ಆಹಾ! ಬೆಳ್ಳುಳ್ಳಿ- ಒಣಮೆಣಸಿನ ಚಟ್ನಿ ಹೀಗೆ ಮಾಡಿದರೆ ಎಷ್ಟೊಂದು ರುಚಿ ಗೊತ್ತಾ?

ನೀವು ಒಣಮೆಣಸು ಹಾಗೂ ಬೆಳ್ಳುಳ್ಳಿ ಹಾಕಿ ಮಾಡುವ ಈ ಸಿಂಪಲ್‌ ಚಟ್ನಿ ಮಾಡಿ ನೋಡಿ ಅನ್ನದ, ಪರೋಟ, ಚಪಾತಿ ಹೀಗೆ ಯಾವುದೇ ಆಹಾರವಾಗಲಿ ಅದರ ಜೊತೆ ಸವಿಯಲು ತುಂಬಾನೇ ಸೂಪರ್‌ ಆಗಿರುತ್ತದೆ, ಇನ್ನು ಈ ಚಟ್ನಿ ಮಾಡಿದರೆ ನೀವು ತಿಂಗಳವರೆಗೆ ಇಟ್ಟು ಬಳಸಬಹುದು, ರುಚಿ ತುಂಬಾನೇ ಟೇಸ್ಟ್ ಆಗಿರುತ್ತದೆ.

ಅಲ್ಲದೆ ಇದನ್ನು ಮಾಡುವುದು ಕೂಡ ತುಂಬಾ ಸುಲಭವಾಗಿದೆ, ಈ ರೆಸಿಪಿ ನಿಮಗೆ ಯಾವಾಗ ಮಾಡಬೇಕು ಆವಾಗ ಬಳಸಬಹುದು ಅಥವಾ ಮಾಡಿಟ್ಟರೆ ಬೇಕಾದಾಗ ಬಳಸಬಹುದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
ಬ್ಯಾಡಗಿ ಮೆಣಸು 10-15
ಬೆಳ್ಳುಳ್ಳಿ 8-10 (ಎಸಳು ಅಲ್ಲ, ಇಡಿ ಬೆಳ್ಳುಳ್ಳಿ)
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಸ್ವಲ್ಪ ಇಂಗು ರುಚಿಗೆ ತಕ್ಕ ಉಪ್ಪು
ಅರಿಶಿಣ ಪುಡಿ
2 ಚಮಚ ಎಣ್ಣೆ (ಸಾಸಿವೆಯೆಣ್ಣೆಯಾದರೆ ಇನ್ನೂ ಟೇಸ್ಟಿಯಾಗಿರುತ್ತದೆ)
ಸ್ವಲ್ಪ ಹುಣಸೆಹಣ್ಣು

ಮಾಡುವ ವಿಧಾನ
ಬ್ಯಾಡಗಿ ಮೆಣಸನ್ನು 10 ನಿಮಿಷ ಬಿಸಿ ನೀರಿನಲ್ಲಿ ಹಾಕಿ
ಇದೇ ಸಮಯದಲ್ಲಿ 8-10 ಬೆಳ್ಳುಳ್ಳಿ ಸಿಪ್ಪೆ ಸುಲಿಯಿರಿ (8-10 ಎಸಳು ಅಲ್ಲ, ಅರ್ಧ ಕಪ್‌ಗೂ ಅಧಿಕ ಬರುವಷ್ಟು ಬೆಳ್ಳುಳ್ಳಿ)
ಸ್ವಲ್ಪ ಕೊತ್ತಂಬರಿ ಸೊಪ್ಪು, ಹುಣಸೆ ಹಣ್ಣು ಹಾಕಿ
ನಂತರ ಸ್ವಲ್ಪ ನೀರು ಹಾಕಿ ನುಣ್ಣನೆ ರುಬ್ಬಿ.
ಈಗ ಪ್ಯಾನ್‌ಗೆ 2 ಚಮಚ ಎಣ್ಣೆ ಹಾಕಿ ನಂತರ ಸ್ವಲ್ಪ ಇಂಗು ಹಾಕಿ, ಜೀರಿಗೆ ಹಾಕಿ
ನಂತರ 8-10 ಎಸಳು ಬೆಳ್ಳುಳ್ಳಿ (ಅದನ್ನು ಕೂಡ ಕತ್ತರಿಸಿ) ಹಾಕಿ ಫ್ರೈ ಮಾಡಿ
ನಂತರ ಈ ಪೇಸ್ಟ್ ಹಾಕಿ, ಅರಿಶಿಣ ಪುಡಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ, ಫ್ರೈ ಮಾಡಿ
ಎಣ್ಣೆಯಂಶ ಮೇಲ್ಭಾಗದಲ್ಲಿ ತೇಲಿ ಬರುವಷ್ಟು ಹೊತ್ತು ಬಿಸಿ ಮಾಡಿ.
ಇದನ್ನು ನೀವು ಒಂದು ಟಿಫಿನ್ ಬಾಕ್ಸ್‌ನಲ್ಲಿ ಹಾಕಿಟ್ಟು ಫ್ರಿಡ್ಜ್‌ನಲ್ಲಿಟ್ಟರೆ ತಿಂಗಳವರೆಗೆ ಇಟ್ಟು ಬಳಸಬಹುದು.

ಇತರ ಸಲಹೆ

• ನೀವು ಕಾಶ್ಮೀರಿ ಮೆಣಸು ಕೂಡ ಬಳಸಬಹುದು
• ತುಂಬಾ ಖಾರ ಇರುವ ಒಣ ಮೆಣಸು ಬೇಡ, ಬ್ಯಾಡಗಿ ಅಥವಾ ಕಾಶ್ಮೀರಿ ಮೆಣಸು ಬಳಸಿ
• ಬೆಳ್ಳುಳ್ಳಿ ರುಬ್ಬುವಾಗ ಹಸಿ ಹಾಕಬಹುದು ಅಥವಾ ಎಣ್ಣೆಯಲ್ಲಿ ಫ್ರೈ ಮಾಡಿ ಹಾಕಿದರೆ ಇನ್ನೂ ರುಚಿ ಭಿನ್ನವಾಗಿರುತ್ತದೆ.
• ಎಣ್ಣೆ ಯಾವುದೇ ಅಡುಗೆಯೆಣ್ಣೆ ಬಳಸಬಹುದು
• ಈ ಚಟ್ನಿ ಮಾಡಿ 1 ಚಮಚ ತೆಂಗಿನೆಣ್ಣೆ ಬೇಕಿದ್ದರೆ ಸೇರಿಸಬಹುದು (ಆದರೆ ಸಾಸಿವೆಯೆಣ್ಣೆ ಬಳಸಿದರೆ ತೆಂಗಿನೆಣ್ಣೆ ಹಾಕಬೇಡಿ)