ಚಪಾತಿ, ದೋಸೆ, ಊಟಕ್ಕೆ ಬೇರೆ ಬೇರೆ ಅಲ್ಲ ಒಂದೇ ಗ್ರೇವಿ ಸಾಕು..! ಮಾಡೋದು ಬಹಳ ಸುಲಭ

ಮನೆಯಲ್ಲಿ ಊಟ, ತಿಂಡಿಯೊಂದಿಗೆ ಸವಿಯಲು ಹಲವು ಬಗೆಯ ಖಾದ್ಯ ಬಳಸೋದು ನೋಡಬಹುದು. ಹಾಗೆ ಬೆಳಗ್ಗೆ ತಿಂಡಿಯಿಂದ ಹಿಡಿದು ರಾತ್ರಿ ಊಟ ಮುಗಿಯುವವರೆಗೂ ರುಚಿ ರುಚಿಯ ಖಾದ್ಯಗಳ ಸವಿಯೋದು ನೋಡಬಹುದು. ಹಾಗೆ ಚಪಾತಿ, ರೊಟ್ಟಿ, ದೋಸೆ, ಇಡ್ಲಿ, ಊಟ ಎಲ್ಲದಕ್ಕೂ ರುಚಿ ರುಚಿಯ ಒಂದೇ ಖಾದ್ಯ ಮಾಡಿ ಸವಿಯುವ ಕುರಿತು ನಾವಿಂದು ತಿಳಿಯೋಣ.

ಅದ್ರಲ್ಲೂ ಚಪಾತಿ, ದೋಸೆಯೊಂದಿಗೆ ಹಾಗೆ ಅನ್ನದ ಜೊತೆಗೆ ರುಚಿ ಹೆಚ್ಚಿಸುವ ಸೋಯಾ ಗ್ರೇವಿ ಮಾಡುವ ಕುರಿತು ನಾವಿಂದು ತಿಳಿಯೋಣ. ನೀವು ಕೂಡ ಸೋಯಾ ಚಂಕ್‌ನಿಂದ ಹಲವು ರೀತಿಯ ಖಾದ್ಯಗಳ ಮಾಡಿ ಸವಿದಿರುತ್ತೀರಿ. ಸೋಯಾ ಆರೋಗ್ಯಕ್ಕೂ ಬಹಳ ಉತ್ತಮ ಎಂಬುದನ್ನು ತಿಳಿದಿರಬಹುದು.

ಹಾಗಾದ್ರೆ ನಾವಿಂದು ಸೋಯಾ ಗ್ರೇವಿ ಮಾಡಿ ಸವಿಯುವ ಕುರಿತು ತಿಳಿದುಕೊಳ್ಳೋಣ. ಈ ಸೋಯಾ ಗ್ರೇವಿಯು ಬಹಳ ರುಚಿ ರುಚಿಯಾಗಿ ಮಾಡುವ ಸುಲಭದ ವಿಧಾನ ಇಲ್ಲಿದೆ. ಹಾಗಾದ್ರೆ ಈ ಸೋಯಾ ಚಂಕ್ ಗ್ರೇವಿ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡುವ ವಿಧಾನವೇನು? ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಸೋಯಾ ಗ್ರೇವಿ ಮಾಡಲು ಬೇಕಾಗುವ ವಸ್ತುಗಳು

• ಸೋಯಾ ಚಂಕ್
• ಮೊಸರು - 3/4 ಕಪ್
• ಅರಿಶಿನ ಪೌಡರ್ - 1/4 ಟೀಸ್ಪೂನ್
• ಜೀರಾ ಪೌಡರ್ - 1/4 ಟೀಸ್ಪೂನ್
• ಕೆಂಪು ಮೆಣಸಿನಕಾಯಿ ಪುಡಿ - 1 ಟೀಸ್ಪೂನ್
• ಕೊತ್ತಂಬರಿ ಪುಡಿ - 1 ಟೀಸ್ಪೂನ್
• ನೀರು
• ಈರುಳ್ಳಿ
• ಬೆಳ್ಳುಳ್ಳಿ
• ಶುಂಠಿ
• ಹಸಿಮೆಣಸಿನಕಾಯಿ - 2
• ಅಡುಗೆ ಎಣ್ಣೆ
• ರುಚಿಗೆ ತಕ್ಕಷ್ಟು ಉಪ್ಪು

ಸೋಯಾ ಗ್ರೇವಿ ಮಾಡುವ ವಿಧಾನವೇನು?

ಮೊದಲು ಕುದಿ ಬರುವ ನೀರಿನಲ್ಲಿ ಸೋಯಾ ಚಂಕ್ ಹಾಕಿ 10 ನಿಮಿಷ ಬಿಟ್ಟು ನೀರನ್ನು ಹಿಂಡಿಕೊಂಡು ಎತ್ತಿಟ್ಟುಕೊಳ್ಳಬೇಕು. ಹಾಗೆ ಒಂದು ಬೌಲ್‌ಗೆ ಮೊಸರು ಹಾಕಿಕೊಂಡು ಅದೇ ಮೊಸರಿಗೆ ಖಾರದ ಪುಡಿ, ಉಪ್ಪು, ಧನಿಯಾ ಪುಡಿ, ಜೀರಿಗೆ ಹಾಗೂ ಅರಶಿಣ ಪುಡಿ ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ಹಾಗೆ ಮೊಸರಿಗೆ ಸ್ವಲ್ಪ ನೀರು ಕೂಡ ಹಾಕಿ ಮಿಕ್ಸ್ ಮಾಡಿ.

ಈಗ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಎಣ್ಣೆ ಹಾಕಿಕೊಂಡು ಬಳಿಕ ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ, ಹಸಿ ಮೆಣಸು, ಹಾಕಿ 2 ನಿಮಿಷ ಫ್ರೈ ಮಾಡಿ. ನಂತರ ಇದೆಲ್ಲಾ ತೆಗೆದು ತಣ್ಣಗಾಗಲು ಬಿಟ್ಟು ನಂತರ ಮಿಕ್ಸಿಗೆ ಹಾಕಿ ಸ್ವಲ್ಪ ನೀರು ಹಾಕಿ ರುಬ್ಬಿಕೊಳ್ಳಿ. ಈಗ ಒಲೆ ಮೇಲೆ ಬಾಣಲೆ ಇಟ್ಟು ಎಣ್ಣೆ ಹಾಕಿ ಅದಕ್ಕೆ ರುಬ್ಬಿಕೊಂಡಿರುವ ಈ ಮಸಾಲೆಯನ್ನು ಹಾಕಿಕೊಳ್ಳಿ. 1 ನಿಮಿಷ ಫ್ರೈ ಮಾಡಿದ ಬಳಿಕ ಇದಕ್ಕೆ ಮೊಸರಿನ ಮಿಶ್ರಣ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ.

ನಂತರ ಈ ಮಿಶ್ರಣಕ್ಕೆ ಉಪ್ಪು ಹಾಕಿ ಕುದಿಬರಲು ಬಿಡಿ. ನಂತರ ಇದಕ್ಕೆ ನೆನೆಸಿಟ್ಟಿದ್ದ ಸೋಯಾ ಚಂಕ್ ಅನ್ನು ಹಾಕಿಕೊಂಡು ಮಿಕ್ಸ್ ಮಾಡಿಕೊಳ್ಳಿ. ಅನಂತರ ಸ್ವಲ್ಪ ನೀರು ಸಹ ಹಾಕಿ ಮಿಕ್ಸ್ ಮಾಡಿ. ಕುದಿಬಂದಷ್ಟು ಇದು ಗಟ್ಟಿಯಾಗುತ್ತದೆ. ಹೀಗಾಗಿ ನೀರು ಹೆಚ್ಚಾಗಿ ಬಳಸಿ. ಇದನ್ನು 3 ರಿಂದ 4 ನಿಮಿಷ ಕುದಿಬರಲು ಬಿಡಬೇಕು. ಆಗಾಗ ಮಿಕ್ಸ್ ಮಾಡುತ್ತಾ ಇರಿ.

ಕೊನೆಯಲ್ಲಿ ಗರಂ ಮಸಾಲೆ ಹಾಕಿಕೊಂಡು, ಕೊತ್ತಂಬರಿ ಸೊಪ್ಪು ಹಾಕಿ ಮಿಕ್ಸ್ ಮಾಡಿ ಒಲೆ ಆಫ್ ಮಾಡಿಕೊಂಡರೆ ನಿಮ್ಮ ಮುಂದೆ ರುಚಿ ರುಚಿಯ ಸೋಯಾ ಗ್ರೇವಿ ಸಿದ್ದವಾಗುತ್ತೆ.