For Quick Alerts
ALLOW NOTIFICATIONS  
For Daily Alerts

ಕಡಾಯಿ ಚಿಕನ್ ಟ್ರೈ ಮಾಡಿದ್ದೀರಾ, ತುಂಬಾ ಸರಳ ರೆಸಿಪಿ ಇಲ್ಲಿದೆ

Posted By:
|

ಕಡಾಯಿ ಚಿಕನ್‌ ಇದು ನೀವು ರೆಸ್ಟೋರೆಂಟ್‌ಗಳಿಗೆ ಹೋದಾಗ ಮೆನುವಿನಲ್ಲಿ ಕಾಣ ಸಿಗುವ ಒಂದು ಐಟಂ ಆಗಿದೆ. ರೆಸ್ಟೋರೆಂಟ್‌ ರುಚಿಯಲ್ಲಿಯೇ ಕಡಾಯಿ ಚಿಕನ್ ಅನ್ನು ಮನೆಯಲ್ಲಿಯೂ ಮಾಡಬಹುದು. ನೀವು ಕಡಾಯಿ ಚಿಕನ್ ಪ್ರಿಯರಾಗಿದ್ದರೆ ಈ ವೀಕೆಂಡ್‌ಗೆ ಕಡಾಯಿ ಚಿಕನ್ ರೆಸಿಪಿ ಏಕೆ ಡ್ರೈ ಮಾಡಬಾರದು? ಇದು ಮಾಡುವ ವಿಧಾನ ಕಷ್ಟವೆಂದು ನೀವು ಅಂದುಕೊಂಡಿದ್ದರೆ ಖಂಡಿತ ಅಲ್ಲ, ತುಂಬಾ ಸುಲಭವಾಗಿದೆ ಬನ್ನಿ ನೋಡೋಣ:

ಸಲಹೆ: ಈ ಚಿಕನ್ ಫ್ಲೇವರ್ ಅನುಭವಿಸಲು ಶುದ್ಧವಾದ ತುಪ್ಪ ಬಳಸಿ, ಎಣ್ಣೆ ಬಳಸಬೇಡಿ. ಬೇಕಿದ್ದರೆ ಗೋಡಂಬಿ ಪೇಸ್ಟ್ ಹಾಕಬಹುದು.

kadai chicken recipe, ಕಡಾಯಿ ಚಿಕನ್ ರೆಸಿಪಿ
kadai chicken recipe, ಕಡಾಯಿ ಚಿಕನ್ ರೆಸಿಪಿ
Prep Time
15 Mins
Cook Time
40M
Total Time
55 Mins

Recipe By: Reena TK

Recipe Type: Gravy

Serves: 4

Ingredients
  • ಬೇಕಾಗುವ ಸಾಮಗ್ರಿ

    1 ಚಮಚ ಕಾಳು ಮೆಣಸು

    2 ಚಮಚ ಕೊತ್ತಂಬರಿ ಬೀಜ

    2 ಚಮಚ ಜೀರಿಗೆ

    3 ಚಮಚ ತುಪ್ಪ

    1 ಪಲಾವ್‌ ಎಲೆ

    4 ಈರುಳ್ಳಿ

    6 ಬೆಳ್ಳುಳ್ಳಿ ಎಸಳು

    ಸ್ವಲ್ಪ ಶುಂಠಿ

    1-2 ಮೆಣಸಿನ ಕಾಯಿ

    1 ಚಮಚ ಖಾರದ ಪುಡಿ

    1 ಚಮಚ ಖಾರದ ಪುಡಿ (ಖಾರ ಕಮ್ಮಿ ಇದ್ದು ಕೆಂಪು ಬಣ್ಣ ಇರುವುದು, ಬ್ಯಾಡಗಿ ಮೆಣಸಿನ ಪುಡಿ)

    1 ಚಮಚ ಅರಿಶಿಣ ಪುಡಿ

    1/2 ಕೆಜಿ ಚಿಕನ್

    3 ಟೊಮೆಟೊ (ಪೇಸ್ಟ್)

Red Rice Kanda Poha
How to Prepare
  • ಮಾಡುವ ವಿಧಾನ:

    * ಮೊದಲಿಗೆ ಕಾಳುಮೆಣಸು, ಜೀರಿಗೆ, ಕೊತ್ತಂಬರಿ ಬೀಜ ಇವುಗಳನ್ನು ಹುರಿಯಿರಿ. ನಂತರ ಅವುಗಳನ್ನು ತರಿತರಿಯಾಗಿ ರುಬ್ಬಿಕೊಳ್ಳಿ.

    *ಈಗ ಪ್ಯಾನ್‌ಗೆ ತುಪ್ಪ ಹಾಕಿ ಹಾಕಿ ಬಿಸಿ ಮಾಡಿ, ನಂತರ ಪಲಾವ್‌ ಎಲೆ ಹಾಕಿ ಈರುಳ್ಳಿ ಹಾಕಿ ಅದು ಕಂದು ಬಣ್ಣಕ್ಕೆ ತಿರುಗುವಷ್ಟು ಹೊತ್ತು ಫ್ರೈ ಮಾಡಿ.

    * ನಂತರ ಶುಂಠಿ, ಬೆಳ್ಳುಳ್ಳಿ ಜಜ್ಜಿ ಹಾಕಿ 2 ಸೆಕೆಂಡ್‌ ಸೌಟ್‌ನಿಂದ ಆಡಿಸಿ. ನಂತರ ತರಿತರಿಯಾಗಿ ರುಬ್ಬಿದ ಮಸಾಲೆ ಹಾಕಿ.

    * ನಂತರ ಚಿಕನ್ ಹಾಕಿ ಮಿಕ್ಸ್‌ ಮಾಡಿ.

    * ಚಿಕನ್‌ ಮಸಾಲೆ ಜೊತೆ ಮಿಕ್ಸ್‌ ಆದ ಮೇಲೆ ಟೊಮೆಟೊ ಪೇಸ್ಟ್ ಹಾಕಿ 2-3 ನಿಮಿಷ ಸೌಟ್‌ನಿಂದ ಆಡಿಸುತ್ತಾ ಇರಿ. ನಂತರ ಅರಿಶಿಣ, ಖಾರದ ಪುಡಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ 25-30 ನಿಮಿಷ ಪಾತ್ರೆಯ ಬಾಯಿ ಮುಚ್ಚಿ ಬೇಯಿಸಿ. ಹೀಗೆ ಬೇಯಿಸುವಾಗ ಆಗಾಗ ತಿರುಗಿಸುತ್ತಾ ಇರಿ.

    ಇಷ್ಟು ಮಾಡಿದರೆ ಕಡಾಯಿ ಚಿಕನ್ ರೆಡಿ.

Instructions
  • ಕಬ್ಬಿಣದ ಕಡಾಯಿಯಲ್ಲಿ ಮಾಡಿದರೆ ಒಳ್ಳೆಯದು, ಬೇರೆ ಪಾತ್ರೆಯಲ್ಲಿ ಆದರೆ ರುಚಿಯಲ್ಲಿ ಸ್ವಲ್ಪ ವ್ಯತ್ಯಾಸವಾಗುವುದು.
Nutritional Information
  • ಕೊಬ್ಬು - 14g
  • ಪ್ರೊಟೀನ್ - 25ಗ್ರಾಂ
  • ಕಾರ್ಬ್ಸ್ - 10%6g
[ 4.5 of 5 - 97 Users]
Story first published: Saturday, November 21, 2020, 16:59 [IST]
X