ಉಡುಪಿ ಶೈಲಿಯ ಹೆಸರು ಬೇಳೆ ಕಟ್ಟು ಸಾರು ಇದ್ದರೆ ಊಟ ಬಲು ರುಚಿ

ಹೆಸರುಬೇಳೆ ಕಟ್ಟು ಸಾರು ಅನ್ನದ ಜೊತೆ ತಿನ್ನಲು ಸೂಪರ್ ಆಗಿರುತ್ತದೆ. ಈ ಸಾರಿದ್ದು, ಸ್ವಲ್ಪ ಮೊಸರಿದ್ದರೆ ಮತ್ತೇನೂ ಬೇಕಾಗಿಲ್ಲ ಊಟ ಮಾಡಲು ಅಷ್ಟೊಂದು ರುಚಿಯಾಗಿರುತ್ತದೆ, ಬನ್ನಿ ಈ ಹೆಸರುಬಳೆ ಕಟ್ಟು ಸಾರು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ

ಅರ್ಧ ಕಪ್‌ ಹೆಸರು ಬೇಳೆ
1 ಟೊಮೆಟೊ
2 ಹಸಿ ಮೆಣಸು
ಸ್ವಲ್ಪ ಶುಂಠಿ-ಬೆಳ್ಳುಳ್ಳಿ
ಸ್ವಲ್ಪ ಇಂಗು
2 ಚಮಚ ಎಣ್ಣೆ
ಸಾಸಿವೆ
ಜೀರಿಗೆ
2 ಹಸಿ ಮೆಣಸು
ರುಚಿಗೆ ತಕ್ಕ ಉಪ್ಪು
ಸ್ವಲ್ಪ ಕೊತ್ತಂಬರಿ ಸೊಪ್ಪು

ಮಾಡುವ ವಿಧಾನ

• ಅರ್ಧ ಕಪ್‌ ಹೆಸರು ಬೇಳೆ ನೀರು ಹಾಕಿ ತೊಳೆದು ಕುಕ್ಕರ್‌ಗೆ ಹಾಕಿ ಒಂದು ಕಪ್‌ ನೀರು ಸೇರಿಸಿ, ಅರ್ಧ ಚಮಚ ಅರಿಶಿಣ , 2 ಹನಿ ಎಣ್ಣೆ ಹಾಕಿ, 1 ಟೊಮೆಟೊ ಹಾಕಿ, ಸ್ವಲ್ಪ ಉಪ್ಪು ಸೇರಿಸಿ ವಿಶಲ್‌ ಬರುವವರೆಗೆ ಬೇಯಿಸಿ, ನಂತರ ಆವಿ ಹೋದ ಮೇಲೆ ಚೆನ್ನಾಗಿ ಮ್ಯಾಶ್‌ ಮಾಡಿ.
• ಈಗ ಸಾರು ಪಾತ್ರೆ ಬಿಸಿ ಮಾಡಿ ಅದಕ್ಕೆ 1 ಚಮಚ ಎಣ್ಣೆ ಹಾಕಿ, ಸ್ವಲ್ಪ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್ ಶಬ್ದ ಮಾಡುವಾಗ , ಸ್ವಲ್ಪ ಜೀರಿಗೆ ಹಾಕಿ, ಜೀರಿಗೆ ಚಟ್‌ಪಟ್‌ ಶಬ್ದ ಮಾಡುವಾಗ ಇಂಗು, 2 ಹಸಿ ಮೆಣಸು, ಸ್ವಲ್ಪ ಶುಂಠಿ-ಬೆಳ್ಳುಳ್ಳಿ ಜಜ್ಜಿ ಸೇರಿಸಿ
• ಸ್ವಲ್ಪ ಕರಿಬೇವು ಸೇರಿಸಿ
• ಈಗ ಸ್ವಲ್ಪ ಹುಣಸೆ ಹಣ್ಣಿನ ರಸ ಸೇರಿಸಿ
• ಸ್ವಲ್ಪ ಬೆಲ್ಲ ಅಥವಾ ಸಕ್ಕರೆ ಸೇರಿಸಿ
• ಸ್ವಲ್ಪ ಅರಿಶಿಣ ಸೇರಿಸಿ ಕುದಿಸಿ
• ಮಿಶ್ರಣ ಚೆನ್ನಾಗಿ ಕುದಿ ಬರುವಗ ಮ್ಯಾಶ್‌ ಮಾಡ ಹೆಸರು ಬೇಳೆ ಸೇರಿಸಿ, ನಂತರ ಸ್ವಲ್ಪ ನೀರು ಸೇರಿಸಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಕುದಿಸಿ.
• ಮಿಶ್ರಣ ಚೆನ್ನಾಗಿ ಕುದಿ ಬಂದ ಮೇಲೆ ಸ್ವಲ್ಪ ಕೊತ್ತಂಬರಿ ಸೊಪ್ಪು ಹಾಕಿ ಉರಿಯಿಂದ ಉಳಿಸಿದರೆ ಹೆಸರುಬೇಳೆ ಕಟ್ಟು ಸಾರು ರೆಡಿ.

ಇತರ ಸಲಹೆ

• ನೀವು ಹೆಸರುಬೇಳೆ ಬದಲಿಗೆ ತೊಗರಿಬೇಳೆಯಿಂದಲೂ ಇದನ್ನು ಮಾಡಬಹುದು
• ಈ ಸಾರು ಸ್ವಲ್ಪ ಗಟ್ಟಿ ಬೇಕೆಂದರೆ ಮಾಡಬಹುದು, ಇದು ನೀರು-ನೀರಾಗಿ ರಸಂ ರೀತಿ ಇದ್ದರೆ ಸೂಪರ್
• ಹುಣಸೆರಸ ಬದಲಿಗೆ ಸ್ವಲ್ಪ ನಿಂಬೆ ರಸ ಸೇರಿಸಿ