ಬಾಯಲ್ಲಿ ನೀರು ತರಿಸುವ ಮದುವೆ ಮನೆ ಪಲಾವ್! ಮಾಡಿ ನೋಡಿ!

ಮದುವೆ ಮನೆಗಳಲ್ಲಿ ಮಾಡುವ ಅಡುಗೆ ಅಂದರೆ ಎಲ್ಲರ ಬಾಯಲ್ಲೂ ನೀರು ಬರುತ್ತೆ. ಅದ್ರಲ್ಲೂ ಎಲ್ಲರಿಗೂ ಇಷ್ವವಾಗುವಂತಹ ಖಾದ್ಯಗಳ ಮಾಡಿ ಸವಿಯಲು ನೀಡುವುದು ನೋಡಬಹುದು. ಹಾಗೆ ವಿಭಿನ್ನ ಶೈಲಿಯ ಅಡುಗೆಗಳು ಖಾದ್ಯಗಳು ಬಾಯಿ ರುಚಿ ಹೆಚ್ಚಿಸಲಿವೆ. ನೀವು ಒಮ್ಮೆ ಸವಿದರೆ ಪದೇ ಪದೇ ಸವಿಯಲು ಮುಂದಾಗುವಂತಹ ರುಚಿಯಲ್ಲಿ ಮಾಡುವುದು ನೋಡಬಹುದು.

ಹಾಗೆ ಮದುವೆ ಮನೆಯ ರುಚಿ ರುಚಿಯ ಖಾದ್ಯಗಳ ಪೈಕಿ ಊಟಕ್ಕೆ ಮಾಡುವ ಪಲಾವ್ ಎಲ್ಲರಿಗೂ ಇಷ್ಟವಾಗುತ್ತೆ. ಮದುವೆ ಮನೆಯ ಪಲಾವ್ ಅಂದ್ರೆ ಎಲ್ಲರ ಬಾಯಲ್ಲೂ ನೀರು ಬರುವುದು ಸಹಜ. ಹಾಗೆ ಇದೆ ರುಚಿಯಲ್ಲಿ ಮನೆಯಲ್ಲೂ ಮಾಡಿ ಸವಿಯುವುದು ನೋಡಬಹುದು. ಮನೆಯಲ್ಲಿ ಹೇಗೆ ಪಲಾವ್ ಮಾಡುವುದು ಸಾಮಾನ್ಯ. ಆದ್ರೆ ಸ್ಪೆಷಲ್ ಆಗಿ ಹಲವು ವಸ್ತುಗಳ ಹಾಕಿ ಮದುವೆ ಮನೆಯಲ್ಲಿ ಮಾತ್ರ ಸವಿಯಲು ಸಿಗುವಂತಹ ಪಲಾವ್ ಕುರಿತಾಗಿ ನಾವಿಂದು ತಿಳಿಯೋಣ.

ಮದುವೆ ಮನೆಯಲ್ಲಿ ಮಾಡುವ ರುಚಿ ರುಚಿಯ ಪಲಾವ್ ಮಾಡುವುದು ಹೇಗೆ? ಮನೆಯಲ್ಲಿ ಈ ಪಲಾವ್ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?, ಮಾಡುವ ವಿಧಾನವೇನು? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಮದುವೆ ಮನೆಯ ಪಲಾವ್ ಮಾಡಲು ಬೇಕಾಗುವ ವಸ್ತಗಳು?

• ಅಕ್ಕಿ
• ಹಸಿ ಮೆಣಸಿನ ಕಾಯಿ
• ಪುದೀನಾ ಎಲೆ
• ಬೆಳ್ಳುಳ್ಳಿ ಎಸಳು
• ಶುಂಠಿ
• ಜೀರಿಗೆ
• ಎಣ್ಣೆ
• ಗೋಡಂಬಿ
• ಪಲಾವ್ ಎಲೆ
• ಲವಂಗ
• ಏಲಕ್ಕಿ
• ಕಲ್ಲು ಹೂವು
• ನಕ್ಷತ್ರ ಮೊಗ್ಗು
• ದಾಲ್ಚಿನ್ನಿ
• ಕಸೂರಿ ಮೇಥಿ
• ಈರುಳ್ಳಿ
• ಸಬ್ಬಸಿಗೆ ಸೊಪ್ಪು
• ಅರಿಶಿನ ಪುಡಿ
• ಧನಿಯಾ ಪುಡಿ
• ಆಲೂಗಡ್ಡೆ
• ಕ್ಯಾಪ್ಸಿಕಂ
• ಕ್ಯಾರೆಟ್
• ಬೀನ್ಸ್
• ಹೂಕೋಸು
• ಟೊಮೆಟೊ
• ಬಟಾಣಿ
• ಒಣ ತೆಂಗಿನಕಾಯಿ
• ನಿಂಬೆ ರಸ
• ತುಪ್ಪ
• ಕೊತ್ತಂಬರಿ ಸೊಪ್ಪು

ಮದುವೆ ಮನೆಯ ಪಲಾವ್ ಮಾಡುವುದು ಹೇಗೆ?

ಪಲಾವ್ ಮಾಡುವ ಮುನ್ನ ನಿಮಗೆ ಎಷ್ಟು ಬೇಕೋ ಅಷ್ಟು ಅಳತೆಯಷ್ಟು ಅಕ್ಕಿಯನ್ನು ನೆನೆಸಿಟ್ಟುಕೊಳ್ಳಿ. ಮಿಕ್ಸಿ ಜಾರ್‌ ತೆಗೆದುಕೊಂಡು ಹಸಿ ಮೆಣಸು, ಜಿರಿಗೆ, ಪುದಿನ ಎಲೆ, ಬೆಳ್ಳುಳ್ಳಿ, ಶುಂಠಿ ಹಾಕಿ ನೀರು ಹಾಕೆ ತರಿ ತರಿಯಾಗಿ ರುಬ್ಬಿಕೊಳ್ಳಿ. ಈಗ ಬಾಣಲೆಯನ್ನು ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಬಳಿಕ ಗೋಡಂಬಿ ಹಾಕಿ ಚೆನ್ನಾಗಿ ಹುರಿದುಕೊಳ್ಳಿ.

ನಂತರ ಈ ಎಣ್ಣೆಗೆ ಪಾವ್ ಎಲೆ ಚಕ್ರಮೊಗ್ಗು, ಚಕ್ಕೆ, ಕಸೂರಿ ಮೇಥಿ, ಲವಂಗ, ಏಲಕ್ಕಿ ಹಾಕಿಕೊಂಡು ನಂತರ ಒಂದು ಈರುಳ್ಳಿ ಕೂಡ ಹಾಕಿಕೊಳ್ಳಿ. ಚೆನ್ನಾಗಿ ಹುರಿದುಕೊಳ್ಳಿ. 2 ನಿಮಿಷದ ಬಳಿಕ ಕತ್ತರಿಸಿಕೊಂಡ ಸಬ್ಬಸ್ಸಿಗೆ ಸೊಪ್ಪ ಕೂಡ ಹಾಕಿಕೊಂಡು ಫ್ರೈ ಮಾಡಿಕೊಳ್ಳಿ. ಈಗ ಮಿಕ್ಸಿಯಲ್ಲಿ ರುಬ್ಬಿಕೊಂಡಿದ್ದ ಮಸಾಲೆಯನ್ನು ಇದಕ್ಕೆ ಹಾಕಿ.

ನಂತರ ಅರಶಿಣ ಪುಡಿ, ಧನಿಯಾ ಪುಡಿ ಹಾಕಿ ಮಿಕ್ಸ್ ಮಾಡಿ. ಹಾಗೆ ಬಳಿಕ ಕತ್ತರಿಸಿಕೊಂಡಿರುವ ಕ್ಯಾರೆಟ್, ಕ್ಯಾಪ್ಸಿಕಂ, ಬಟಾಣಿ, ಟೊಮೆಟೋ, ಬೀನ್ಸ್ ಎಲ್ಲವನ್ನು ಇದಕ್ಕೆ ಹಾಕಿಕೊಳ್ಳಿ. ಮೊದಲು ಟೊಮೆಟೋ ಹಾಕಿ 1 ನಿಮಿಷ ಬಿಟ್ಟು ಬಳಿಕ ಒಂದೊಂದೇ ತರಕಾರಿಯನ್ನು ಹಾಕಿಕೊಳ್ಳಿ. ಹಾಗೆ ಒಂದು ಕಪ್ ಮೊಸರು ಕೂಡ ಹಾಕಿಕೊಳ್ಳಿ.

ಬಳಿಕ ಒಣ ಕೊಬ್ಬರಿ ಹಾಕಿಕೊಂಡು ನಿಂಬೆ ಹುಳಿ ಹಿಂಡಿಕೊಳ್ಳಿ. ಹಾಗೆ 1 ಕಪ್ ನೀರು ಹಾಕಿ ಮಿಕ್ಸ್ ಮಾಡಿ ಕುದಿಬರಲು ಬಿಡಿ. ಗೋಡಂಬಿ ಕೂಡ ಹಾಕಿಕೊಳ್ಳಿ. ಅಕ್ಕಿ ತೆಗೆದುಕೊಂಡು ಕಪ್‌ನಲ್ಲಿ ಅಳೆಯ ಪ್ರಮಾಣದಲ್ಲಿ ಹಾಕಿ. ನಂತರ ಮುಚ್ಚಳ ಮುಚ್ಚಿ ಕುದಿಬರಲು ಬಿಡಿ. ಕುದಿಬರಲು ಆರಂಭಿಸಿದಾಗ ನೆನೆಸಿಟ್ಟ ಅಕ್ಕಿಯನ್ನು ಇದಕ್ಕೆ ಹಾಕಿ ಮಿಕ್ಸ್ ಮಾಡಿ ಮತ್ತೆ ಮುಚ್ಚಳ ಮುಚ್ಚಿ ಕುದಿಬರಲು ಬಿಡಿ. 5ರಿಂದ 6 ನಿಮಿಷ ಬೇಯಿಸಿಕೊಂಡು ಒಮ್ಮೆ ಪರೀಕ್ಷಿಸಿ. ಮತ್ತೆ 2 ನಿಮಿಷ ಹಾಗೆಯೇ ಬಿಡಿ. ಸಂಪೂರ್ಣ ನೀರು ಆವಿಯಾಗಿ ಹುಡಿ ಹುಡಿಯಾದ ಬಳಿಕ ಈಗ ತುಪ್ಪ ಕೊತ್ತಂಬರಿ ಸೊಪ್ಪು ಹಾಕಿ ಮಿಕ್ಸ್ ಮಾಡಿಕೊಂಡರೆ ನಿಮ್ಮ ಮುಂದೆ ಮದುವೆ ಮನೆ ರುಚಿಯ ಪಲಾವ್ ಸಿದ್ದವಾಗುತ್ತೆ.