ಕೇಸರಿ, ಬಿಳಿ, ಹಸಿರು..ಈ ರೀತಿ ತಿಂಡಿ ಮಾಡೋಕೆ 5 ನಿಮಿಷ ಸಾಕು!

ಸ್ವಾತಂತ್ರ್ಯೋವದಲ್ಲಿ ಇಡೀ ದೇಶ ಸಂಭ್ರಮದಿಂದ ಹಬ್ಬ ಆಚರಿಸಲಿದೆ. ಅದ್ರಲ್ಲೂ ಎಲ್ಲಾ ಸರ್ಕಾರಿ ಕಚೇರಿಗಳು, ಸಾರ್ವಜನಿಕ ಸ್ಥಳಗಳು ಸೇರಿ ಹಲವು ಕಡೆಗಳಲ್ಲಿ ನಾವು ತ್ರಿವರ್ಣ ಧ್ವಜ ಹಾರುವುದು ನೋಡಬಹುದು. ಹಾಗೆ ಮನೆಯಲ್ಲಿ ಮಕ್ಕಳಿದ್ದರೆ ಅವರಿಗಾಗಿ ಇಷ್ಟದ ತಿಂಡಿಗಳ ಮಾಡಿ ಸವಿಯಬಹುದು. ಸರ್ಕಾರಿ ರಜಾ ದಿನದ ಹಿನ್ನೆಲೆ ಮಕ್ಕಳು ಮನೆಯಲ್ಲಿದ್ದರೆ ಅವರಿಗಾಗಿ ರುಚಿ ರುಚಿಯಾಗಿ ಹಾಗೆ ಸಿಹಿಯಾದ ಖಾದ್ಯವನ್ನು ಮಾಡಿ ಸವಿದು ನೋಡಿ.

ಇನ್ನು ಹಬ್ಬದಲ್ಲಿ ತ್ರಿವರ್ಣ ಧ್ವಜದಂತಹ ಬಣ್ಣದಲ್ಲಿ ಮಾಡುವ ತಿಂಡಿಗಳು ಮಕ್ಕಳ ಗಮನ ಸೆಳೆಯುತ್ತವೆ. ಹಾಗೆ ಅದು ನೋಡಲು ಮಾತ್ರವಲ್ಲ ಸವಿಯಲು ಕೂಡ ಬಹಳ ರುಚಿಯಾಗಿರಲಿದೆ. ಆದ್ರೆ ಸ್ವಾತಂತ್ರದ ದಿನಕ್ಕೆ ಯಾವೆಲ್ಲಾ ರೀತಿಯ ತಿಂಡಿ ಮಾಡಿ ಸವಿಯಬಹುದು ಎಂಬುದು ಕೂಡ ನೀವು ತಿಳಿದಿದ್ದೀರಿ. ಆದ್ರೆ ನಾವಿಂದು ತ್ರಿವರ್ಣ ಧ್ವಜದಲ್ಲಿನ ಬಣ್ಣವನ್ನು ಹೋಲುವ ಬಾತ್ ಮಾಡಿ ಸವಿದು ನೋಡೋಣ.

Photo Credit: Cook with Kukky

ಈ ಬಾತ್ ಅನ್ನು ಕೇಸರಿ, ಬಿಳಿ, ಹಸಿರು ಬಣ್ಣಗಳೊಂದಿಗೆ ಮಾಡಲಾಗುತ್ತದೆ. ರುಚಿಯಲ್ಲಿ ಅದ್ಭುತವಾಗಿ ಹಾಗೆ ನೋಡಲು ಕೂಡ ವಿಶೇಷ ರೀತಿಯಲ್ಲಿರಲಿದೆ. ಹಾಗಾದ್ರೆ ಈ ರುಚಿ ರುಚಿ ಬಾತ್ ಮನೆಯಲ್ಲಿ ಮಾಡೋದು ಹೇಗೆ? ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡುವ ವಿಧಾನವೇನು ಎಂಬುದನ್ನು ಇಂದು ತಿಳಿದಿಕೊಳ್ಳೋಣ.

ತ್ರಿವರ್ಣ ಧ್ವಜ ಹೋಲುವ ರುಚಿಕರ ಬಾತ್ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು?

• ರವೆ
• ಸಕ್ಕರೆ
• ಕೇಸರಿ ಬಣ್ಣ
• ಹಸಿರು ಬಣ್ಣ
• ತುಪ್ಪ
• ಏಲಕ್ಕಿ ಪುಡಿ

ತ್ರಿವರ್ಣ ಧ್ವಜ ಹೋಲುವ ರುಚಿಕರ ಬಾತ್ ಮಾಡುವುದು ಹೇಗೆ?

ಮೊದಲು ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಅದಕ್ಕೆ 2 ಸ್ಪೂನ್ ತುಪ್ಪ ಹಾಕಿ ಬಳಿಕ 1 ಕಪ್ ರವೆಯನ್ನು ಹಾಕಿಕೊಂಡು ಚೆನ್ನಾಗಿ ಹುರಿದುಕೊಳ್ಳಬೇಕು. ಗೋಲ್ಡನ್ ಬ್ರೌನ್ ಕಲರ್‌ ತಿರುಗುವವರೆಗೂ ಹುರಿದುಕೊಳ್ಳಿ. ನಂತರ ತೆಗೆದು ಒಂದು ಬೌಲ್‌ಗೆ ಹಾಕಿಟ್ಟುಕೊಳ್ಳಿ. ಈಗ ಒಲೆ ಮೇಲೆ ಒಂದು ಪಾತ್ರೆ ಇಟ್ಟು ಅದಕ್ಕೆ 3 ಕಪ್ ನೀರು ಹಾಕಿ ಕುದಿಯಲು ಬಿಡಿ.

ನೀರು ಕುದಿಬರುವಾಗ ಮೊದಲು ಹುರಿದಿಟ್ಟುಕೊಂಡಿದ್ದ ರವೆಯನ್ನು ಇದಕ್ಕೆ ಹಾಕಿಕೊಳ್ಳಿ. ನಂತರ ನಿಧಾನವಾಗಿ ಮಿಕ್ಸ್ ಮಾಡುತ್ತಾ 1 ನಿಮಿಷ ಬಿಡಿ. 1 ನಿಮಿಷದ ಬಳಿಕ ಅರ್ಧ ಕಪ್ ಸಕ್ಕರೆ ಹಾಕಿಕೊಂಡು ಮಿಕ್ಸ್ ಮಾಡಿಕೊಳ್ಳಿ. ಹಾಗೆ ಏಲಕ್ಕಿ ಪುಡಿ ಹಾಗೆ ಕೇಸರಿ ಪುಡಿ ಹಾಕಿಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ.

ಈಗ ಒಂದು ಊಟದ ಬಾಕ್ಸ್‌ನಂತರ ವೃತ್ತಾಕಾರದ ಬಾಕ್ಸ್ ತೆಗೆದುಕೊಂಡು ತಳಕ್ಕೆ ತುಪ್ಪ ಅಥವಾ ಎಣ್ಣೆ ಸವರಿಕೊಂಡು ಬಳಿಕ ಈ ಕೇಸರಿ ಬಾತ್ ಅನ್ನು ಈ ಪಾತ್ರೆಗೆ ಸುರಿದು ಮೇಲೆ ಮೆತ್ತಗೆ ಒತ್ತಿಕೊಳ್ಳಿ.

ಈಗ ಉಳಿದ ಬಿಳಿ ಹಾಗೂ ಹಸಿರು ಬಣ್ಣದ ಬಾತ್‌ಗೂ ಕೂಡ ಇದೇ ರೀತಿಯಾಗಿ ಕ್ರಮದಲ್ಲಿ ಮಾಡಿ. ಬಿಳಿ ಬಣ್ಣಕ್ಕೆ ಕೇವಲ ರವೆ ಹಾಕಿ ಬಳಿಕ ಕೇಸರಿ ರವೆಯ ಬಳಿಕ ಬಿಳಿ ರವೆಯ ಬಾತ್ ಹಾಕಿ ಮೇಲಿನಿಂದ ಒತ್ತಿಡಿ. ಹಾಗೆ ಹಸಿ ಬಣ್ಣ ಹಾಕಿ ರವೆ ಸಕ್ಕರೆ ಹಾಕಿ ನಂತರ ಅದನ್ನು ಕೂಡ ಬಾಕ್ಸ್‌ಗೆ ಹಾಕಿ ಮೇಲೆ ತುಪ್ಪ ಸವರಿ ಹಾಕಿಡಿ.

ಈಗ ಒಂದು ತಟ್ಟೆಗೆ ಮತ್ತೆ ತುಪ್ಪ ಸವರಿ ಈ ಮೂರು ಬಾತ್‌ಗಳು ಸ್ವಲ್ಪ ಗಟ್ಟಿಯಾಗಾದಾಗ ಬಾಕ್ಸ್ ಅನ್ನು ಉಲ್ಟಾ ಮಾಡಿ ಬಾಕ್ಸ್ ತೆಗೆಯಿರಿ. ಈಗ ಬರಿ ಬಾತ್ ಮಾತ್ರ ಉಳಿಯುವಂತೆ ಮಾಡಿ ನಂತರ ಇದನ್ನು ಕತ್ತರಿಸಿದರೆ ಕೇಸರಿ ಬಿಳಿ ಹಸಿರು ಬಣ್ಣದ ತಿಂಡಿ ರೆಡಿಯಾಗಿರುತ್ತದೆ.