ಮಕ್ಕಳಿಗೆ ರಕ್ತಹೀನತೆ ಇದ್ಯಾ? ಈ ಸ್ಪೆಷಲ್ ಸೂಪ್ ಮಾಡಿ.. ಬ್ಲಡ್ ಹೆಚ್ಚಾಗುತ್ತೆ, ಚರ್ಮ ಹೊಳೆಯುತ್ತೆ!

ಮಕ್ಕಳಿಗಾಗಿ ಹೆಲ್ದಿ ಟೊಮೆಟೊ ಸೂಪ್. ಈ ಒಂದು ವಸ್ತು ಸೇರಿಸಿದರೆ, ರಕ್ತ ಹೆಚ್ಚಾಗುತ್ತೆ. ನಿಮ್ಮ ಚರ್ಮ ಹೊಳೆಯುತ್ತೆ. ಹೌದು, ಟೊಮೆಟೊ ಸೂಪ್ (Tomato Soup) ಪಾರ್ಟಿಗಳಿಗೆ ಮತ್ತು ದಿನನಿತ್ಯದ ಬಳಕೆಗೆ ಹೇಳಿಮಾಡಿಸಿದಂತಿದೆ. ಇದು ಶಕ್ತಿಯನ್ನು ನೀಡುತ್ತದೆ, ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ ಮತ್ತು ಚರ್ಮಕ್ಕೆ ಒಳ್ಳೆಯದು. ಬೀಟ್ರೂಟ್ ಸೇರಿಸುವುದರಿಂದ ರಕ್ತ ಹೆಚ್ಚಾಗುತ್ತದೆ. ಇದನ್ನು ಮನೆಯಲ್ಲಿಯೇ ಸುಲಭವಾಗಿ ತಯಾರಿಸಬಹುದು. ನಾವು ಈ ಲೇಖನದಲ್ಲಿ ನಿಮಗೆ ರುಚಿಕರ ಮತ್ತು ಪೌಷ್ಟಿಕಾಂಶವುಳ್ಳ ಟೊಮೆಟೊ ಸೂಪ್ ತಯಾರಿಸುವ ಸುಲಭ ವಿಧಾನ (Tomato Soup Recipe) ಮತ್ತು ತಯಾರಿಸಲು ಬೇಕಾಗುವ ಸಾಮಗ್ರಿಗಳ ಬಗ್ಗೆ ತಿಳಿಸಲಿದ್ದೇವೆ.

ನೀವು ಪಾರ್ಟಿ ಅಥವಾ ವಿಶೇಷ ಸಮಾರಂಭದಲ್ಲಿ ಊಟ ಅಥವಾ ಭೋಜನಕ್ಕೆ ಮೊದಲು ಬಿಸಿಯಾದ ಏನನ್ನಾದರೂ ನೀಡಲು ಬಯಸಿದರೆ, ಟೊಮೆಟೊ ಸೂಪ್ ಮೊದಲ ಆಯ್ಕೆಯಾಗಿರುತ್ತದೆ. ಅನೇಕ ಜನರು ಇದನ್ನು ಪ್ರತಿದಿನ ಮನೆಯಲ್ಲಿ ಕುಡಿಯಲು ಇಷ್ಟಪಡುತ್ತಾರೆ. ಏಕೆಂದರೆ, ಇದು ಹಸಿವನ್ನು ಹೆಚ್ಚಿಸುವುದರ ಜೊತೆಗೆ ಆರೋಗ್ಯಕ್ಕೂ ಪ್ರಯೋಜನಕಾರಿ. ನೀವು ಸೂಪ್ ಅನ್ನು ಇನ್ನಷ್ಟು ಆರೋಗ್ಯಕರವಾಗಿಸಲು ಬಯಸಿದರೆ, ಬೀಟ್ರೂಟ್ ತುಂಡುಗಳನ್ನು ಬಳಸಬಹುದು. ಇದು ಅದರ ಬಣ್ಣವನ್ನು ಇನ್ನಷ್ಟು ಆಕರ್ಷಕವಾಗಿಸುತ್ತದೆ. ಅಲ್ಲದೆ, ದೇಹದಲ್ಲಿ ರಕ್ತದ ಕೊರತೆಯನ್ನು ಸಹ ನಿವಾರಿಸುತ್ತದೆ. ನಿಮ್ಮ ಮನೆಯಲ್ಲಿ ತಯಾರಿಸಿದ ಟೊಮೆಟೊ ಸೂಪ್ ಸಹ ಹೋಟೆಲ್‌ನಂತೆ ಟೇಸ್ಟಿಯಾಗಿರಬೇಕೆಂದು ಬಯಸಿದರೆ, ಈ ಕೆಲವು ಸರಳ ವಿಧಾನಗಳನ್ನು ಫಾಲೋ ಮಾಡಿ.

ಟೊಮೆಟೊ ಸೂಪ್ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

• ಟೊಮೆಟೊ
• ಬೀಟ್ರೂಟ್
• ಮೈದಾ ಅಥವಾ ಕಾರ್ನ್ ಫ್ಲೋರ್
• ಕಾಳು ಮೆಣಸು
• ಬೆಳ್ಳುಳ್ಳಿ (ಕತ್ತರಿಸಿದ ಎಸಳು)
• ಬೇ ಎಲೆಗಳು (ತೇಜ್‌ ಪತ್ತಾ)
• ಸಕ್ಕರೆ
• ರುಚಿಗೆ ತಕ್ಕಷ್ಟು ಉಪ್ಪು

ಟೊಮೆಟೊ ಸೂಪ್ ತಯಾರಿಸುವ ವಿಧಾನ

ಮೊದಲಿಗೆ, ಟೊಮೆಟೊವನ್ನು ಚೆನ್ನಾಗಿ ತೊಳೆಯಿರಿ. ಬಳಿಕ ತುಂಡುಗಳಾಗಿ ಕತ್ತರಿಸಿ. ನಂತರ ಬೀಟ್ರೂಟ್ ಅನ್ನು ತೊಳೆದು ಸಣ್ಣ ತುಂಡುಗಳಾಗಿ ಕತ್ತರಿಸಿ. ಈಗ ಒಂದು ಪ್ರೆಶರ್ ಕುಕ್ಕರ್ ತೆಗೆದುಕೊಂಡು ಅದರಲ್ಲಿ ಕತ್ತರಿಸಿದ ಟೊಮೆಟೊ, ಬೀಟ್ರೂಟ್, ಬೆಳ್ಳುಳ್ಳಿ, ಕಾಳು ಮೆಣಸು ಮತ್ತು ತೇಜ್‌ಪತ್ತಾ ಹಾಕಿ. ಬಳಿಕ ಅದಕ್ಕೆ ಸುಮಾರು 1 ರಿಂದ 1.5 ಕಪ್ ನೀರು ಬೆರೆಸಿ. ಕುಕ್ಕರ್ ಮುಚ್ಚಳವನ್ನು ಮುಚ್ಚಿ 8 ರಿಂದ 10 ನಿಮಿಷಗಳ ಕಾಲ ಬೇಯಿಸಿ. ಇದರಿಂದ ಎಲ್ಲಾ ಪದಾರ್ಥಗಳು ಚೆನ್ನಾಗಿ ಮೃದುವಾಗುತ್ತವೆ.

ತಣ್ಣಗಾದ ನಂತರ, ಕುಕ್ಕರ್ ತೆರೆಯಿರಿ. ಬೇ ಎಲೆಗಳನ್ನು ತೆಗೆದುಹಾಕಿ. ಈಗ ಉಳಿದ ಪದಾರ್ಥಗಳನ್ನು ಮಿಕ್ಸರ್ ಅಥವಾ ಹ್ಯಾಂಡ್ ಬ್ಲೆಂಡರ್ ಸಹಾಯದಿಂದ ಚೆನ್ನಾಗಿ ರುಬ್ಬಿಕೊಳ್ಳಿ. ನುಣ್ಣಗಿನ ಪ್ಯೂರಿ ಸಿದ್ಧಪಡಿಸಿಕೊಳ್ಳಿ. ಈಗ ಒಂದು ಜರಡಿ ತೆಗೆದುಕೊಂಡು ಅದರ ಮೇಲೆ ಈ ಪ್ಯೂರಿಯನ್ನು ಹಾಕಿ ಸೋಸಿ. ಹೆಚ್ಚು ನುಣ್ಣಗಿನ ಜರಡಿಯನ್ನು ಬಳಸಬೇಡಿ. ತಿರುಳು ಸೂಪ್‌ನಲ್ಲಿ ಉಳಿಯುತ್ತದೆ. ಇದು ಸೂಪ್ ಅನ್ನು ದಪ್ಪ ಮತ್ತು ರುಚಿಕರವಾಗಿಸುತ್ತದೆ.

ಈಗ ಒಂದು ಸಣ್ಣ ಬಾಣಲೆಯಲ್ಲಿ ಬೆಣ್ಣೆ ಬಿಸಿ ಮಾಡಿ. ಅದರಲ್ಲಿ ಕಾರ್ನ್ ಫ್ಲೋರ್ ಹಾಕಿ ಸ್ವಲ್ಪ ಹುರಿಯಿರಿ. ಬಳಿಕ ಅದನ್ನು ಟೊಮೆಟೊ ಪ್ಯೂರಿಗೆ ನಿಧಾನವಾಗಿ ಹಾಕಿ. ಗಂಟುಗಳು ಬರದಂತೆ ನಿರಂತರವಾಗಿ ಬೆರೆಸಿ. ಈಗ ರುಚಿಗೆ ತಕ್ಕಷ್ಟು ಉಪ್ಪು, ಸಕ್ಕರೆ ಮತ್ತು ಸ್ವಲ್ಪ ನೀರು ಹಾಕಿ. ಮಿಶ್ರಣವನ್ನು ಚೆನ್ನಾಗಿ ಬೆರೆಸಿ, 5 ನಿಮಿಷಗಳ ಕಾಲ ಕುದಿಸಿ. ಸೂಪ್ ಚೆನ್ನಾಗಿ ಕುದಿಯಲು ಪ್ರಾರಂಭಿಸಿದಾಗ, ಗ್ಯಾಸ್ ಆಫ್ ಮಾಡಿ. ಇಷ್ಟು ಮಾಡಿದರೆ, ಬಿಸಿ ಬಿಸಿಯಾದ ಟೊಮೆಟೊ ಸೂಪ್ ಸವಿಯಲು ಸಿದ್ಧ. ನಿಮಗೆ ಬೇಕಾದರೆ ಅದರ ಮೇಲೆ ಕಾಳು ಮೆಣಸಿನ ಪುಡಿ ಅಥವಾ ಬೆಣ್ಣೆ ಹಾಕಬಹುದು. ಚಳಿಗಾಲದಲ್ಲಿ ಈ ಸೂಪ್ ದೇಹವನ್ನು ಬೆಚ್ಚಗಿಡುತ್ತದೆ. ರುಚಿಯಲ್ಲಿ ಯಾವುದೇ ಕೊರತೆ ಇರುವುದಿಲ್ಲ.

ಹೀಗೆ, ಟೊಮೆಟೊ ಹಣ್ಣುಗಳನ್ನು ಬಳಸಿ ಮನೆಯಲ್ಲಿಯೇ ರುಚಿಕರವಾದ ಸೂಪ್ ತಯಾರಿಸಿ ಸವಿಯಬಹುದು. ಇದು ಆರೋಗ್ಯಕ್ಕೂ ಉತ್ತಮ. ಈ ಟೊಮೆಟೊ ಸೂಪ್ ದೇಹಕ್ಕೆ ಶಕ್ತಿಯನ್ನು ನೀಡುತ್ತದೆ. ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ ಮತ್ತು ಚರ್ಮಕ್ಕೂ ಸಹ ಒಳ್ಳೆಯದು ಎಂದು ಹೇಳಲಾಗುತ್ತದೆ.