ತುಂಬಾ ಸಿಂಪಲ್ ಆಗಿ ಮಾಡಿದರೂ ಸಕತ್‌ ರುಚಿಯಾಗಿರುತ್ತೆ ಈ ಟೊಮೆಟೊ ಬಾತ್‌

ಟೊಟೊಟೊ ರೈಸ್‌ ಅಥವಾ ಟೊಮೆಟೊ ಅನ್ನ ಹಲವು ರುಚಿಯಲ್ಲಿಮಾಡಬಹುದು, ಇದು ಸರಳವಾದ ಹಾಗೂ ರುಚಿಯಾದ ಬ್ರೇಕ್‌ಪಾಸ್ಟ್‌ ಆಗಿದೆ, ಟೊಮೆಟೊ ಜೊತೆಗೆ ಬಟಾಣಿ, ಹೊಲದವರೆ ಎಲ್ಲಾ ಹಾಕಿ ತಯಾರಿಸಬಹುದು, ಆದರೆ ಈ ಟೊಮೆಟೊ ರೈಸ್‌ನಲ್ಲಿ ಟೊಮೆಟೊವೇ ಪ್ರಮುಖ ಸಾಮಗ್ರಿ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
4-5 ಟೊಮೆಟೊ
1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್‌
ಈರುಳ್ಳಿ 1
ಚಕ್ಕೆ ಒಂದು ತುಂಡು
3-4 ಲವಂಗ
2 ಏಲಕ್ಕಿ
ಸ್ವಲ್ಪ ಸಾಸಿವೆ
ಚಿಟಿಕೆಯಷ್ಟು ಮೆಂತೆ
1 ಚಮಚ ಕೊತ್ತಂಬರಿ ಪುಡಿ
1/2 ಚಮಚ ಖಾರದ ಪುಡಿ
1/4 ಚಮಚ ಅರಿಶಿಣ ಪುಡಿ
1/4 ಚಮಚ ಕಾಳು ಮೆಣಸಿನ ಪುಡಿ
ಅರ್ಧ ಕಟ್ಟು ಪುದೀನಾ
ಅರ್ಧ ಕಟ್ಟು ಕೊತ್ತಂಬರಿ ಸೊಪ್ಪು
ತುಪ್ಪ 2 ಚಮಚ
ಒಂದೂವರೆ ಕಪ್ ಅಕ್ಕಿ
3 ಕಪ್‌ ನೀರು

ಮಾಡುವುದು ಹೇಗೆ?

• ಪುದೀನಾ, ಕೊತ್ತಂಬರಿ ಮಿಕ್ಸಿ ಜಾರ್‌ಗೆ ಹಾಕಿ ರುಬ್ಬಿದಂತೆ ಮಾಡಿಡಿ.
• ಈಗ ಕುಕ್ಕರ್‌ ಬಿಸಿ ಮಾಡಿ ತುಪ್ಪ ಹಾಕಿ, ತುಪ್ಪ ಬಿಸಿಯಾದಾಗ ಸಾಸಿವೆ ಜೀರಿಗೆ ಮೆಂತೆ ಹಾಕಿ. ಚಕ್ಕೆ-ಲವಂಗ, ಏಲಕ್ಕಿ ಸೇರಿಸಿ
• ಸಾಸಿವೆ-ಜೀರಿಗೆ ಚಟ್‌ಪಟ್‌ ಶಬ್ದ ಮಾಡುವಾಗ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್‌ ಹಾಕಿ
• ಈರುಳ್ಳಿ ಹಾಕಿ, ಈರುಳ್ಳ ಮೆತ್ತಗಾಗುವವರೆಗೆ ಫ್ರೈ ಮಾಡಿ
• ಪುದೀನಾ-ಕೊತ್ತಂಬರಿ ಜಜ್ಜಿದ ಪೇಸ್ಟ್‌ ಸೇರಿಸಿ.
• ನಂತರ ಟೊಮೆಟೊ ಹಾಕಿ, ಟೊಮೆಟೊ ಮೆತ್ತಗಾಗುವಾಗ ಕೊತ್ತಂಬರಿ ಪುಡಿ, ಅರಿಶಿಣ ಪುಡಿ, ಮೆಣಸಿನ ಪುಡಿ ಸೇರಿಸಿ ಮಿಕ್ಸ್ ಮಾಡಿ
• ನಂತರ ಅಕ್ಕಿ ತೊಳೆದು ಸೇರಿಸಿ, ಒಂದೂವರೆ ಚಮಚ ಉಪ್ಪು ಸೇರಿಸಿ.
• ನಂತರ 3 ಕಪ್‌ ನೀರು ಸೇರಿಸಿ 2 ವಿಶಲ್‌ ಬರುವವರೆಗೆ ಬೇಯಿಸಿ ಟೊಮೆಟೊ ರೈಸ್‌ ರೆಡಿ.

ಇತರ ಸಲಹೆ:
ನೀವು ಈ ಟೊಮಟೊ ರೈಸ್‌ ಅನ್ನು ಬೇರೆ ರೀತಿಯಲ್ಲಿಯೂ ಮಾಬಹುದು,
ಮೆಣಸಿನ ಪುಡಿ ಬದಲಿಗೆ ಹಸಿ ಮೆಣಸು ಸೇರಿಸಬಹುದು

• ಕೊತ್ತಂಬರಿ ಪುಡಿ ಬಳಸದೆಯೂ ಇರಬಹುದು
• ಟಮೆಟೊವನ್ನು ಸ್ವಲ್ಪ ಗೋಡಂಬಿ ಹಾಕಿ ರುಬ್ಬಿ ಸೇರಿಸಬಹುದು
• ಮಸಾಲೆಗೆ ಒಂದು ಚಮಚ ಬಿರಯನಿ ಮಸಾಲ ಸೇರಿಸಬಹುದು. ನೀವು ಈ ರೀತಿ ಮಾಡುವ ಸಣ್ಣ ಪುಟ್ಟ ಬದಲಾವಣೆಗಳು ಅಡುಗೆಗೆ ತುಂಬಾನೇ ಭಿನ್ನ ಫ್ಲೇವರ್‌ ನೀಡುತ್ತದೆ.

ಯಾವ ಟೊಮೆಟೊ ಬಳಸಬೇಕು? ಇದನ್ನು ಮಾಡಲು ಹುಳಿ ಟೊಮೆಟೊ ಬದಲಿಗೆ ಜಾಮೂನು ಟೊಮೆಟೊ ಸೇರಿಸುವುದು ಒಳ್ಳೆಯದು.