ಮಳೆಗಾಲದ ಆಹಾರ ಕಣಲೆ: ತೆಂಗಿನ ತುರಿ ಹುರಿದು ಮಾಡುವ ಸಾರಿನ ರೆಸಿಪಿ

ಮಳೆಗಾಲದ ಆಹಾರದಲ್ಲೊಂದು ಕಣಲೆ, ಕಾಡಿನಲ್ಲಿ ಹೋಗಿ ಕಣಲೆ ತರುವಂತಿಲ್ಲ, ಆದರೆ ಊರುಗಳ ಒಳಗೆಯೇ ಬಿದಿರಿನ ಗಿಡ ಇದ್ದರೆ ಜನರು ತಂದು ಸಾರು ಮಾಡುತ್ತಾರೆ, ಕಣಲೆ ಮಳೆಗಾಲದ ಆಹಾರವಾಗಿದ್ದು ಇದನ್ನು ತಿನ್ನುವುದರಿಂದ ಈ ಸಮಯಕ್ಕೆ ಆರೋಗ್ಯ ರಕ್ಷಣೆ ಅವಶ್ಯಕವಾದ ಗುಣಗಳು ಸಿಗುವುದು. ಇಲ್ಲಿ ಕಣಲೆ ಸಾರು ಮಾಡುವ ರೆಸಿಪಿ ನೀಡಿದ್ದೇವೆ ನೋಡಿ:

ಕಣಲೆ ಮತ್ತು ಕಡ್ಲೆ ಹಾಕಿ ಮಾಡುವ ಸಾರಿನ ರೆಸಿಪಿ
ಬೇಕಾಗುವ ಸಾಮಗ್ರಿ
ಎರಡು ಮುಷ್ಟಿಯಷ್ಟು ಕಣಲೆ
ಕಡ್ಲೆ 1/ 2 ಕಪ್‌ (ನೀರಿನಲ್ಲಿ -8 ಗಂಟೆ ನೆನೆಹಾಕಿ)
ತೆಂಗಿನ ತುರಿ 1ಕಪ್‌
ಈರುಳ್ಳಿ 1
ಟೊಮೆಟೊ 1-2
ಚಕ್ಕೆ ಒಂದು ಚಿಕ್ಕ ತುಂಡು
ಲವಂಗ 2-3
ಸ್ವಲ್ಪ ಶುಂಠಿ
1 ಬೆಳ್ಳುಳ್ಳಿ
(ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಕೂಡ ಬಳಸಬಹುದು)
ಕೊತ್ತಂಬರಿ ಪುಡಿ ಒಂದೂವರೆ ಚಮಚ
ಮೆಣಸಿನ ಪುಡಿ 1 ಚಮಚ
ಜೀರಿಗೆ
2 ಚಮಚ ಎಣ್ಣೆ
ಸ್ವಲ್ಪ ಸಾಸಿವೆ
ಕರಿಬೇವಿನ ಎಲೆ

ಕಡ್ಲೆ-ಕಣಲೆ ಸಾರು ಮಾಡುವ ವಿಧಾನ

1. ಮೊದಲಿಗೆ ಕಡ್ಲೆ, ಕಣಲೆ, ಈರುಳ್ಳಿ, ಟೊಮೆಟೊ, 1 ಹಸಿ ಮೆಣಸು (ಬೇಕಿದ್ದರೆ) ಹಾಕಿ ರುಚಿಗೆ ತಕ್ಕ ಉಪ್ಪು ಹಾಕಿ, ಬೇಯಲು ತಕ್ಕ ನೀರು ಹಾಕಿ ಬೇಯಿಸಿ. ಕಣಲೆ ಕಡ್ಲೆ ಮುಳುಗುವಷ್ಟು ಹಾಕಿದರೆ ಸಾಕು ತುಂಬಾ ಹಾಕಬೇಡಿ.
2. ಈಗ ತೆಂಗಿನ ತುರಿಯನ್ನು ಹುರಿಯಿರಿ, ತೆಂಗಿನ ತುರಿ ಉರಿಯುವಾಗ ಅದಕ್ಕೆ ಕೊತ್ತಂಬರಿ ಪುಡಿ, ಮೆಣಸಿನ ಪುಡಿ, ಅರಿಶಿಣ ಪುಡಿ, ಜೀರಿಗೆ, ಚಕ್ಕೆ, ಲವಂಗ, ಬೆಳ್ಳುಳ್ಳಿ, ಶುಂಠಿ ಸ್ವಲ್ಪ ಹುಣಸೆಹಣ್ಣು ಎಲ್ಲಾ ಹಾಕಿ ಹುರಿಯಿರಿ
3. ಶುಂಠಿ ಬೆಳ್ಳುಳ್ಳಿ ಪೇಸ್ಟ್‌ ಆದರೆ ಒಗ್ಗರಣೆಗೆ ಹಾಕುವಾಗ ಹಾಕಿ
4. ಈಗ ಸಾರಿನ ಪಾತ್ರೆಯನ್ನು ಗ್ಯಾಸ್ ಉರಿ ಮೇಲೆ ಇಟ್ಟು ಎಣ್ಣೆ ಹಾಕಿ , ನಂತರ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್‌ ಶಬ್ದ ಮಾಡುವಾಗ ಕರಿ ಬೇವು ಹಾಕಿ, ನಂತರ ಬೇಯಿಸಿದ ಕಡ್ಲೆ, ಕಣಲೆ ಹಾಕಿ, ರುಬ್ಬಿದ ಮಸಾಲೆ ಹಾಕಿ ಬೇಯಿಸಿ, ಉಪ್ಪು ಸರಿಯಾಗಿದೆಯೇ ನೋಡಿ, ಬೇಕಿದ್ದರೆ ಇನ್ನೂ ಸ್ವಲ್ಪ ಉಪ್ಪು ಸೇರಿಸಿದರೆ ರುಚಿ-ರುಚಿಯಾದ ಕಣಲೆ ಸಾರು ರೆಡಿ.

ಸಲಹೆ: ಕಣಲೆಯನ್ನು ಈ ರೀತಿ ಕಡ್ಲೆ, ತಡುಗಿಣಿ, ಬೀನ್ಸ್ ಕಾಳು ಇವುಗಳ ಜೊತೆಗೆ ಕೂಡ ಮಾಡಬಹುದು.
ಕಣಲೆಯಲ್ಲಿರುವ ಪೋಷಕಾಂಶಗಳು
ಕಣಲೆಯಲ್ಲಿ
ಪೊಟಾಷ್ಯಿಯಂ
ಕ್ಯಾಲ್ಸಿಯಂ
ಮ್ಯಾಂಗನೀಸ್
ವಿಟಮಿನ್ ಎ
ವಿಟಮಿನ್ ಬಿ6
ವಿಟಮಿನ್ ಇ
ಸತು
ಕ್ರೋಮಿಯಂ
ಕಬ್ಬಿಣದಂಶ
ಥೈಯಾಮಿನ್
ನಿಯಾಸಿನ್

ಕಣಲೆ ಸೀಸನಲ್‌ ಆಹಾರವಾಗಿರುವುದರಿಂದ ಸಿಕ್ಕರೆ ರುಚಿ ನೋಡಲು ಮಿಸ್‌ ಮಾಡದಿರಿ.