ಆಲೂಗಡ್ಡೆಯ ಹೊಸ ತಿಂಡಿ ಮಾಡಿ ನೋಡಿ! 2 ವಸ್ತು ಇದ್ರೆ ಅದ್ಭುತ ರುಚಿ ನೀಡುತ್ತೆ!

ನೀವು ಸಂಜೆ ಸಮಯದಲ್ಲಿ ಸ್ನ್ಯಾಕ್ಸ್ ಸವಿಯಲು ಅಭ್ಯಾಸ ಇಟ್ಟುಕೊಂಡಿರಹುದು. ಅದ್ರಲ್ಲೂ ನಗರದಲ್ಲಿ ವಾಸವಿರುವ ಮಂದಿಯಂತು ಸಂಜೆ ಟಿ ಕಾಫಿ ಸೇವಿಸುವಾಗ ಹಾಗೆ ಮನೆಯಿಂದ ಹೊರಗಿದ್ದಾಗ ಸ್ನ್ಯಾಕ್ಸ್ ಸವಿಯೋಕೆ ಇಷ್ಟಪಡುತ್ತಾರೆ. ಹಾಗೆ ಹಳ್ಳಿಯಲ್ಲೂ ಕೂಡ ಅಂಗಡಿಯಿಂದ ಖರೀದಿಸಿ ತರುವ ಸ್ನ್ಯಾಕ್ಸ್‌ಗಳನ್ನು ಸೇವಿಸುವುದು ನೋಡಬಹುದು. ಇನ್ನು ಮನೆಯಲ್ಲೇ ಮಾಡಿ ಸವಿಯುದಕ್ಕೂ ಹಲವು ರೀತಿಯ ಖಾದ್ಯಗಳಿವೆ.

ಆದ್ರೆ ನಾವಿಂದು ಬಹಳ ಸುಲಭವಾಗಿ ಹಾಗೆ ಕಡಿಮೆ ವಸ್ತುಗಳ ಬಳಸಿಕೊಂಡು ಮಾಡುವ ಹೊಸದೊಂದು ಸ್ನ್ಯಾಕ್ಸ್ ಕುರಿತಾಗಿ ಹೇಳಲಿದ್ದೇವೆ. ಅದ್ರಲ್ಲೂ ಒಂದೇ ಒಂದು ಆಲೂಗಡ್ಡೆ ಹಾಗೆ ಮುಷ್ಠಿಯಷ್ಟು ಪುಟಾಣಿ ಬಳಸಿಕೊಂಡು ಅದ್ಭುತ ರುಚಿ ನೀಡುವಂತಹ ಸ್ನ್ಯಾಕ್ಸ್ ಮಾಡಿ ಸವಿಯಬಹುದು. ಹಾಗಾದ್ರೆ ಈ ಸ್ನ್ಯಾಕ್ಸ್ ಯಾವುದು ಮಾಡುವುದು ಹೇಗೆ ಅನ್ನೋದನ್ನು ತಿಳಿದುಕೊಳ್ಳಿ.

ಆಲೂಗಡ್ಡೆ ಬಳಸಿಕೊಂಡು ಹಲವು ರೀತಿಯ ಸ್ನ್ಯಾಕ್ಸ್ ಮಾಡಿ ಸವಿಯೋದು ಕಾಮನ್. ಆಲೂ ಬಜ್ಜಿ ಬೋಂಡಾ ಅಂದ್ರೆ ಎಲ್ಲರ ಬಾಯಲ್ಲೂ ಒಮ್ಮೆ ನೀರು ಬರುತ್ತೆ. ಆದ್ರೆ ಇದೇ ಆಲೂಗಡ್ಡೆಯಿಂದ ರುಚಿ ರುಚಿ ಕಟ್ಲೆಟ್ ಕೂಡ ಮಾಡುತ್ತಾರೆ. ಆದ್ರೆ ನಾವಿಂದು ಹೊಸ ಬಗೆಯ ಸಂಜೆ ಸ್ನ್ಯಾಕ್ಸ್ ಮಾಡುವ ಕುರಿತು ತಿಳಿಯೋಣ.

ಆಲೂಗಡ್ಡೆಯ ಹೊಸ ತಿಂಡಿ ಮಾಡಲು ಯಾವೆಲ್ಲಾ ವಸ್ತುಗಳು ಇರಬೇಕು? ಮಾಡುವ ವಿಧಾನವೇನು?, ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ಇಲ್ಲಿ ತಿಳಿದುಕೊಳ್ಳೋಣ.

ಆಲೂಗಡ್ಡೆ ಸ್ನ್ಯಾಕ್ಸ್ ಮಾಡಲು ಬೇಕಾಗುವ ವಸ್ತುಗಳು

• ಆಲೂಗಡ್ಡೆ
• ಪುಟಾಣಿ
• ಎಣ್ಣೆ
• ಉಪ್ಪು
• ಕಡಲೆ ಹಿಟ್ಟು
• ಕೊತ್ತಂಬರಿ ಸೊಪ್ಪು
• ಗರಂ ಮಸಾಲ
• ಅರಶಿಣ
• ಈರುಳ್ಳಿ
• ಹಸಿ ಮೆಣಸು

ಆಲೂಗಡ್ಡೆ ಸ್ನ್ಯಾಕ್ಸ್ ಮಾಡುವುದು ಹೇಗೆ?

ಮೊದಲು ಒಂದು 1 ಕಪ್ ಪುಟಾಣಿ ಅಥವಾ ಹುರಿಗಡಲೆಯನ್ನು ಮಿಕ್ಸಿ ಜಾರ್‌ಗೆ ಹಾಕಿಕೊಂಡು ನುಣ್ಣಗೆ ಪುಡಿ ಮಾಡಿ ಇಟ್ಟುಕೊಳ್ಳಿ. ಈಗ ಒಂದು ಕುಕ್ಕರ್ ಒಲೆ ಮೇಲೆ ಇಟ್ಟು ಅದಕ್ಕೆ ಸ್ವಲ್ಪ ನೀರು ಹಾಕಿ ಬಳಿಕ 2 ರಿಂದ 3 ಆಲೂಗಡ್ಡೆ ಹಾಕಿ ಬೇಯಿಸಿಕೊಳ್ಳಿ. ಮುಚ್ಚಳ ಮುಚ್ಚಿ ಒಂದು ಸೀಟಿ ಹೊಡೆಯಲು ಬಿಡಿ.

ಬೇಯಿಸಿಕೊಂಡ ಆಲೂಗಡ್ಡೆಯನ್ನು ಒಂದು ಪಾತ್ರೆಗೆ ಹಾಕಿಕೊಂಡು ಸಿಪ್ಪೆ ತೆಗೆದು ರೆಡಿ ಮಾಡಿಕೊಳ್ಳಿ. ಇದನ್ನು ಪಾತ್ರೆಯಲ್ಲಿ ಸ್ವಲ್ಪ ಪುಡಿ ಮಾಡಿಕೊಳ್ಳಿ. ನಂತರ ಇದಕ್ಕೆ 3ರಿಂದ 4 ಸ್ಪೂನ್ ಕಡಲೆ ಹಿಟ್ಟು ಹಾಕಿಕೊಳ್ಳಿ. ಸಣ್ಣದಾಗಿ ಕತ್ತರಿಸಿಕೊಂಡ ಈರುಳ್ಳಿ, ಹಸಿ ಮೆಣಸು ಕೂಡ ಇದಕ್ಕೆ ಹಾಕಿಕೊಳ್ಳಿ. ಹಾಗೆ ಸಣ್ಣದಾಗಿ ಕತ್ತರಿಸಿಕೊಂಡ ಕೊತ್ತಂಬರಿ ಸೊಪ್ಪು ಸಹ ಹಾಕಿಕೊಳ್ಳಿ. ನಂತರ ಚೆನ್ನಾಗಿ ಈ ಎಲ್ಲಾ ಪದಾರ್ಥಗಳು ಬೆರೆಯುವಂತೆ ಮಿಕ್ಸ್ ಮಾಡಿಕೊಳ್ಳಿ.

ಕೊನೆಯಲ್ಲಿ ಗರಂ ಮಸಾಲ, ಉಪ್ಪು, ಅರಶಿಣ ಹಾಗೆ ಮೊದಲು ರುಬ್ಬಿಕೊಂಡಿದ್ದ ಪುಟಾಣಿ ಹಿಟ್ಟನ್ನು ಸಹ ಇದಕ್ಕೆ ಹಾಕಿ ಮಿಕ್ಸ್ ಮಾಡಿಕೊಳ್ಳಿ. ಇದು ದಪ್ಪವಾಗಿ ಹಿಟ್ಟಿನಂತೆ ಬರಬೇಕು. ನೀರು ಮಿಕ್ಸ್ ಮಾಡದೆ ಹಿಟ್ಟು ಹದ ಮಾಡಿ. ಉಂಡೆ ಕಟ್ಟಲು ಬರುವಂತಹ ಹದಕ್ಕೆ ಮಾಡಿ. ಈಗ ಕೈಯಲ್ಲಿ ಉಂಡೆ ಮಾಡಿ ನಂತರ ಮಸಾಲ ವಡೆಯ ರೀತಿ ತಟ್ಟಿಕೊಳ್ಳಿ. ರೌಂಡ್ ಶೇಪ್‌ ಅಲ್ಲಿ ಮಾಡಿಕೊಂಡು ಇಟ್ಟುಕೊಳ್ಳಿ.

ಈಗ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಎಣ್ಣೆ ಹಾಕಿ ಬಿಸಿ ಮಾಡಿಕೊಳ್ಳಿ. ಕಾವಲಿ ತಳದಲ್ಲಿ ಎಣ್ಣೆ ಇದ್ದರೆ ಸಾಕು. ಒಂದು ಬದಿ ಬೇಯಿಸಿಕೊಂಡು ಬಳಿಕ ಮತ್ತೊಂದು ಬದಿ ಕಾಯಿಸಿಕೊಳ್ಳಿ. ಇಷ್ಟಾದರೆ ನಿಮ್ಮ ಮುಂದೆ ಈ ಆಲೂಗಡ್ಡೆಯ ಹೊಸ ಸ್ನ್ಯಾಕ್ಸ್ ರೆಡಿಯಾಗುತ್ತದೆ.