ಎಗ್‌ ಬೋಂಡಾ ಮಾಡುವುದು ಸುಲಭನೇ ಆದರೆ ಟೇಸ್ಟಿಯಾಗಿ ಬರಬೇಕೆಂದರೆ ಅದಕ್ಕೆ ಈ ಟಿಪ್ಸ್ ಗೊತ್ತಿರಬೇಕು

ಮೊಟ್ಟೆ ಬೋಂಡಾ ಈ ಬಜ್ಜಿ ಬೋಂಡಾದಂತೆ ರುಚಿ ಅನಿಸಲ್ಲ, ಏಕೆಂದರೆ ಬೇಯಿಸಿದ ಮೊಟ್ಟೆಯನ್ನು ಈ ಕಡ್ಲೆಹಿಟ್ಟಿಗೆ ಅದ್ದಿ ನಂತರ ಎಣ್ಣೆಯಲ್ಲಿ ಡೀಪ್‌ ಫ್ರೈ ಮಾಡಿ ಕೊಟ್ತಾರೆ, ಆದರೆ ಎಗ್‌ ಬೋಂಡಾ ತಿಂದಾಗ ಮತ್ತೆ ಮತ್ತೆ ತಿನ್ನಬೇಕೆಂದರೆ ಅದನ್ನು ಮಾಡುವ ವಿಧಾನದಲ್ಲಿ ಈ ಸ್ವಲ್ಪ ಬದಲಾವಣೆ ತಂದರೆ ಸಾಕು, ಆಹಾ ಆ ಮಸಾಲೆ, ಮೊಟ್ಟೆ ಎರಡು ಸೇರಿಸಿದರೆ ಸೂಪರೋ ಸೂಪರ್ ಅನಿಸುವುದು.

ಹಾಗಾಗಿ ಇನ್ಮೇಲೆ ಮೊಟ್ಟೆ ಬೋಂಡಾ ಮಾಡುವಾಗ ಮಾಮೂಲಿಯಾಗಿ ಸಿಂಪಲ್ ಆಗಿ ಮಾಡುವುದಕ್ಕಿಂತ ಸ್ವಲ್ಪ ಭಿನ್ನವಾಗಿ ರುಚಿಯಾಗಿ ಮಾಡಿ ನೋಡಿ ತುಂಬಾನೇ ಸೂಪರ್ ಅನಿಸುತ್ತೆ.

ಬನ್ನಿ ಈ ಸ್ಪೆಷಲ್‌ ಎಗ್‌ ಬೋಂಡಾ ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
2 ಈರುಳ್ಳಿ
ಹಸಿ ಮೆಣಸು 2-3
ಶುಂಠಿ
ಕೊತ್ತಂಬರಿ ಸೊಪ್ಪು
ಅರ್ಧ ಕಪ್‌ ಕಡ್ಲೆಹಿಟ್ಟು
2-3 ಅಕ್ಕಿಹಿಟ್ಟು
1/2 ಚಮಚ ಖಾರದ ಪುಡಿ
1/4 ಚಮಚ ಅರಿಶಿಣ ಪುಡಿ
ಗರಂ ಮಸಾಲ 1/4 ಪುಡಿ
ರುಚಿಗೆ ತಕ್ಕ ಉಪ್ಪು
ಸ್ವಲ್ಪ ಕರಿಬೇವು
ಮೊಟ್ಟೆ 4-5

ಮಾಡುವ ವಿಧಾನ

• ಮೊಟ್ಟೆಯನ್ನು ಬೇಯಿಸಿ
• ಈರುಳ್ಳಿ, ಹಸಿಮೆಣಸು, ಶುಂಠಿ, ಕೊತ್ತಂಬರಿ ಸೊಪ್ಪು ಇವುಗಳನ್ನು ಹಾಕಿ ಪೇಸ್ಟ್ ಮಾಡಿ
• ಈಗ ಈ ಮಿಶ್ರಣವನ್ನು ಒಂದು ಬೌಲ್‌ಗೆ ಹಾಕಿ, ನಂತರ ಕಡ್ಲೆಹಿಟ್ಟು, ಅಕ್ಕಿ ಪುಡಿ ಹಾಗೂ ಮಸಾಲೆ ಸಾಮಗ್ರಿ ಪುಡಿ ಹಾಕಿ, ಸ್ವಲ್ಪ ನೀರು ಹಾಕಿ ಮಿಕ್ಸ್ ಮಾಡಿ
• ಮೊಟ್ಟೆಯನ್ನು ಅರ್ಧವಾಗಿ ಕತ್ತರಿಸಿ
• ಈಗ ಎಣ್ಣೆಯನ್ನು ಕಾಯಿಸಿ
• ಕಾದ ಎಣ್ಣೆಗೆ ಬೇಯಿಸಿದ ಮೊಟ್ಟೆಯನ್ನು ಕಡ್ಲೆ ಹಿಟ್ಟಿನ ಮಿಶ್ರಣದಲ್ಲಿ ಹಾಕಿ ಚೆನ್ನಾಗಿ ಕೋಟ್‌ ಮಾಡಿ ನಂತರ ಎಣ್ಣೆಯಲ್ಲಿ ಹಾಕಿ ಫ್ರೈ ಮಾಡಿದರೆ ಮೊಟ್ಟೆ ಬೋಂಡಾ ರೆಡಿ. ಈಗ ಮೊಟ್ಟೆ ಬೋಂಡಾವನ್ನು ನೀವು ಕೊತ್ತಂಬರಿ ಚಟ್ನಿ ಅಥವಾ ಟೊಮೆಟೊ ಸಾಸ್ ಜೊತೆ ಟ್ರೈ ಮಾಡಿ ನೋಡಿ ರುಚಿ ಸೂಪರ್ ಆಗಿರುತ್ತದೆ.

ಸಲಹೆ:
ನೀವು ಮೊಟ್ಟೆಯನ್ನು ಎರಡು ಅಥವಾ ನಾಲ್ಕು ಭಾಗ ಮಾಡಿ ಬಳಸಬಹುದು
ಇಡಿ ಮೊಟ್ಟೆ ಹಾಕಿ ಮಾಡುವುದಾದರೆ ಮೊಟ್ಟೆಯನ್ನು ಚಾಕುವಿನಿಂದ ಗೀರಿ ನಂತರ ಮಾಡಿ ರುಚಿ ಚೆನ್ನಾಗಿರುತ್ತದೆ.
ಇದನ್ನು ಕೊತ್ತಂಬರಿ ಚಟ್ನಿ ಜೊತೆ ನೆಚ್ಚಿಕೊಂಡು ತಿನ್ನಿ, ಮಕ್ಕಳಿಗೆ ಸಾಸ್ ಹಾಕಿ ಕೊಡಬಹುದು