ಗೋಧಿ ಹಲ್ವಾ ಮಾಡಿದ್ದೀರಾ? ಶೀರಾದಂತೆಯೇ ಟೇಸ್ಟಿ, ದೇವರಿಗೆ ನೈವೇದ್ಯವಾಗಿಯೂ ಇಡಬಹುದು

ನೀವು ಶೀರಾ ಮಾಡಿದಂತೆ ಗೋಧಿ ಹಿಟ್ಟಿನಿಂದ ರುಚಿಯಾದ ಗೋಧಿ ಹಲ್ವಾ ಮಾಡಬಹುದು, ಇದನ್ನು ಮಾಡುವ ವಿಧಾನವಂತೂ ತುಂಬಾನೇ ಸರಳವಾಗಿದೆ, ಈ ಹಲ್ವಾ ಮಾಡಲು ಪ್ರಮುಖವಾಗಿ ಮೂರೇ ಸಾಮಗ್ರಿ ಸಾಕಾಗುತ್ತೆ, ಡ್ರೈ ಫ್ರೂಟ್ಸ್‌ ಹಲ್ವಾಗೆ ಮತ್ತಷ್ಟು ರುಚಿ ನೀಡುತ್ತೆ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
1 ಕಪ್ ಗೋಧಿ ಹಿಟ್ಟು
1 ಕಪ್ ಸಕ್ಕರೆ
1 ಕಪ್ ನೀರು
3 ಚಮಚ ತುಪ್ಪ, ನಂತರ ಹಲ್ವಾ ರೆಡಿಯಾದ ಮೇಲೆ ಮತ್ತೆ 2 ಚಮಚ ತುಪ್ಪ ಸೇರಿಸಿ
ಸ್ವಲ್ಪ ಗೋಡಂಬಿ
ಸ್ವಲ್ಪ ಬಾದಾಮಿ

ಮಾಡುವ ವಿಧಾನ

• ಬಾಣಲೆಗೆ ಒಂದು ಕಪ್ ಸಕ್ಕರೆ ಹಾಕ ಒಂದು ಕಪ್‌ ನೀರು ಹಾಕಿ ಕರಗಿಸಿ.
• ಈಗ ನೀವು ಮತ್ತೊಂದು ಪ್ಯಾನ್‌ನಲ್ಲಿ ಒಂದು ಕಪ್‌ ಗೋಧಿ ಹಿಟ್ಟು ತೆಗೆದು ಅದನ್ನು ಸ್ವಲ್ಪ ಬಿಸಿ (ಉಪ್ಇಟ್ಟಿಗೆ ರವೆ ಉರಿದ ರೀತಿಯಲ್ಲಿ) ಮಾಡಿ ಒಂದು ತಟ್ಟೆಗೆ ಹಾಕಿಡಿ.
• ಈಗ ನೀವು ಗೋಧಿ ಹಿಟ್ಟು ರೋಸ್ಟ್‌ ಮಾಡಿದ ಬಾಣಲೆಗೆ 3 ಚಮಚ ತುಪ್ಪ ಹಾಕಿ.
• ತುಪ್ಪ ಬಿಸಿಯಾದಾಗ ಬಾದಾಮಿ, ಗೋಡಂಬಿ ಸೇರಿಸಿ
• ಬಾದಾಮಿ ಗೋಡಂಬಿಯನ್ನು ತುಪ್ಪದ ಲ್ಲಿ ಹುರಿದು ಒಂದು ಬೌಲ್‌ನಲ್ಲಿ ಹಾಕಿಡಿ
• ಈಗ ಆ ತುಪ್ಪಕ್ಕೆ ಗೋಧಿ ಹಿಟ್ಟು ಮೆಲ್ಲನೆ ಸುರಿದು ಕಡಿಮೆ ಉರಿಯಲ್ಲಿ ಫ್ರೈ ಮಾಡಿ
• ಈಗ ಸಕ್ಕರೆ ಪಾಕ ಹಾಕಿ ಮಿಕ್ಸ್ ಮಾಡಿ, ನೀರನ್ನು ಮೆಲ್ಲ-ಮೆಲ್ಲನೆ ಹಾಕಿ, ಹಿಟ್ಟು ಗಟ್ಟಿಯಾಗುವರೆಗೆ ಮಿಕ್ಸ್ ಮಾಡುತ್ತಾ ಬೇಯಿಸಿ, ನಂತರ ಮತ್ಎ 2 ಚಮಚ ತುಪ್ಪ ಹಾಕಿ ಮಿಕ್ಸ್ ಮಾಡಿ, ಈಗ ನೀವು ರೋಸ್ಟ್‌ ಮಾಡಿಟ್ಟ ಬಾದಾಮಿ-ಗೋಡಂಬಿ ಸೇರಿಸಿ ಮಿಕ್ಸ್ ಮಾಡಿದರೆ ಸೂಪರ್‌ ರುಚಿಯ ಗೋಧಿ ಹಲ್ವಾ ರೆಡಿ.

ನೀವು ಶೀರಾ ಮಾಡಿದಷ್ಟೇ ತುಂಬಾ ರುಚಿಯಾಗಿರುತ್ತದೆ ಈ ಗೋಧಿ ಹಲ್ವಾ, ಇನ್ನು ಹಬ್ಬಗಳು, ವ್ರತಗಳು ಈ ಸಂದರ್ಭದಲ್ಲಿ ದೇವರಿಗೆ ನೈವೇದ್ಯ ಅರ್ಪಿಸಲು ಕೂಡ ನೀವು ಈ ಗೋಧಿ ಹಲ್ವಾ ರೆಡಿ ಮಾಡಬಹುದು.

ಸಲಹೆ: ಯಾವ ಗೋಧಿ ಹಿಟ್ಟು ಬಳಸಬೇಕು?
ನೀವೇ ಮಾಡಿದ ಗೋಧಿಹಿಟ್ಟು ಆದರೂ ಸರಿ, ಯಾವುದೇ ಬ್ರ್ಯಾಂಡ್‌ನ ಗೋಧಿ ಹಿಟ್ಟು ಆದರೂ ಸರಿ ನೀವು ಬಳಸಬಹುದು.
ಒಂದು ಕಪ್‌ ಗೋಧಿ ಹುಟ್ಟು ಬಳಸುವುದಾದರೆ ನೀವು ಒಂದು ಕಪ್‌ ಸಕ್ಕರೆ , ಒಂದು ಕಪ್ ನೀರು ಬಳಸಿ ಮಾಡುವ ಸಕ್ಕರೆ ಪಾಕದ ಮಿಶ್ರಣದ ಅಳತೆ ಹಲ್ವಾ ಮಾಡಲು ಸರಿಯಾಗಿರುತ್ತದೆ.
ನವು ಈ ಹಲ್ವಾವನ್ನು 10-15 ನಿಮಿಷದಲ್ಲಿ ಮಾಡಬಹುದು

ಈಗ ಶಿವರಾತ್ರಿ ಹಬ್ಬ ಬರುತ್ತಿದೆ, ನೀವು ಹಬ್ಬದಲ್ಲಿ ಶಿವನಿಗೆ ನೈವೇದ್ಯ ತಯಾರಿಸುವಾಗ ಈ ಹಲ್ವಾ ಕೂಡ ತಯಾರಿಸಬಹುದು.
ದೊಡ್ಡ ಕಾರ್ಯಕ್ರಮಗಳಲ್ಲಿಯೂ ಕೇಸರಿಬಾತ್‌ ಬದಲಿಗೆ ಈ ಗೋಧಿಹಲ್ವಾ ಟ್ರೈ ಮಾಡಬಹುದು
ಇನ್ನು ಗೋಧಿ ಹಲ್ವಾ ರೆಡಿ ಮಾಡಿದರೆ ವಾರದವರೆಗೆ ಇಟ್ಟರೂ ಹಾಳಾಗುವುದಿಲ್ಲ. ಗೋಧಿ ಎಣ್ಣೆಯಲ್ಲಿ ರೋಸ್ಟ್‌ ಆಗುವುದರಿಂದ ರುಚಿ ತುಂಬಾನೇ ಖುಷಿಯಾಗುವುದು.
ಅಲ್ಲದೆ ಗೋದಿ ಹಲ್ವಾ ಮಾಡಲು ಯಾವುದೇ ಫುಡ್ ಕಲರ್ ಆಗಲಿ, ಎಸೆನ್ಸ್ ಆಗಲಿ ಬೇಕಾಗಿಲ್ಲ.