ಬಾಯಲ್ಲಿ ನೀರು ತರಿಸುವ ಉದ್ದಿನ ಬೋಂಡಾ ಚಟ್ನಿ! 10 ನಿಮಿಷದಲ್ಲಿ ಮಾಡಿ!

ಮನೆಯಲ್ಲಿ ಎಲ್ಲರು ಕುಳಿತು ಸವಿಯುವಂತೆ ಹಾಗೆ ಊಟದೊಂದಿಗೆ, ಸಂಜೆ ಸ್ನ್ಯಾಕ್ಸ್ ಆಗಿ ಸವಿಯುವಂತೆ ಯಾವುದಾದರು ಖಾದ್ಯ ಮಾಡುವ ನಿಮ್ಮ ಬಯಕೆ ಇದ್ದರೆ ಈ ಬೋಂಡಾ ಮಾಡಿ ಸವಿಯಬಹುದು. ಅದ್ರಲ್ಲೂ ಉದ್ದಿನ ಬೋಂಡಾ ಹೆಸರು ಕೇಳಿದ್ರೆ ಹಲವರ ಬಾಯಲ್ಲಿ ನೀರು ತರಿಸುತ್ತೆ. ಊಟದೊಂದಿಗೆ ಹಾಗೆ ಸಂಜೆ ಸ್ನ್ಯಾಕ್ಸ್ ಸವಿಯುವಾಗಲು ಇದು ನಿಮ್ಮ ಬಾಯಿ ರುಚಿ ಹೆಚ್ಚಿಸುವ ತಿಂಡಿ ಆಗಿರಲಿದೆ.

ನೀವು ಮನೆಯಲ್ಲಿ ವಿಶೇಷ ಖಾದ್ಯಗಳ ಮಾಡಿ ಸವಿಯುವಾಗಲು ಅದರೊಂದಿಗೆ ಸೈಡ್ ಡಿಷ್ ಆಗಿ ಈ ಬೋಂಡಾ ಮಾಡಿಕೊಳ್ಳಬಹುದು. ಹಬ್ಬದಿಂದ ಹಿಡಿದು, ಮಕ್ಕಳಿಗೆ ಈ ಬೋಂಡಾ ಮಾಡಿ ನೀಡಿದರೆ ಬಾಯಿ ಚಪ್ಪರಿಸಿ ಸವಿಯೋದು ನೋಡಬಹುದು. ತಿಂಡಿ ಊಟದೊಂದಿಗೆ ಸವಿಯಲು ಈ ಬೋಂಡಾ ಬಹಳ ರುಚಿ ನೀಡಲಿದೆ.

ಹಾಗಾದ್ರೆ ಮನೆಯಲ್ಲಿ ಮಾಡಿ ಸವಿಯಬಹುದಾದ ಈ ಉದ್ದಿನ ಬೋಂಡಾ ಮಾಡುವ ವಿಧಾನದ ಕುರಿತು ಇಲ್ಲಿ ತಿಳಿದುಕೊಳ್ಳೋಣ. ಹಾಗಾದ್ರೆ ಈ ಉದ್ದಿನ ಬೋಂಡಾ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು? ಮಾಡುವ ವಿಧಾನವೇನು? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ಇಲ್ಲಿ ತಿಳಿದುಕೊಳ್ಳೋಣ.

ಉದ್ದಿನ ಬೋಂಡಾ ಮಾಡಲು ಬೇಕಾಗುವ ವಸ್ತುಗಳು ಯಾವುದು?

• ಉದ್ದಿನ ಬೇಳೆ - 1 ಕಪ್
• ತೊಗರಿ ಬೇಳೆ - 1/4 ಕಪ್
• ಈರುಳ್ಳಿ - 1/2
• ಬೆಳ್ಳುಳ್ಳಿ
• ಶುಂಠಿ
• ಹಸಿ ಮೆಣಸಿನಕಾಯಿ
• ಕೊತ್ತಂಬರಿ ಸೊಪ್ಪು
• ಕರಿಬೇವು
• ಅಡುಗೆ ಸೋಡಾ
• ರುಚಿಗೆ ಉಪ್ಪು
• ಅಡುಗೆ ಎಣ್ಣೆ

ಉದ್ದಿನ ಬೋಂಡಾ ಮಾಡುವ ಸುಲಭದ ವಿಧಾನವೇನು?

ಮೊಲದು ಒಂದು ಕಪ್ ಉದ್ದಿನ ಬೇಳೆ ಹಾಗೂ ಕಾಲು ಕಪ್ ತೊಗರಿ ಬೇಳೆಯನ್ನು ಬೇರೆ ಬೇರೆ ಬೌಲ್‌ನಲ್ಲಿ ಹಾಕಿ ಚೆನ್ನಾಗಿ ತೊಳೆದುಕೊಂಡು ಬಳಿಕ ಮುಳುಗುವಷ್ಟು ನೀಡು ಹಾಕಿ ನೆನೆಸಿಡಬೇಕು. ಸುಮಾರು 1 ಗಂಟೆಯಾದರು ಇದನ್ನು ನೆನೆಯಲು ಬಿಡಿ. ಈಗ ಒಂದು ಮಿಕ್ಸಿ ಜಾರ್‌ನಲ್ಲಿ ಈ ಎರಡೂ ಪದಾರ್ಥಗಳನ್ನು ರುಬ್ಬಿಕೊಳ್ಳಬೇಕು. ರುಬ್ಬಿಕೊಳ್ಳುವಾಗಲೇ ಇದಕ್ಕೆ ಹಸಿ ಮೆಣಸು, ಶುಂಠಿ, ಬೆಳ್ಳುಳ್ಳಿ ಹಾಕಿಕೊಂಡು ರುಬ್ಬಬೇಕು.

ಇದು ಗಟ್ಟಿಯಾಗಿ ರುಬ್ಬಿರಬೇಕು. ಅಂದರೆ ಮೆಣಸಿನ ಬೋಂಡಾ ಮಾಡಲು ಬಳಸುವ ಹಿಟ್ಟಿನ ಹದದಂತೆ ಮಾಡಬೇಕು. ಈಗ ಈ ಬೌಲ್‌ಗೆ ಸ್ವಲ್ಪ ಉಪ್ಪು ಸಹ ಹಾಕಿಕೊಂಡು ಮಿಕ್ಸ್ ಮಾಡಿ ಇದಕ್ಕೆ ಕೊತ್ತಂಬರಿ, ಈರುಳ್ಳಿ, ಕರಿಬೇವು ಸಣ್ಣದಾಗಿ ಕತ್ತರಿಸಿ ಹಾಕಿಕೊಳ್ಳಿ. ಹಾಗೆ ಚಿಟಿಕೆ ಸೋಡಾ ಕೂಡ ಹಾಕಿಕೊಂಡು ಮಿಕ್ಸ್ ಮಾಡಿಕೊಳ್ಳಿ.

ಚೆನ್ನಾಗಿ ಮಿಕ್ಸ್ ಮಾಡುವಾಗ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಕಾಯಲು ಬಿಡಿ. ನಂತರ ಕೈಯನ್ನು ನೀರಿನಲ್ಲಿ ಅದ್ದಿಕೊಂಡು ನಿಂಬೆ ಗಾತ್ರಕ್ಕಿಂತ ಸ್ವಲ್ಪ ಚಿಕ್ಕದಾದ ಉಂಡೆಯನ್ನು ಎಣ್ಣೆಗೆ ಇಳಿಬಿಡಿ. ಇದು 10 ನಿಮಿಷ ಆದರೂ ಕರಿಯಬೇಕು. ಹೊರಗೆ ಮಾತ್ರವಲ್ಲ ಒಳಗೂ ಕೂಡ ಬೇಯಬೇಕಾದರೆ ಮಧ್ಯಮ ಉರಿಯಲ್ಲಿ ಬೇಯಿಸಿಕೊಳ್ಳಬೇಕು.

ಇಷ್ಟಾದರೆ ನಿಮ್ಮ ಮುಂದೆ ಈ ಉದ್ದಿನ ಬೋಂಡಾ ರೆಡಿಯಾಗುತ್ತದೆ. ಊಟದೊಂದಿಗೆ ತಿಂಡಿಯೊಂದಿಗೆ ಸ್ನ್ಯಾಕ್ಸ್ ಆಗಿ ಸವಿಯಲು ಇದು ಅದ್ಭುತ ರುಚಿ ನೀಡಲಿದೆ. ನೀವು ಕೂಡ ಇದನ್ನು ಮನೆಯಲ್ಲಿ ಟ್ರೈ ಮಾಡಿ ನೋಡಿ. ಎಲ್ಲರೂ ಇಷ್ಟಪಟ್ಟು ಸವಿಯುತ್ತಾರೆ. ಇದರೊಂದಿಗೆ ಶೇಂಗಾ ಅಥವಾ ಕಾಯಿ ಚಟ್ನಿಯ ಕಾಂಬಿನೇಷನ್ ರುಚಿ ಹೆಚ್ಚಿಸಲಿದೆ.

ನೀವು ಕೂಡ ಮನೆಯಲ್ಲಿ ಮಕ್ಕಳಿಗೆ ಇಷ್ಟವಾಗುವ ಈ ಬೋಂಡಾ ಮಾಡಿ ನೋಡಿ. ಹಬ್ಬದ ಸಮಯದಲ್ಲೂ ಇದನ್ನು ಮಾಡಬಹುದು. ಕಡಿಮೆ ಸಮಯದಲ್ಲಿ ಮಾಡಿ ಮುಗಿಸಬಹುದು.