ಸವಿರುಚಿಯ ಹಲಸಿನ ಹಣ್ಣಿನ ಪಡ್ಡು ರೆಸಿಪಿ

Recipes

oi-Reena TK

Posted By: Reena TK

Updated: Monday, July 8, 2024, 13:31 [IST]

ಹಲಸಿನ ಹಣ್ಣಿನ ತೊಳೆಯಿಂದ ಪಡ್ಡು ಮಾಡುವ ರೆಸಿಪಿ ನೀಡಿದ್ದೇವೆ, ಸಂಜೆ ಸ್ನ್ಯಾಕ್ಸ್‌ಗೆ ತುಂಬಾ ರುಚಿಕರವಾದ ತಿಂಡಿಯಾಗಿದೆ, ಅಲ್ಲದೆ ಇದನ್ನು ಮಾಡುವುದು ಹೆಚ್ಚಿನ ಶ್ರಮದ ಕೆಲಸವೇನೂ ಅಲ್ಲ, ಹಾಗಾಗಿ ತುಂಬಾ ಸುಲಭವಾಗಿ ಮಾಡಬಹುದು ಇದನ್ನು.

ಈ ಪಡ್ಡು ಸವಿಯುತ್ತಿದ್ದರೆ ಒನ್‌ ಮೋರ್ ಒನ್‌ ಮೋರ್‌ ಅಂತ 7-8 ಪಡ್ಡು ಹೊಟ್ಟೆಯೊಳಗಡೆ ಸೇರುವುದೇ ಗೊತ್ತಾಗುವುದೇ ಇಲ್ಲ, ಬನ್ನಿ ಹಲಸಿನ ಹಣ್ಣಿನ ಪಡ್ಡು ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
1 ಕಪ್‌ ಇಡ್ಲಿ ಅಕ್ಕಿ
1/2 ಕಪ್ ತೊಳೆ ಹಲಸಿನ ಹಣ್ಣು
ಸ್ವಲ್ಪ ತೆಂಗಿನ ತುರಿ
ಸ್ವಲ್ಪ ಬೆಲ್ಲ
1-2 ಏಲಕ್ಕಿ
ಚಿಟಿಕೆಯಷ್ಟು ಸೋಡಾ
1/4 ಚಮಚ ಉಪ್ಪು
ಸ್ವಲ್ಪ ಶುಂಠಿ ಪುಡಿ (ಬೇಕಿದ್ದರೆ ಬಳಸಬಹುದು)
ತುಪ್ಪ

ಮಾಡುವ ವಿಧಾನ

• ನಂತರ ಅಕ್ಕಿಯನ್ನು 3-4 ಗಂಟೆ ನೆನೆ ಹಾಕಿರಬೇಕು.
• ಬಳಿಕ ನೀವು ಹಲಸಿನ ತೊಳೆ ಚಿಕ್ಕದಾಗಿ ಕತ್ತಿಸಿದರೆ ಒಳ್ಳೆಯದು.
• ನಂತರ ನೀರು ಸೋಸಿ ಅದಕ್ಕೆ ಬೆಲ್ಲ, ಹಲಸಿನ ಹಣ್ಣು, ಏಲಕ್ಕಿ ಹಾಕಿ ರುಬ್ಬಿಕೊಳ್ಳಿ
• ನಂತರ ಅದನ್ನು ಒಂದು ಬೌಲ್‌ಗೆ ಹಾಕಿ, ಅಡುಗೆ ಸೋಡಾ, ಉಪ್ಪು ಹಾಕಿ ತೆಂಗಿನ ತುರಿ, ಶುಂಠಿ ಪುಡಿ ಮಿಕ್ಸ್ ಮಾಡಿ.
• ಈಗ ನೀವು ಪಡ್ಡು ಪಾತ್ರೆಗೆ ತುಪ್ಪ ಸವರಿ, ಬಳಿಕ ಮೊದಲಿಗೆ ಒಂದು ಹಾಕಿ ನೋಡಿ, ಚೆನ್ನಾಗಿ ಏಳುತ್ತಿಲ್ಲ ಎಂದಾದರೆ ಅಕ್ಕಿ ಪುಡಿ ಸೇರಿಸಿ ಮಿಕ್ಸ್ ಮಾಡಿ.
• ಈಗ ಪಡ್ಡು ಪಾತ್ರೆಯ ಎಲ್ಲಾ ಗುಂಡಿಗೆ ತುಪ್ಪ ಸವರಿ ಪಾತ್ರ ಪಡ್ಡು ಹಿಟ್ಟು ಹಾಕಿ ಸಾಧಾರಣ ಉರಿಯಲ್ಲಿ ಬೇಯಿಸಿ 5-6 ನಿಮಿಷವಾದ ಮೇಲೆ ತಿರುಗಿಸಿ.
• ನಂತರ ಟೇಸ್ಟ್ ಮಾಡಿ ನೋಡಿದರೆ ಸೂಪರ್ ರುಚಿಯಾಗಿರುತ್ತದೆ.

ಇನ್ನು ನೀವು ಹಲಸಿನ ಹಣ್ಣು ಜೊತೆ ಬಾಳೆ ಹಣ್ಣು ಮಿಕ್ಸ್ ಮಾಡಿ ಪಡ್ಡು ತಯಾರಿಸಬಹುದು ಅದರ ರುಚಿ ಇನ್ನೂ ಸೂಪರ್ ಅನಿಸುವುದು, ಹೌದು ಬಾಳೆಹಣ್ಣು-ಹಲಸಿನ ಹಣ್ಣಿನ ಪಡ್ಡು ರೆಸಿಪಿ ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
ಒಂದೂವರೆ ಕಪ್‌ ಅಕ್ಕಿ
ಬಾಳೆಹಣ್ಣು 1 (ಪಚ್ಚೆ ಬಾಳೆಹಣ್ಣು)
ಹಲಸಿನ ಹಣ್ಣು 5-6
ಏಲಕ್ಕಿ
ಬೆಲ್ಲ
ತೆಂಗಿನ ತುರಿ
ಸ್ವಲ್ಪ ಶುಂಠಿ ಪುಡಿ
ತುಪ್ಪ
ರುಚಿಗೆ ತಕ್ಕ ಉಪ್ಪು

ಮಾಡುವ ವಿಧಾನ

• ನೀವು ಅಕ್ಕಿಯನ್ನು 3-4 ತಾಸು ನೆನೆ ಹಾಕಿರಬೇಕು
• ನಂತರ ನೀರನ್ನು ಸೋಸಿ ಅಕ್ಕಿಗೆ ಬಾಳೆಹಣ್ಣು, ಹಲಸಿನ ಹಣ್ಣು, ಏಲಕ್ಕಿ, ಬೆಲ್ಲ, ಹಾಕಿ ನುಣ್ಣನೆ ರುಬ್ಬಿ
• ನಂತರ ಹಿಟ್ಟಿಗೆ ತೆಂಗಿನ ತುರಿ ಅಥವಾ ತೆಂಗಿನಕಾಯಿಯನ್ನು ಚಿಕ್ಕ-ಚಿಕ್ಕ ಹೋಳಾಗಿ ಮಾಡಿ ಹಾಕಬಹುದು, ಚಿಕ್ಕ-ಚಿಕ್ಕ ಹೋಳಾಗಿದ್ದರೆ ತಿನ್ನುವ ಬಾಯಿಗೆ ಸಿಕ್ಕುತ್ತೆ, ರುಚಿ ಸೂಪರ್ ಅನಿಸುತ್ತೆ. ಶುಂಠಿ, ಸ್ವಲ್ಪ ಉಪ್ಪು, ಅಡುಗೆ ಸೋಡಾ ಸೇರಿಸಿ ಮಿಕ್ಸ್ ಮಾಡಿ
• ನಂತರ ಪಡ್ಡು ಪಾತ್ರೆಗೆ ತುಪ್ಪ ಸವರಿ ಹಾಕಿ ಅದರಲ್ಲಿ ಹಿಟ್ಟು ಹಾಕಿ ಅದರ ಎರಡೂ ಬದಿ ಬೇಯಿಸಿದರೆ ಸೂಪರ್‌ ರುಚಿಯ ಪಡ್ಡು ಸವಿಯಲು ರೆಡಿ.