ವ್ಯಾಲೆಂಟೈನ್ಸ್ ಡೇಗೆ ನಿಮ್ಮವ/ ನಿಮ್ಮವಳಿಗೆ ರೆಡ್‌ ವೆಲ್ವಟ್ ಕೇಕ್‌ ಮಾಡಿದರೆ ಆ ಫೀಲ್ ಇನ್ನಷ್ಟು ರೊಮ್ಯಾಂಟಿಕ್ ಅಲ್ವಾ

ವ್ಯಾಲೆಂಟೈನ್ಸ್ ವೀಕ್‌ ನಿಮ್ಮ ಪ್ರೇಮಿಗೆ ರೆಡ್‌ ವೆಲ್ವಟ್ ಕೇಕ್‌ ನಿಮ್ಮ ಕೈಯಾರೆ ಮಾಡಿದರೆ ಆ ಫೀಲ್ ಇನ್ನಷ್ಟು ರೊಮ್ಯಾಂಟಿಕ್ ಅನಿಸುವುದು ಅಲ್ವಾ? ಆದರೆ ಈ ಕೇಕ್ ಮಾಡುವುದು ಕಷ್ಟ ಎಂದು ತಲೆಕೆಡಿಸಿಕೊಳ್ಳಬೇಡಿ, ಸುಲಭವಾಗಿ ಮಾಡಬಹುದಾದ ಕೇಕ್‌ ರೆಸಿಪಿ ನೀಡಲಾಗಿದೆ ನೋಡಿ:

ಬೇಕಾಗುವ ಸಾಮಗ್ರಿ
3 ಕಪ್ ಮೈದಾ ಹಿಟ್ಟು
2 ಕಪ್‌ ಸಕ್ಕರೆ
3 ಚಮಚ ಸಿಹಿರಹಿತ ಕೋಕಾ ಪುಡಿ
ಒಂದೂವರೆ ಚಮಚ ಬೇಕಿಂಗ್ ಸೋಡಾ
1/2 ಚಮಚ ಬೇಕಿಂಗ್ ಪುಡಿ
11/4 ಚಮಚ ಉಪ್ಪಿನ ಪುಡಿ
3 ಮೊಟ್ಟೆ
ಒಂದೂವರೆ ಕಪ್‌ ವೆಜೆಟೇಬಲ್ ಆಯಿಲ್‌
ಒಂದೂವರೆ ಕಪ್ ಮಜ್ಜಿಗೆ
1/2 ಕಪ್ ಸೋರ್ ಕ್ರೀಮ್ (Sour cream)
2 ಚಮಚ ಫುಡ್‌ ಕಲರ್
1 ಚಮಚ ವೆನಿಲ್ಲಾ ರಸ
ಒಂದೂವರೆ ಚಮಚ ವೈಟ್ ವಿನೆಗರ್

ಕ್ರೀಮ್ ಚೀಸ್‌ ಫ್ರಾಸ್ಟಿಂಗ್
2 ಪ್ಯಾಕೇಜ್‌ ಕ್ರೀಮ್ ಚೀಸ್‌
1 ಕಪ್ ವೈಟ್ ಸಕ್ಕರೆ
1/4 ಕಪ್‌ ಮೈದಾ
1 ಕಪ್ ಹಾಲು
1 ಚಮಚ ವೆನಿಲ್ಲಾ ರಸ

ಮಾಡುವ ವಿಧಾನ

ಸ್ಟೆಪ್ 1
ನೀವು ಮೈಕ್ರೋವೇವ್‌ ಅನ್ನು 350 ಡಿಗ್ರಿ Fಗೆ ಪ್ರೀಹೀಟ್‌ ಮಾಡಿ. ನಂತರ ಕೇಕ್‌ ಪ್ಯಾನ್‌ಗೆ ಹಾರ್ಟ್ ಆಕಾರದ ಶೀಟ್‌ ಹಾಕಿ ಅದರ ಮೇಲೆ ಬೆಣ್ಣೆ ಸವರಿ

ಸ್ಟೆಪ್ 2
ಒಂದು ಬೌಲ್‌ಗೆ 3 ಕಪ್‌ ಮೈದಾ, 2 ಕಪ್ ಸಕ್ಕರೆ, ಕೋಕಾ ಪುಡಿ, ಬೇಕಿಂಗ್ ಸೋಡಾ, ಬೇಕಿಂಗ್‌ ಪುಡಿ, ಒಂದೂವರೆ ಚಮಚ ಮಿಕ್ಸ್ ಮಾಡಿ ಬದಿಯಲ್ಲಿಡಿ.

ಸ್ಟೆಪ್ 3
ಒಂದು ಬೌಲ್‌ನಲ್ಲಿ ಮೊಟ್ಟೆಯನ್ನು ಹಾಕಿ ಚೆನ್ನಾಗಿ ಕದಡಿ, ಅದಕ್ಕೆ ಎಣ್ಣೆ, ಮಜ್ಜಿಗೆ, ಸೋರ್ ಕ್ರೀಮ್‌(ಹುಳಿ ಕ್ರೀಮ್), ಫುಡ್‌ ಕಲರ್. 1 ಚಮಚ ವೆನಿಲ್ಲಾ ರಸ, ವಿನಗೆರ್‌ ಹಾಕಿ ಚೆನ್ನಾಗಿ ಕದಡಿ,
ಮೊದಲು ಕೈಯಿಂದ ಮಿಕ್ಸ್ ಮಾಡಿ, ನಂತರ ಎಲೆಕ್ಟ್ರಿಕ್‌ ಮಿಕ್ಸರ್‌ನಿಂದ ಕೂಡ ಚೆನ್ನಾಗಿ ಮಿಕ್ಸ್ ಮಾಡಿ

ಸ್ಟೆಪ್ 4
ನಂತರ ಈ ಮಿಶ್ರಣವನ್ನು ಬೇಕಿಂಗ್‌ ಪ್ಯಾನ್‌ಗೆ ಹಾಕಿ 35-40 ನಿಮಿಷ ಬೇಯಿಸಿ, ಸ್ಪೂನ್‌ನಿಂದ ಚುಚ್ಚಿ ನೋಡಿದಾಗ ಹಿಟ್ಟು ಸ್ಪೂನ್‌ಗೆ ಅಂಟಬಾರದು. ನಂತರ ಬೆಂದ ಹಿಟ್ಟನ್ನು ಹೊರತೆಗೆದು ತಣ್ಣಗಾಗಲು ಅರ್ಧ ಗಂಟೆ ಇಡಿ.

ಸ್ಟೆಪ್ 6
ಇದೇ ಸಮಯದಲ್ಲಿ ಒಂದು ಬೌಲ್‌ಗೆ Whip cream ಚೀಸ್ ಹಾಕಿ, ನಂತರ ಚೆನ್ನಾಗಿ ಕದಡಬೇಕು.

ಸ್ಟೆಪ್ 7'
ಈಗ ಒಂದು ಬೌಲ್‌ಗೆ 1 ಕಪ್ ಸಕ್ಕರೆ, 1/4 ಕಪ್ ಮೈದಾ, ಅರ್ಧ ಚಮಚ ಉಪ್ಪು ಈ ಮಿಶ್ರಣಕ್ಕೆ ಹಾಕಿ ಬಿಸಿ ಮಾಡಿ, ನಂತರ ಚಿಕ್ಕ ಬೌಲ್‌ಗೆ ಹಾಲು ಮತ್ತು ವೆನಿಲ್ಲಾ ರಸ ಸೇರಿಸಿ ಮಿಕ್ಸ್ ಮಾಡಿ ನಿಧಾನಕ್ಕೆ ಸೇರಿಸಿ, ಗಂಟು-ಗಂಟಾಗಬಾರದು, ಹಾಗಾಗಿ ಹಾಲನ್ನು ನಿಧಾನಕ್ಕೆ ಒಂದು ಕೈಯಲ್ಲಿ ಸುರಿದರೆ ಮತ್ತೊಂದು ಕೈಯಲ್ಲಿ ಸೌಟ್ ಹಿಡಿದು ಆಡಿಸುತ್ತಾ ಇರಿ. ಮಿಶ್ರಣ ಸ್ವಲ್ಪ ಕ್ರೀಮಿ-ಕ್ರೀಮಿ ಹಾಗೂ ಗಟ್ಟಿಯಾಗುವವರೆಗೆ ಬೇಯಿಸಿ ಉರಿ ಆಫ್ ಮಾಡಿ, ನಂತರ ಫ್ರಿಡ್ಜ್‌ನಲ್ಲಿ 10 ನಿಮಿಷ ಇಡಿ.

ಸ್ಟೆಪ್‌ 8
ನಂತರ ಫ್ರಿಡ್ಜ್‌ನಲ್ಲಿಟ್ಟ ಕ್ರೀಮಿ ಮಿಶ್ರಣ ಹೊರತೆಗೆದು ಮತ್ತೆ 5 ನಿಮಿಷ ಕದಡಿ, ಬೇಯಿಸಿದ ಕೇಕ್‌ ಮೇಲೆ ನಿಧಾನಕ್ಕೆ ಮೆತ್ತಿ ನಂತರ ಫ್ರಿಡ್ಜ್‌ನಲ್ಲಿ 3-4 ಗಂಟೆ ಇಟ್ಟರೆ ರೆಡ್‌ ವೆಲ್ವಟ್‌ ಕೇಕ್‌ ರೆಡಿ.