ಆಲೂಗಡ್ಡೆಯಿಂದ ಮಾಡಿ ಈ ಸ್ನ್ಯಾಕ್ಸ್ : ಫಿಂಗರ್‌ ಚಿಪ್ಸ್‌ಗಿಂತಲೂ ಹತ್ತುಪಟ್ಟು ರುಚಿ ಗ್ಯಾರಂಟಿ

ಆಲೂಗಡ್ಡೆಯಿಂದ ಮಾಡಬಹುದು ರೆಸ್ಟೋರೆಂಟ್‌ಗಳಲ್ಲಿ ಸಿಗುವಂಥ ಪೊಟೆಟೊ ಬಾಲ್‌, ಆಲೂಗಡ್ಡೆಯಿಂದ ಮಾಡುವ ಈ ಸ್ನ್ಯಾಕ್ಸ್‌ಗೆ ನೀವೇ ಬೇಕಿದ್ದರೆ ಒಂದು ಹೆಸರು ಹಾಕಿಕೊಳ್ಳಿ, ಅದನ್ನು ಯಾವ ಶೇಪ್‌ನಲ್ಲಿ ಮಾಡುತ್ತೀರೋ ಆ ಹೆಸರು ಕೊಡಬಹುದು, ನಾವಿಲ್ಲಿ ಅದರ ರೆಸಿಪಿ ನೀಡಿದ್ದೇವೆ.

ಈ ಸ್ನ್ಯಾಕ್ಸ್‌ ಮಾಡಿಕೊಟ್ಟರೆ ಮಕ್ಕಳು ಖುಷಿಯಾಗಿ ಸವಿಯುತ್ತಾರೆ, ರೆಸ್ಟೋರೆಂಟ್‌ಗಳಲ್ಲಿ ಇಂಥ ಸ್ನ್ಯಾಕ್ಸ್‌ಗೆ 300ರ ರುಪಾಯಿಯಿಂದ 400 ರುಪಾಯಿ ಚಾರ್ಜ್ ಮಾಡ್ತಾರೆ, ನೀವು ಬೇಕಿದ್ದರೆ ಸುಲಭದಲ್ಲಿ ಮಾಡಬಹುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
ಆಲೂಗಡ್ಡೆ 4-5
1 ಚಮಚ ಚಿಲ್ಲಿಫ್ಲೇಕ್ಸ್
ಒಂದೂವರೆ ಚಮಚ ಅಕ್ಕಿ ಹಿಟ್ಟು
ಒಂದೂವರೆ ಚಮಚ ಜೋಳದ ಹಿಟ್ಟು (ಕಾರ್ನ್ ಫ್ಲೋರ್)
ರುಚಿಗೆ ತಕ್ಕ ಉಪ್ಪು
ಪನ್ನೀರ್
ಬ್ರೆಡ್ ಚೂರುಗಳು
ಎಣ್ಣೆ 1 ಕಪ್‌

ಮಾಡುವ ವಿಧಾನ

• 4-5 ಆಲೂಗಡ್ಡೆ ತೆಗೆದು ಬೇಯಿಸಿ ನಂತರ ಸಿಪ್ಪೆ ಸುಲಿದು ಮ್ಯಾಶ್‌ ಮಾಡಿ, ಮ್ಯಾಶ್‌ ಚೆನ್ನಾಗಿಮಾಡಿ
• ನಂತರ ಇದರ ಮೇಲೆ ಒಂದು ಚಮಚ ಚಿಲ್ಲಿ ಫ್ಲೇಕ್ಸ್ ಹಾಕಿ (ಇಲ್ಲಾಂದ್ರೆ ಸ್ವಲ್ಪ ಮೆಣಸಿನ ಪುಡಿ ಸೇರಿಸಬಹುದು, ಆದರೆ ಪ್ಲೇಕ್ಸ್ ಸೇರಿಸಿದರೆ ಮತ್ತಷ್ಟು ರುಚಿ ಅನಿಸುವುದು)
• ನಂತರ ಒಂದೂವರೆ ಚಮಚ ಅಕ್ಕಿ ಹಿಟ್ಟು
• ಒಂದೂವರೆ ಚಮಚ ಕಾರ್ನ್‌ ಫ್ಲೋರ್ ಸೇರಿಸಿ
• ನಂತರ ರುಚಿಗೆ ತಕ್ಕ ಸ್ವಲ್ಪ ಉಪ್ಪು ಪುಡಿ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ
• ನಂತರ ಇದಕ್ಕೆ 100 ಗ್ರಾಂ ಪನ್ನೀರ್‌ ಕೂಡ ಸೇರಿಸಿ (ಪನ್ನೀರ್ ಚಿಕ್ಕ-ಚಿಕ್ಕ ತುಂಡುಗಳಾಗಿ ಮಾಡಿ ಸೇರಿಸಿ.
• ನಂತರ ಉಂಡೆ ಕಟ್ಟಿ ನಿಮಗೆ ಬೇಕಾದ ಶೇಪ್‌ನಲ್ಲಿ ಮಾಡಿ ಎಣ್ಣೆಗೆ ಹಾಕಿ. ಬೇಕಿದ್ದರೆ ರೌಂಡ್‌ ಶೇಪ್‌ ಮಾಡಬಹುದು, ಕೋಡು ಬಳೆ ಶೇಪ್‌ ಚಿಕ್ಕ-ಚಿಕ್ಕ ರೋಲ್‌ ಹೀಗೆ ನಿಮಗೆ ಬೇಕಾದ ಶೇಪ್‌ನಲ್ಲಿ ಮಾಡಿ
• ನಂತರ ಒಂದು ಬೌಲ್‌ಗೆ ಬ್ರೆಡ್ ಹಾಕಿ ಬ್ರೆಡ್‌ ಚೂರುಗಳನ್ನು ಮಾಡಿ
• ಇದೇ ಸಮಯದಲ್ಲಿ ಎಣ್ಣೆ ಕಾಯಲು ಇಡಿ
• ಕಾದ ಎಣ್ಣೆಗೆ ಪೊಟೆಟೊ ಸ್ನ್ಯಾಕ್ಸ್ ಹಾಕಿ ಡೀಪ್‌ ಫ್ರೈ ಮಾಡಿದರೆ ಸೂಪರ್ ರುಚಿಯ ಪೊಟೆಟೊ ಸ್ನ್ಯಾಕ್ಸ್ ರೆಡಿ.
• ಇದನ್ನು ಟೊಮೆಟೊ ಸಾಸ್‌ ಜೊತೆ ಸರ್ವ್‌ ಮಾಡಿ.
• ನೆನಪಿಡಿ: ಇದನ್ನು ಬಿಸಿ ಬಿಸಿಯಾಗಿ ತಿಂದರೆ ಸೂಪರ್ ರುಚಿ.