದಕ್ಕೆ ಮುಚ್ಚಳವನ್ನು ಮುಚ್ಚಿ 5-6 ನಿಮಿಷ ಬೇಯಲು ಬಿಡಿ.

19. ಮುಚ್ಚಳವನ್ನು ತೆರೆದು, ಉಪ್ಪು ಮತ್ತು ಖಾರದ ಪುಡಿಯನ್ನು ಸೇರಿಸಿ.

20. ಜೀರಿಗೆ ಪುಡಿ ಮತ್ತು ಧನಿಯಾ ಪುಡಿಯನ್ನು ಸೇರಿಸಿ ಚೆನ್ನಾಗಿ ಮಿಶ್ರಗೊಳಿಸಿ.

21. ಪುನಃ ಮುಚ್ಚಳವನ್ನು ಮುಚ್ಚಿ 4-5 ನಿಮಿಷಗಳ ಕಾಲ ಬೇಯಲು ಬಿಡಿ.

22. ಮುಚ್ಚಳವನ್ನು ತೆರೆದು ಬೇಯಿಸಿಕೊಂಡ ಚಿಕ್ಕ ಚಿಕ್ಕ ಆಲೂಗಡ್ಡೆಯನ್ನು ಸೇರಿಸಿ.

23. ಅರ್ಧ ಕಪ್ ನೀರನ್ನು ಸೇರಿಸಿ.

24. ಪುನಃ ಮುಚ್ಚಳವನ್ನು ಮುಚ್ಚಿ, ದೊಡ್ಡ ಉರಿಯಲ್ಲಿ 5 ನಿಮಿಷಗಳಕಾಲ ಬೇಯಲು ಬಿಡಿ.

25. ಮುಚ್ಚಳವನ್ನು ತೆರೆದು ರುಬ್ಬಿಕೊಂಡ ಬೆಂಗಾಲಿ ಗರಮ್ ಮಸಾಲವನ್ನು 1 ಟೀ ಚಮಚ ಸೇರಿಸಿ.

26. ಅರ್ಧ ಟೇಬಲ್ ಚಮಚ ತುಪ್ಪವನ್ನು ಬೆರೆಸಿ, ಚೆನ್ನಾಗಿ ಮಿಶ್ರಗೊಳಿಸಿ, ಪಕ್ಕಕ್ಕಿಡಿ.

27. ಮೈದಾ ಹಿಟ್ಟಿನ ಮುದ್ದೆಯನ್ನು ಸಮಪ್ರಮಾಣದಲ್ಲಿ ತೆಗೆದುಕೊಂಡು ಚಿಕ್ಕ ಚಿಕ್ಕ ಉಂಡೆಯನ್ನಾಗಿ ಮಾಡಿಕೊಳ್ಳಿ.

28. ಲಟ್ಟಣಿಗೆಗೆ ಅರ್ಧ ಟೇಬಲ್ ಚಮಚ ತುಪ್ಪವನ್ನು ಅನ್ವಯಿಸಿ/ಹಚ್ಚಿ.

29. ಲಟ್ಟಣಿಗೆಯಿಂದ ಪೂರಿಯ ಆಕಾರದಲ್ಲಿ ಲಟ್ಟಿಸಿ.

30. ಕರಿಯುವ ಪಾತ್ರೆಗೆ ಎಣ್ಣೆಯನ್ನು ಬೆರೆಸಿ ಬಿಸಿ ಮಾಡಿ.

31. ಕಾದಿರುವ ಎಣ್ಣೆಯಲ್ಲಿ ಪೂರಿಯನ್ನು ಬಿಡಿ.

32. ಒಮ್ಮೆ ಇದು ಹುರಿದು, ಉಬ್ಬಿ ಬಂದಾಗ ಅದನ್ನು ತಿರುಗಿಸಿ.

33. ಎರಡು ಬದಿಯಲ್ಲೂ ತಿಳಿ ಹೊಂಬಣ್ಣ ಬರುವ ಹಾಗೆ ಬೇಯಿಸಿ.

34. ಬಿಸಿ ಬಿಸಿಯಾದ ಪೂರಿಯ ಜೊತೆ ಆಲೂ ದಮ್‍ಅನ್ನು ಸವಿಯಲು ನೀಡಿ.