ರೆಸಿಪಿ: ಪಟ್‌ ಅಂತ ಮಾಡಿ ಮಾವಿನಕಾಯಿ ಉಪ್ಪಿನಕಾಯಿ

ಹೇಳಿ ಕೇಳಿ ಇದು ಮಾವಿನಕಾಯಿ ಸೀಸನ್, ಈ ಸೀಸನ್‌ನಲ್ಲಿ ರುಚಿ-ರುಚಿಯಾದ ಉಪ್ಪಿನಕಾಯಿ ಮಾಡಿ ಸವಿಯುವ ಸಮಯ. ನೀವು ಅನೇಕ ರುಚಿಯಲ್ಲಿ ಉಪ್ಪಿನಕಾಯಿ ತಯಾರಿಸಬಹುದು. ಕೆಲವೊಂದು ಉಪ್ಪಿನಕಾಯಿ ಮಾಡಿ ನೀವು ವರ್ಷದವರೆಗೆ ಇಡಬಹುದು. ಇನ್ನು ಕೆಲವು ಒಂದೆರಡು ವಾರದವರೆಗೆ ಇರಬಹುದು. ನಾವಿಲ್ಲಿ ಸರಳವಾಗಿ ಉಪ್ಪಿನಕಾಯಿ ಮಾಡುವ ರೆಸಿಪಿ ನೀಡಿದ್ದೇವೆ.

ತಕ್ಷಣಕ್ಕೆ ಉಪ್ಪಿನಕಾಯಿ ಮಾಡಬೇಕು ಎಂದ್ರೆ ಈ ಉಪ್ಪಿನಕಾಯಿ ತಯಾರಿಸಬಹುದು. ಮನೆಯಲ್ಲಿ ಏನಾದರೂ ಫಂಕ್ಷನ್ ಇದ್ದರೆ ಸ್ವಲ್ಪ ಅಧಿಕ ಮಾವಿನಕಾಯಿ ತಂದು ನೀವೇ ತಯಾರಿಸಬಹುದು. ನಾವಿಲ್ಲಿ ಒಂದು ಅಥವಾ ಎರಡು ಮಾವಿನಕಾಯಿಂದ ಉಪ್ಪಿನಕಾಯಿ ಮಾಡುವ ರೆಸಿಪಿ ನೀಡಿದ್ದೇವೆ. ನೀವು ಅಧಿಕ ಮಾಡುವುದಾದರೆ ರುಚಿಗೆ ತಕ್ಕಂತೆ ಸಾಮಗ್ರಿ ಅಧಿಕ ಬಳಸಿ.

Raw Mango Pickle Recipe, ಮಾವಿನಕಾಯಿ ಉಪ್ಪಿನಕಾಯಿ ರೆಸಿಪಿ

Raw Mango Pickle Recipe, ಮಾವಿನಕಾಯಿ ಉಪ್ಪಿನಕಾಯಿ ರೆಸಿಪಿ

Prep Time

10 Mins

Cook Time

2M

Total Time

12 Mins

Recipe By: Reena TK

Recipe Type: pickle

Serves: 10

Ingredients

• ಬೇಕಾಗುವ ಸಾಮಗ್ರಿ

  ಹಸಿ ಮಾವಿನ ಕಾಯಿ 2-3 (ದೊಡ್ಡ ಗಾತ್ರದ್ದು ಆದ್ರೆ 1 ಸಾಕು)

  ಎಣ್ಣೆ 1 ಚಮಚ

  ಚಿಟಿಕೆಯಷ್ಟು ಇಂಗು

  ಸಾಸಿವೆ ಒಂದು ಚಿಕ್ಕ ಚಮಚ

  ಅರಿಶಿಣ ಪುಡಿ 1/4 ಚಮಚ

  ರುಚಿಗೆ ತಕ್ಕ ಉಪ್ಪು

  ಖಾರದ ಪುಡಿ 1 ಚಮಚ

How to Prepare

• ಮಾಡುವುದು ಹೇಗೆ?

  * ಮಾವಿನ ಕಾಯಿಯನ್ನು ಚಿಕ್ಕದಾಗಿ ಕತ್ತರಿಸಿ.

  * ಅದಕ್ಕೆ ಅರಿಶಿಣ ಪುಡಿ, ಖಾರದ ಪುಡಿ, ಉಪ್ಪು ಹಾಕಿ ಮಿಕ್ಸ್ ಮಾಡಿ.

  * ಈಗ ಬಾಣಲೆ ಬಿಸಿ ಮಾಡಿ ಅದಕ್ಕೆ ಎಣ್ಣೆ ಹಾಕಿ, ನಂತರ ಸಾಸಿವೆ ಹಾಕಿ, ಇಂಗು ಹಾಕಿ.

  * ನಂತರ ಮಾವಿನಕಾಯಿ ಹಾಕಿ, ಮಿಕ್ಸ್ ಮಾಡಿ ಉರಿಯಿಂದ ಇಳಿಸಿ.

  * ಒಂದು ಗಾಜಿನ ಗರಡಿಯಲ್ಲಿ ಹಾಕಿ ಮುಚ್ಚಳ ಹಾಕಿ ಇಡಿ.

Instructions

• ಈ ಉಪ್ಪಿನಕಾಯಿ ಒಂದು ಒಂದರಿಂದ ಎರಡು ವರ ಇಡಬಹುದು ಅಷ್ಟೇ

Nutritional Information

• ಸರ್ವ್ - 1 ಮಾವಿನಕಾಯಿ
• ಕ್ಯಾಲೋರಿ - 16ಕ್ಯಾ
• ಕೊಬ್ಬು - 1ಗ್ರಾಂ