ಸಾಮಾನ್ಯ ಮೊಸರಲ್ಲ, ಗಟ್ಟಿ ಮೊಸರು ಮಾಡುವುದು ಹೇಗೆ? ಸಿಹಿ ಮೊಸರು ಕೂಡ ಮಾಡಬಹುದು

ಮೊದಲೆಲ್ಲಾ ಮೊಸರು ಯಾರೂ ದುಡ್ಡು ಕೊಟ್ಟು ಖರೀದಿ ಮಾಡುತ್ತಿರಲಿಲ್ಲ, ಮನೆ ಮನೆಗಳಲ್ಲಿ ತಯಾರಿಸುತ್ತಿದ್ದರು, ಈಗ ಮೊಸರು, ಮಜ್ಜಿಗೆ, ಮಸಾಲೆ ಮಜ್ಜಿಗೆ ಎಲ್ಲವನ್ನೂ ಅಂಗಡಿಯಿಂದ ಖರೀದಿಸುತ್ತೇವೆ. ಮೊಸರಿನಲ್ಲಿ ಗಟ್ಟಿ ಮೊಸರು ಸಿಗುತ್ತದೆ, ಇದನ್ನು ತಿನ್ನಲು ಮಕ್ಕಳಂತೂ ತುಂಬಾನೇ ಇಷ್ಟಪಡುತ್ತಾರೆ. ಅದಕ್ಕೆ ಸ್ವಲ್ಪ ಸಕ್ಕರೆ ಹಾಕಿ ತಿಂದರೆ ರುಚಿ ಸೂಪರ್‌ ಆಗಿರುತ್ತದೆ.

ಇನ್ನು ಹಾಲಿಗೆ ಸ್ವಲ್ಪ ಮೊಸರು ಹೆಪ್ಪು ಹಾಕಿದರೆ ಮೊಸರು ಆಗುತ್ತದೆ, ಅದರೆ ಗಟ್ಟಿ ಮೊಸರು ಮಾಡುವುದು ಹೇಗೆ ಎಂದು ಗೊತ್ತಿರುವುದಿಲ್ಲ. ಗಟಟ್ಟಿ ಮೊಸರು ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

• ಮಣ್ಣಿನ ಮಡಿಕೆ ಚೆನ್ನಾಗಿ ತೊಳೆದು ಒರೆಸಬೇಕು, ನಂತರ ಅದಕ್ಕೆ ಗಟ್ಟಿ ಹಾಲು ಹಾಕು ಕುದಿಸಸಬೇಕು.
• ಕಡಿಮೆ ಉರಿಯಲ್ಲಿ ಕುದಿಸಿದಾಗ ಅದರ ಮೇಲ್ಭಾಗ ಕೆನೆ ಉಂಟಾಗುವುದು, ಕೆನೆ ಬೇಡ ಎಂದಾದರೆ ಕುದಿಯುತ್ತಿರುವ ಹಾಲಿಗೆ ಸೌಟ್‌ ಹಾಕಿ ಅಗಾಗ ಆಡಿಸುತ್ತಾ ಇರಿ.
• ನೀವು ಕಡಿಮೆ ಉರಿಯಲ್ಲಿ 10-15 ಕುದಿಸಬೇಕು.
• ನಂತರ ಉರಿಯಿಂದ ಇಳಿಸಿ ಬಿಸಿ ಕಡಿಮೆಯಾಗಲು ಸ್ವಲ್ಪ ಹೊತ್ತು ಇಡಬೇಕು, ಬಿಸಿ ತುಂಬಾ ಕಡಿಮೆಯಾಗಬಾರದು, ಉಗುರು ಬೆಚ್ಚಗಿನ ಬಿಸಿ ಇರಲೇಬೇಕು.
• ನಂತರ ಒಂದು ಚಮಚ ಮೊಸರು ಹಾಕಿ ಹಾಲಿನಲ್ಲಿ ಚೆನ್ನಾಗಿ ಮಿಕ್ಸ್ ಮಾಡಬೇಕು.
• ನಂತರ ಅದನ್ನು ಮತ್ತೊಂದು ಮಣ್ಣಿನ ಮಡಿಕೆಗೆ ಹಾಕಿ.
• ಅದನ್ನು ಒಂದು ತಟ್ಟೆ ಅಥವಾ ಅಲ್ಯುಮಿನಿಯಂ ಫಾಯಿಲ್ ಇಟ್ಟು ಮುಚ್ಚಿ 6-10 ಗಂಟೆ ಹಾಗೇ ಬಿಡಿ. ಮೊಸರಿಕೆ ಇಟ್ಟ ಮೊಡಿಕೆಯನ್ನು ಅಲ್ಲಾಡಿಸಬೇಡಿ. ನಂತರ ರೆಡಿಯಾದ ಮೊಸರನ್ನು ಚಿಕ್ಕ ಚಿಕ್ಕ ಡಬ್ಬದಲ್ಲಿ ಹಾಕಿ ಫ್ರಿಡ್ಜ್‌ನಲ್ಲಿ ಇಟ್ಟುಬಿಡಿ.

ತುಂಬಾ ಹೊತ್ತು ಇಡಬೇಡಿ ಮೊಸರು ಹುಳಿಯಾಗುತ್ತದೆ. ಇಷ್ಟು ಮಾಡಿದರೆ ಗಟ್ಟಿ ಮೊಸರು ರೆಡಿಯಾಗುತ್ತದೆ.

ಗಟ್ಟಿ ಮೊಸರಿಗೆ ಸ್ವಲ್ಪ ಸಕ್ಕರೆ ಹಾಕಿ ತಿಂದರೆ ಜೀರ್ಣಕ್ರಿಯೆಗೂ ತುಂಬಾನೇ ಒಳ್ಳೆಯದು.

ಯಾವ ಬಗೆಯ ಹಾಲು ಬಳಸುವುದು ಒಳ್ಳೆಯದು?

ಮೊಸರು ಮಾಡುವಾಗ ನೀವು ಕೊಬ್ಬಿನಂಶವಿರುವ ಹಾಲು ಬಳಸಿ, ಹಸುವಿನ, ಎಮ್ಮೆಯ ಹಾಲು ಕೂಡ ಬಳಸಬಹುದು.

ಇನ್ನು ಸಿಹಿ ಮೊಸರು ಮಾಡುವುದು ಹೇಗೆ?

ಒಂದು ಲೀಟರ್ ಹಾಲು
1/2 ಕಪ ಸಕ್ಕರೆ
1/4 ಕಪ್‌ಗಿಂತಲೂ ಸ್ವಲ್ಪ ಅಧಿಕ ಮೊಸರು

ಸಿಹಿ ಮೊಸರು ಮಾಡುವುದು ಹೆಗೆ?

ಹಾಲನ್ನು ಕಡಿಮೆ ಉರಿಯಲ್ಲಿ ಕಾಯಿಸಿ, ಹಾಲು ಕಡಿಮೆ ಉರಿಯಲ್ಲಿ ಕಾಯಿಸಿದಾಗ ಹಾಲು ಮತ್ತಷ್ಟು ಮಂದವಾಗುತ್ತದೆ.
ನಂತರ ಅಕ್ಕರೆ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ
ನಂತರ ಉರಿಯಿಂದ ಇಳಿಸಿ ಇಡಿ
ಬಳಿಕ ಹಾಲಿನ ಉಷ್ಣಾಂಶ ಕಡಿಮೆಯಾದಾಗ ಅದಕ್ಕೆ ಮೊಸರು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ
ಒಂದು ಮಣ್ಣಿನ ಮಡಿಕೆಯಲ್ಲಿ ಹಾಕಿಡಿ
5-6 ಗಂಟೆ ಇಟ್ಟರೆ ಸಿಹಿ ಮೊಸರು ರೆಡಿ, ಇದನ್ನು ಕೂಡ ಫ್ರಿಡ್ಜ್‌ನಲ್ಲಿಟ್ಟು ವಾರದವರೆಗೆ ಬಳಸಬಹುದು.