ಒಂದು ಆಲೂಗಡ್ಡೆಯಿಂದ ಮಾಡಿ ಪೊಟೆಟೋ ರೈಸ್‌..!

ರೈಸ್ ಜೊತೆಗೆ ನೀವು ಯಾವುದೇ ಹೊಸ ವಸ್ತು ಬೆರೆಸಿ ಬೇಕಾದರೂ ಅತ್ಯುತ್ತಮ ರುಚಿಯ ಖಾದ್ಯ ತಯಾರಿಸಬಹುದು. ಹೀಗಾಗಿ ರೈಸ್‌ನಲ್ಲೇ ನೂರಾರು ಬಗೆಯ ಖಾದ್ಯವನ್ನು ಮಾಡಿ ಸವಿಯ ಬಹುದು. ಜೊತೆಗೆ ಪಟ್ಟಿ ಚಿತ್ರಾನ್ನದಿಂದ ಆರಂಭಗೊಂಡು ಹತ್ತಾರು ಬಗೆಯ ರೈಸ್ ರೆಡಿಯಾಗುತ್ತದೆ. ಅದರಲ್ಲೂ ಬೆಳಗ್ಗೆಯ ತಿಂಡಿಗೆ ರೈಸ್ ಮೂಲಕ ಹಲವು ವಿಧವಾದ ಖಾದ್ಯ ಮಾಡಬಹುದು.

ರೈಸ್‌ ಮಾಡುವಾಗ ನೀವು ಯಾವ ತರಕಾರಿ ಸೇರಿಸಿದರು ಅದೊಂದು ವಿಶೇಷ ಖಾದ್ಯವಾಗುತ್ತದೆ. ನೀವು ಹಲವು ತರಕಾರಿಗಳ ಸೇರಿಸಿದರೆ ಪಲಾವ್ ಮಾಡಬಹುದು. ಹಾಗೆ ಒಂದೇ ಒಂದು ಆಲೂಗಡ್ಡೆ ಸೇರಿಸಿ ಆಲೂ ರೈಸ್ ಮಾಡಬಹುದು. ಬೆಳಗ್ಗೆಯ ತಿಂಡಿಗೆ ಬಹುಬೇಗ ಯಾವುದಾದರು ತಿಂಡಿ ಮಾಡುವುದಾರೆ ಈ ಆಲೂ ರೈಸ್ ಮಾಡುವುದು ತುಂಬಾನೆ ಸುಲಭ.

ಕೆಲವೇ ವಸ್ತುಗಳ ಬಳಸಿ ಕೆಲವೇ ಸಮಯದಲ್ಲಿ ಈ ಆಲೂ ರೈಸ್ ಮಾಡಬಹದು. ಹಾಗಾದ್ರೆ ನಾವಿಂದು ಈ ಆಲೂ ರೈಸ್ ಮಾಡಲು ಬೇಕಾಗುವ ಪದಾರ್ಥಗಳು ಯಾವುದು? ಈ ಆಲೂ ರೈಸ್ ಮಾಡುವುದು ಹೇಗೆ? ಮಾಡುವ ಪಾಕವಿಧಾನವೇನು? ಎಷ್ಟು ಸಮಯ ಬೇಕು ಎಂಬುದನ್ನು ತಿಳಿದುಕೊಳ್ಳೋಣ.

ಆಲೂಗಡ್ಡೆ ರೈಸ್ ಮಡಲು ಬೇಕಾಗುವ ಪದಾರ್ಥಗಳು

• ಆಲೂಗಡ್ಡೆ
• ಅನ್ನ - 1 ಬೌಲ್
• ಜೀರಿಗೆ - 1/2 ಟೀಸ್ಪೂನ್
• ಕರಿಬೇವು
• ಕೆಂಪು ಮೆಣಸಿನ ಪುಡಿ - 1/2 ಟೀಸ್ಪೂನ್
• ಅರಿಶಿನ ಪುಡಿ - 1/4 ಟೀಸ್ಪೂನ್
• ಒಣ ಕೆಂಪು ಮೆಣಸಿನಕಾಯಿ - 2
• ಹಸಿರು ಮೆಣಸಿನಕಾಯಿ - 3
• ಶುಂಠಿ ಬೆಳ್ಳುಳ್ಳಿ ಪೇಸ್ಟ್ - 1 ಟೀಸ್ಪೂನ್
• ಈರುಳ್ಳಿ - 1
• ಕೊತ್ತಂಬರಿ ಸೊಪ್ಪು - 1/4 ಕಪ್
• ರುಚಿಗೆ ಉಪ್ಪು
• ಅಡುಗೆ ಎಣ್ಣೆ

ಆಲೂ ರೈಸ್ ಮಾಡುವುದು ಹೇಗೆ?

ಮೊದಲು ಪಾತ್ರೆಯಲ್ಲಿ ಎಣ್ಣೆ ಹಾಕಿ ಅದಕ್ಕೆ ಜೀರಿಗೆ, ಸಾಸಿವೆ, ಚಿಕ್ಕದಾಗಿ ಕತ್ತರಿಸಿಕೊಂಡಿರುವ ಆಲೂಗಡ್ಡೆಯನ್ನು ಹಾಕಿ, ಜೊತೆಗೆ ಇದಕ್ಕೆ ಈರುಳ್ಳಿಯನ್ನು ಮತ್ತು ಉಪ್ಪನ್ನು ಹಾಕಿಕೊಂಡು ಫ್ರೈ ಮಾಡಿಕೊಳ್ಳಿ. ಸುಮಾರು 5 ನಿಮಿಷಗಳ ಕಾಲ ಫ್ರೈ ಮಾಡಿಕೊಳ್ಳಿ.

5 ನಿಮಿಷದ ಬಳಿಕ ಇದಕ್ಕೆ ಹಸಿ ಮೆಣಸಿನಕಾಯಿ, ಒಣ ಮೆಣಸು, ಶುಂಠಿ ಬೆಳ್ಳುಳ್ಳಿ ಪೇಸ್ಟ್, ಕರಬೇವು, ಅರಶಿಣ, ಖಾರದ ಪುಡಿ ಹಾಕಿಕೊಂಡು ಫ್ರೈ ಮಾಡಿಕೊಳ್ಳಿ. ಒಂದೆರಡು ನಿಮಿಷ ಫ್ರೈ ಮಾಡಿಕೊಂಡ ಬಳಿಕ ನಿಮ್ಮ ಬಳಿ ಇರುವ ಅನ್ನವನ್ನು ಇದಕ್ಕೆ ಹಾಕಿಕೊಳ್ಳಿ.

ಅನ್ನ ಹಾಕಿದ ಬಳಿಕ ಉರಿ ಕಡಿಮೆ ಮಾಡಿ ಚೆನ್ನಾಗಿ ಹುರಿದುಕೊಳ್ಳಿ. ಅಂತಿಮವಾಗಿ ಸ್ವಲ್ಪ ಕೊತ್ತಂಬರಿ ಸೊಪ್ಪು ಹಾಕಿ ಕಲಸಿ ಒಲೆ ಆಫ್ ಮಾಡಿಕೊಳ್ಳಿ. ಇಷ್ಟಾದರೆ ನಿಮ್ಮ ಮುಂದೆ ರುಚಿಕರ ಆಲೂ ರೈಸ್ ರೆಡಿಯಾಗಿರುತ್ತದೆ. ಇದು ಬಿಸಿಯಾಗಿದ್ದಾಗಲೇ ಸವಿಯಲು ಬಹಳ ರುಚಿ ನೀಡಲಿದೆ. ಇದನ್ನು ಬಾಕ್ಸ್‌ಗೂ ಹಾಕಿಕೊಂಡು ಸವಿಯಬಹುದು.

ಇದೇ ರೈಸ್‌ಗೆ ನೀವು ಮೊಟ್ಟೆಯನ್ನು ಹಾಕಿಯೂ ಮಾಡಬಹುದು. ಆಲೂಗಡ್ಡೆ ಹಾಗೂ ಮೊಟ್ಟೆ ಅತ್ಯುತ್ತಮ ರುಚಿ ನೀಡುತ್ತವೆ. ಇದೇ ರೈಸ್‌ಗೆ ನೀವು ಬೀಟ್ರೂಟ್ ಸಹ ಬೆರೆಸಬಹುದು. ಆಲೂಗಡ್ಡೆ ಹಾಗೂ ಬೀಟ್ರೂಟ್ ಬೇಯಿಸಿಯು ಹಾಕಬಹುದು. ಇಲ್ಲಿದಿದ್ದರೆ ಹಾಗೆಯೇ ಒಟ್ಟಿಗೆ ಹಾಕಿ ಅನ್ನದ ಜೊತೆಗೆ ಫ್ರೈ ಮಾಡಬಹುದು. ಇದೊಂದು ಸುಲಭದ ಹಾಗೂ ಕಡಿಮೆ ಸಮಯದಲ್ಲಿ ಮಾಡಬಹುದಾದ ರೆಸಿಪಿಯಾಗಿದ್ದು, ಬ್ಯಾಚುಲರ್‌ಗಳಿಗೆ ಹೇಳಿ ಮಾಡಿಸಿದ ಖಾದ್ಯ ಇದಾಗಿದೆ.