ಅಕ್ಕಿ ಹಿಟ್ಟಿನ ಹಪ್ಪಳ, ಅವಲಕ್ಕಿ ಸಂಡಿಗೆ ಮಾಡುವುದು ಹೇಗೆ?

ಉರಿಬಿಸಿಲಿನ ಈ ಸಮಯ ಹಪ್ಪಳ-ಸಂಡಿಗೆ ಮಾಡಿಡಲು ಸೂಪರ್, ಈಗ ಮಾಡಿಟ್ಟರೆ ನೀವು ವರ್ಷದವರೆಗೆ ಇಟ್ಟು ಬಳಸಬಹುದು, ಅಲ್ಲದೆ ನೀವು ಬಗೆಬಗೆಯ ಹಪ್ಪಳ-ಸಂಡಿಗೆ ಮಾಡಿಡಬಹುದು, ಇಲ್ಲಿ ಅಕ್ಕಿಯ ಹಪ್ಪಳ, ಅವಲಕ್ಕಿ ಸಂಡಿಗೆ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಗ್ರಿ
1 ಕಪ್‌ ಅಕ್ಕಿ ಹಿಟ್ಟು
1/2 ಚಮಚ ಜೀರಿಗೆ
1/2 ಚಮಚ ಎಳ್ಳು
ಚಿಟಿಕೆಯಷ್ಟು ಇಂಗು
1/2 ಚಮಚ ಉಪ್ಪು
2 ಕಪ್ ನೀರು

ಮಾಡುವ ವಿಧಾನ

• ಮೊದಲಿಗೆ ನೀವು ಸ್ವಲ್ಪ ದೊಡ್ಡ ಬೌಲ್‌ ತೆಗೆದುಕೊಳ್ಳಿ
• ಅದರಲ್ಲಿ 1/2 ಚಮಚ ಜೀರಿಗೆ, 1/2 ಚಮಚ ಎಳ್ಳು, ಚಿಟಿಕೆಯಷ್ಟು ಇಂಗು, 1/2 ಚಮಚ ಉಪ್ಪು ಸೇರಿಸಿ
• ನಂತರ 2 ಕಪ್‌ ನೀರು ಸೇರಿಸಿ ಚೆನ್ನಾಗಿ ಕಲೆಸಿ, ಗಂಟು ಕಟ್ಟಬಾರದು.
• ನಂತರ 15 ನಿಮಿಷ ಬಿಡಿ, ಅಕ್ಕಿ ಹಿಟ್ಟು ನೀರನ್ನು ಚೆನ್ನಾಗಿ ಹೀರಿಕೊಳ್ಳುತ್ತದೆ.
• ನಂತರ ಪುನಃ ಚೆನ್ನಾಗಿ ಮಿಕ್ಸ್ ಮಾಡಿ, ಯಾವುದೇ ಗಂಟುಗಳಿರಬರದು
• ಈಗ ನೀವು ಚಿಕ್ಕ ಚಿಕ್ಕ ತಟ್ಟೆ ಅಥವಾ ಪ್ಲೇಟ್ ತೆಗೆದುಕೊಳ್ಳಿ
• ಅದರ ಹೊರಬದಿಗೆ ಎಣ್ಣೆ ಸವರಿ ಅದರಲ್ಲಿ ಸ್ವಲ್ಪ ಹಿಟ್ಟು ಹಾಕಿ ಹರಡಿ, ತುಂಬಾ ತೆಳ್ಳನೆ ಹರಡಬೇಕು.
• ಈಗ ಈ ತಟ್ಟೆಗಳನ್ನು ಬಿಸಿಲಿನಲ್ಲಿಡಿ
• ಈ ತಟ್ಟೆಗಳನ್ನು 3-4 ದಿನ ಬಿಸಿಲಿನಲ್ಲಿಟ್ಟರೆ ಹಪ್ಪಳ ಚೆನ್ನಾಗಿ ಒಣಗಿ ಪ್ಲೇಟ್‌ನಿಂದ ಬೇರ್ಪಡುತ್ತದೆ.
• ನಂತರ ಬಟ್ಟೆ ಹರಡಿ ಮತ್ತೂ ಒಂದು ದಿನ ಹಪ್ಪಳವನ್ನು ಬಿಸಿಲಿನಲ್ಲಿ ಹರಡಿ ಒಣಗಿಸಿ
• ಈಗ ಈ ಹಪ್ಪಳವನ್ನು ಡಬ್ಬದಲ್ಲಿ ಹಾಕಿಟ್ಟರೆ ಮುಂದಿನ ವರ್ಷದ ಬೇಸಿಗೆಯವರೆಗೆ ಬಳಸಬಹುದು.
• ನಿಮಗೆ ಬೇಕಾದಾಗ ಎಣ್ಣೆಯಲ್ಲಿ ಕರಿದು ಸವಿಯಿರಿ.

ಈಗ ಅವಲಕ್ಕಿ ಸಂಡಿಗೆ ಮಾಡುವುದು ಹೇಗೆ ಎಂದು ನೋಡೋಣ:
ಬೇಕಾಗುವ ಸಾಮಗ್ರಿಗಳು
3 ಕಪ್‌ ಅವಲಕ್ಕಿ
ಖಾರದ ಪುಡಿ 1/2 ಚಮಚ
1/2 ಚಮಚ ಓಂ ಕಾಳು
1/4 ಚಮಚ ಬೇಕಿಂಗ್ ಸೋಡಾ
ರುಚಿಗೆ ತಕ್ಕ ಉಪ್ಪು

ಮಾಡುವ ವಿಧಾನ:

• ಸ್ವಲ್ಪ ದೊಡ್ಡ ಪಾತ್ರೆಗೆ 3 ಕಪ್ ಅವಲಕ್ಕಿ ಸೇರಿಸಿ
• ಅದು ನೆನೆಯುವಷ್ಟು ನೀರು ಹಾಕಿ 10 ನಿಮಿಷ ಬಿಸಿ
• ಈಗ ನೀರು ಸೋಸಿ
• ಈಗ ನೆನೆಸಿರುವ ಅವಲಕ್ಕಿಗೆ ಮೆಣಸಿನ ಪುಡಿ, ಅಜ್ವೈನ್‌, ಅಡುಗೆ ಸೋಡಾ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಮಿಕ್ಸ್ ಮಾಡಿ
• ನಂತರ ಚಿಕ್ಕ-ಚಿಕ್ಕ ಉಂಡೆ ಕಟ್ಟಿ ತೆಳುವಾಗಿ ತಟ್ಟಿ ಪ್ಲೇಟ್‌ನಲ್ಲಿ ಹಾಕಿ 4-5 ದಿನ ಬಿಸಿಲಿನಲ್ಲಿ ಒಣಗಿಸಿ, ಇಷ್ಟು ಮಾಡಿದರೆ ಅವಲಕ್ಕಿ ಸಂಡಿಗೆ ರೆಡಿ.