ಗುಜರಾತಿ ಬೇಸನ್ ಖಾಂಡವಿ ರೆಸಿಪಿ, ನೀವೂ ಪ್ರಯತ್ನಿಸಿ ನೋಡಿ

Recipes

oi-Lekhaka

Posted By: Roopa

| Updated: Thursday, July 13, 2017, 17:30 [IST]

ಬೇಸನ್ ಖಾಂಡವಿ ಅಥವಾ ಗುಜರಾತಿ ಖಾಂಡವಿ ಎಂದು ಕರೆಯಲಾಗುವ ಈ ಗುಜರಾತಿ ತಿಂಡಿ ಮನೆಯಲ್ಲಿ ತಯಾರಿಸುವುದು ಬಲು ಸುಲಭ. ಇದು ಕಡಲೇ ಹಿಟ್ಟು ಮತ್ತು ಮೊಸರನ್ನು ಬಳಸಿ ಮಾಡುವ ಸಣ್ಣದಾದ, ಮೃದುವಾದ ಒಂದು ತಿನಿಸು. ಬರಿ ಎರಡೇ ಸಾಮಗ್ರಿಯನ್ನು ಬಳಸಿ ಗುಜರಾತಿ ಖಾಂಡವಿಯನ್ನು ಮನೆಯಲ್ಲೇ ತಯಾರಿಸುವುದು ಬಲು ಸುಲಭ. ಇದು ಕಡಿಮೆ ಸಮಯದಲ್ಲಿ ಮಾಡಬಹುದಾದ ಬಾಯಲ್ಲಿ ನೀರು ತರಿಸುವಂತಹ ಒಂದು ತಿಂಡಿ.

ಕಡಲೇ ಹಿಟ್ಟಿನ ಹದ ಸರಿಯಾಗಿರುವುದೇ ಈ ತಿಂಡಿ ಮೃದುವಾಗಿ ರುಚಿಯಾಗಿ ಬರಲು ಮುಖ್ಯ ಕಾರಣ. ಸ್ವಲ್ಪ ಉಪ್ಪುಪ್ಪಾಗಿ ಸ್ವಲ್ಪ ಹುಳಿಯಾಗಿ ಇರುವುದೇ ಈ ತಿಂಡಿಯ ವಿಶೇಷತೆ. ಇದನ್ನು ಸಂಜೆಯ ಟೀ ಸಮಯದಲ್ಲಿ ಪುದೀನಾ ಚಟ್ನಿ ಅಥವಾ ಟೊಮೆಟೊ ಕೆಚಪ್‍ನೊಂದಿಗೆ ತಿನ್ನುತ್ತಾರೆ. ಸಂಜೆಯ ಟೀ ಸಮಯದಲ್ಲಿ ಮನೆ ಮಂದಿಯೊಂದಿಗೆ ಕುಳಿತು ತಿನ್ನುವ ಮೃದುವಾದ,ಬಾಯಲ್ಲಿ ನೀರು ತರಿಸುವಂತಹ ಈ ಬೇಸನ್ ಖಾಂಡವಿ ಅಥವಾ ಗುಜರಾತಿ ಖಾಂಡವಿಯನ್ನು ಮಾಡುವ ವಿಧಾನ ಹೀಗಿದೆ.

ಖಾಂಡವಿ ರೆಸಿಪಿ ವಿಡಿಯೋ

ಮಾಡುವ ವಿಧಾನ:

1. ಮೊದಲು ಮೊಸರನ್ನು ಸಣ್ಣ ಪಾತ್ರೆಯಲ್ಲಿ ಸರಿಯಾಗಿ ವಿಕ್ಸ್ ಮಾಡಿ.

2. ಇದಕ್ಕೆ ಅರಿಶಿನ ಇಂಗು ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ.

3. ಇನ್ನು ಕಡಲೇ ಹಿಟ್ಟನ್ನು ಹಾಕಿ ತೆಳುವಾಗಿ ಹರಿಯುವ ಹಿಟ್ಟಿನ ಹದಕ್ಕೆ ಕಲಿಸಿ.

4. ಒಂದು ಕಡಾಯಿ (ಪಾತ್ರೆ) ಸಣ್ಣ ಉರಿಯಲಿಟ್ಟು ಈ ಮಿಶ್ರಣವನ್ನು ಅದರಲ್ಲಿ ಹಾಕಿ.

5. ತದ ನಂತರ ಸಣ್ಣ ಉರಿಯಲ್ಲೆ ಕೈಬಿಡದೆ ಗಂಟಾಗದ ರೀತಿಯಲ್ಲಿ ಮಿಶ್ರಣ ಗಟ್ಟಿಯಾಗುವ ವರೆಗೆ ಕೈಯಾಡಿಸಿ.

6. ಅದೇ ಸಮಯದಲ್ಲಿ 1 ಅಥವಾ 2 ತಟ್ಟೆಗೆ ಎಣ್ಣೆ ಸವರಿ ಇಡಿ.

7. ಮಿಶ್ರಣವನ್ನು 5 ನಿಮಿಷ ಆರಲು ಬಿಡಿ.

8. ನಂತರ 2" ಪೀಸ್‌ಗಳಾಗಿ ಮಾಡಿ.

9. ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಹಾಗು ಕಾಯಿ ತುರಿಯನ್ನು ಅದರ ಮೇಲೆ ಉದುರಿಸಿ.

10. ಬಿರುಕು ಬಿಡದ ರೀತಿಯಲ್ಲಿ ಖಾಂಡವಿಯನ್ನು ರೋಲ್ ಮಾಡಿ.

11. ಕೊನೆಯಲ್ಲಿ ಎಣ್ಣೆಯಲ್ಲಿ ಸಾಸಿವೆ ಕರಿಬೇವು ಸಿಡಿಸಿ ಉಳಿದ ಕೊತ್ತಂಬರಿ ಹಾಗು ಕಾಯಿ ತುರಿಯನ್ನು ಅದರ ಮೇಲೆ ಉದುರಿಸಿ.

12. ಇದಕ್ಕೆ ಸಾಸಿವೆ ಬೀಜಗಳನ್ನು ಸೇರಿಸಿ ಮತ್ತು ಅದನ್ನು ಬೇರ್ಪಡಿಸಲು ಅವಕಾಶ ಮಾಡಿಕೊಡಿ.

13. ಇನ್ನು ಕರಿಬೇವಿನ ಎಲೆಗಳನ್ನು ಸೇರಿಸಿ, ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ, ಉರಿಯನ್ನು ಆಫ್ ಮಾಡಿ.

14. ಇದನ್ನು ಖಂಡ್ವಿ ಮೇಲೆ ಸುರಿಯಿರಿ, ಹಾಗೂ ಕೊಬ್ಬರಿ-ಕೊತ್ತಂಬರಿ ಮಿಶ್ರಣದಿಂದ ಅಲಂಕರಿಸ.