ಉದ್ದಿನ ಬೇಳೆ ನೆನೆಸದೆ ವಡೆ ಮಾಡಬಹುದು..! ಇಲ್ಲಿದೆ ಸ್ಪೆಷಲ್ ರೆಸಿಪಿ

ಬ್ರೇಕ್‌ಫಾಸ್ಟ್‌ಗೆ ನೀವು ಉದ್ದಿನ ಬೇಳೆಯ ವಡೆ ಮಾಡಿರುತ್ತೀರಿ. ಹಲವರಿಗೆ ಇದು ಫೇವರಿಟ್ ತಿಂಡಿಯೂ ಕೂಡ ಹೌದು. ಏಕೆಂದರೆ ಹೋಟೆಲ್‌ನಲ್ಲಿ ನೀವು ತೂತು ವಡೆಯನ್ನು ಬಾಯಿ ಚಪ್ಪರಿಸಿ ಅದಕ್ಕೆ ಸಾಂಬಾರ್ ಹಾಕಿಸಿಕೊಂಡು ಸವಿದಿರುತ್ತೇವೆ. ವಡೆ ಅಂದರೆ ಅಲ್ಲ ವರ್ಗದವರು ಇಷ್ಟಪಡುವ ಒಂದು ಖಾದ್ಯ. ಹೀಗಾಗಿ ಮನೆಯಲ್ಲೂ ಕೂಡ ನಾವು ಬೆಳಗ್ಗೆ ತಿಂಡಿಗೆ ಊಟದ ಜೊತೆಗೆ ಸವಿಯಲು ವಡೆ ಮಾಡುವುದು ಸಾಮಾನ್ಯ.

ಆದ್ರೆ ವಡೆ ಮಾಡಲು ಬಹಳ ತಯಾರಿ ಮಾಡಬೇಕಾಗುತ್ತದೆ. ವಡೆ ಮಾಡಬೇಕಾದ್ರೆ ಹಿಂದಿನ ದಿನವೇ ಉದ್ದಿನ ಬೇಳೆ ನೆನೆಸಿಟ್ಟು ಅದನ್ನು ಚೆನ್ನಾಗಿ ರುಬ್ಬಿ ಹಿಟ್ಟು ಹದ ಆಗಲು ಒಂದು ರಾತ್ರಿ ಬಿಡಬೇಕಾಗುತ್ತದೆ. ಕೆಲವೊಂದು ವಿಧಾನದಲ್ಲಿ ಉದ್ದಿನ ಬೇಳೆ ನೆನೆಸುವುದೇ ಬೇಡ. ಹೌದು ವಡೆ ಮಾಡುವ ದಿನವೇ ಬೇಳೆಯನ್ನು ಹದ ಮಾಡಿಕೊಂಡು ವಡೆ ಮಾಡಬಹುದು.

ಆದ್ರೆ ನಾವಿಂದು ಉದ್ದಿನ ವೇಳೆ ನೆನೆಸದೆ 10 ನಿಮಿಷದಲ್ಲಿ ಹಿಟ್ಟು ಮಾಡಿಕೊಂಡು ಈ ವಡೆ ಮಾಡುವ ಹೊಸ ವಿಧಾನದ ರೆಸಿಪಿ ಮಾಡುವುದು ಹೇಗೆ ಎಂಬುದನ್ನು ನಾವಿಂದು ಹೇಳಲಿದ್ದೇವೆ. ಹಾಗಾದ್ರೆ ಈ ವಡೆ ಮಾಡುವುದಾದರು ಹೇಗೆ? 10 ನಿಮಿಷದಲ್ಲಿ ಹೇಗೆ ವಡೆ ಮಾಡಬಹುದು ಎಂಬುದನ್ನು ಇಲ್ಲಿ ನೋಡಿ. ಈ ರೀತಿ ವಡೆ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡುವ ವಿಧಾನವೇನು? ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಉದ್ದು ನೆನೆಸದೆ ವಡೆ ಮಾಡಲು ಯಾವೆಲ್ಲಾ ವಸ್ತು ಬೇಕು?

ಉದ್ದಿನ ಬೇಳೆ
ಈರುಳ್ಳಿ
ಹಸಿರು ಮೆಣಸಿನಕಾಯಿ
ಅಡುಗೆ ಸೋಡಾ
ಕರಿಬೇವಿನ ಎಲೆಗಳು
ಕೊತ್ತಂಬರಿ ಸೊಪ್ಪು
ಉಪ್ಪು ಎಣ್ಣೆ

ಉದ್ದಿನ ಬೇಳೆ ನೆನೆಸದೆ ವಡೆ ಮಾಡುವ ವಿಧಾನವೇನು?

ಮೊದಲು ಒಂದು ಬೌಲ್‌ನಲ್ಲಿ ಒಂದು ಕಪ್ ಉದ್ದಿನ ಬೇಳೆ ಹಾಕಿಕೊಂಡು ಅದನ್ನು ಚೆನ್ನಾಗಿ ತೊಳೆದುಕೊಳ್ಳಬೇಕು. 4ರಿಂದ 5 ಬಾರಿ ಆದರು ಉದ್ದಿನ ಬೇಳೆ ತೊಳೆದುಕೊಂಡು ಇಟ್ಟುಕೊಳ್ಳಿ. ಈಗ ಒಲೆ ಮೇಲೆ ಒಂದು ಪಾತ್ರೆ ಇಟ್ಟು ಅದು ಬಿಸಿಯಾದಾಗ ತೊಳೆದುಕೊಂಡಿರುವ ಉದ್ದಿನ ಬೇಳೆ ಹಾಕಿ ಹುರಿದುಕೊಳ್ಳಬೇಕು. ಅದು ಗರಿ ಗರಿಯಾಗುವಂತೆ ಹುರಿದುಕೊಳ್ಳಿ. 4 ನಿಮಿಷ ಹುರಿದುಕೊಂಡರೆ ಸಾಕಾಗುತ್ತದೆ.

ನಂತರ ಉದ್ದಿನ ಬೇಳೆ ತಣ್ಣಗಾಗಲು ಬಿಡಬೇಕು. ನಂತರ ಒಂದು ಮಿಕ್ಸಿ ಜಾರ್ ತೆಗೆದುಕೊಂಡು ಅದಕ್ಕೆ ಹಾಕಿ ಪುಡಿ ಮಾಡಿಕೊಳ್ಳಬೇಕು. ನುಣ್ಣಗೆ ಪುಡಿ ಮಾಡಿಕೊಂಡ ಬಳಿಕ ಅದಕ್ಕೆ ಒಂದು ಕಪ್ ಮೊಸರು, ಸ್ವಲ್ಪ ನೀರು ಹಾಕಿಕೊಂಡು ಮತ್ತೆ ರುಬ್ಬಿಕೊಳ್ಳಬೇಕು. ನುಣ್ಣಗೆ ಹಿಟ್ಟು ಬರುವಂತೆ ರುಬ್ಬಿಕೊಳ್ಳಬೇಕು. ಈಗ ಹಿಟ್ಟನ್ನು ದೊಡ್ಡ ಪಾತ್ರೆಗೆ ಹಾಕಿಕೊಳ್ಳಿ.

ನಂತರ ಈ ಹಿಟ್ಟಿಗೆ ಚಿಕ್ಕದಾಗಿ ಹೆಚ್ಚಿರುವ ಹಸಿ ಮೆಣಸು, ಶುಂಠಿ, ಈರುಳ್ಳಿ, ಕೊತ್ತಂಬರಿ, ಕರಿಬೇವಿನ ಸೊಪ್ಪು ಹಾಕಿಕೊಂಡು ಮಿಕ್ಸ್ ಮಾಡಿಕೊಳ್ಳಿ. 5 ನಿಮಿಷಗಳ ಕಾಲ ಚೆನ್ನಾಗಿ ಕೈಯಿಂದ ಮಿಕ್ಸ್ ಮಾಡಿಕೊಳ್ಳಿ. ನಂತರ ಚಿಟಿಕೆ ಸೋಡಾ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ಹಿಟ್ಟು ಗಟ್ಟಿಯಾಗಿರಬೇಕು ನೀರು ಆಗಿರಬಾರದು.

ಒಲೆ ಮೇಲೆ ಪಾತ್ರೆ ಇಟ್ಟು ಅದಕ್ಕೆ ಎಣ್ಣೆ ಹಾಕಿ ಎಣ್ಣೆ ಬಿಸಿಯಾಗಲು ಬಿಡಿ. ಈಗ ಹಿಟ್ಟನ್ನು ಕೈಯಲ್ಲಿ ತೆಗೆದುಕೊಳ್ಳುವ ಮುನ್ನ ಕೈಯನ್ನು ನೀರಿಗೆ ಅದ್ದಿಕೊಂಡು ಹಿಟ್ಟು ತೆಗೆದುಕೊಂಡು ನಿಮ್ಮ ಹೆಬ್ಬೆರಳ ಮೂಲಕ ತೂತು ಮಾಡಿ ಎಣ್ಣೆಗೆ ಬಿಡಿ. ಎರಡೂ ಕಡೆ ವಡೆ ಬೇಯುವಂತೆ ನೋಡಿಕೊಳ್ಳಿ. ಇಷ್ಟಾದರೆ ನಿಮ್ಮ ಮುಂದೆ ವಡೆ ರೆಡಿಯಾಗುತ್ತದೆ. ಮಾಡುವುದು ತುಂಬಾನೆ ಸುಲಭ, ಹಾಗೆ ಉದ್ದು ನೆನೆಸಿಟ್ಟು ಮಾಡುವ ಸಮಸ್ಯೆ ಇರುವುದಿಲ್ಲ.