ಸಂಜೆ ವೇಳೆ ಸವಿಯಲು ಪಾವ್ ಭಾಜಿ ಮಾಡಿ ನೋಡಿ..! ಎಷ್ಟೊಂದು ಸುಲಭ ಗೊತ್ತಾ?

ನಾವು ಸಂಜೆಯ ಸ್ನ್ಯಾಕ್ಸ್ ಸಮಯದಲ್ಲಿ ರಸ್ತೆ ಬದಿಯ ಚಾಟ್ ಮಸಾಲೆ ಪದಾರ್ಥಗಳ ಸವಿಯಲು ಇಷ್ಟಪಡುತ್ತೇವೆ. ಪಾನಿಪೂರಿ, ಗೋಬಿ, ಬೋಂಡಾ, ವಡೆ, ಬಜ್ಜಿ, ದೋಸೆ, ಹೀಗೆ ಹತ್ತಾರು ರೀತಿಯ ಸ್ನ್ಯಾಕ್ಸ್ ಸವಿಯುವುದು ಅಭ್ಯಾಸ ಆಗಿರುತ್ತೆ. ಇದರ ಜೊತೆಗೆ ಈಗ ಹೆಚ್ಚಿನವರು ಸಂಜೆ ಪಾವ್ ಭಾಜಿ ಸವಿಯುವುದನ್ನು ಇಷ್ಟಪಡುತ್ತಾರೆ. ಚಳಿಯಲ್ಲಿ ಬಾಯಿ ರುಚಿಯ ಪಾವ್ ಭಾಜಿ ಸವಿಯುತ್ತಿದ್ದರೆ ಬಾಯಲ್ಲಿ ನೀರು ಬರುತ್ತಿರುತ್ತದೆ.

ಪಾವ್ ಭಾಜಿಗೆ ಹಾಕಿರುವ ಮಸಾಲೆ, ಕಡಲೆ ಎಲ್ಲವೂ ಅದ್ಭುತ ರುಚಿಯ ಪಾವ್ ಭಾಜಿ ಮಾಡುತ್ತಾರೆ. ಬಿಸಿ ಬಿಸಿಯ ಈ ಪಾವ್ ಸವಿಯುತ್ತಿದ್ದರೆ ಸಂಜೆ ಸಮಯ ಅದ್ಭುತವಾಗಿರುತ್ತೆ. ಆದ್ರೆ ನಾವು ಈ ಪಾವ್ ಭಾಜಿಯನ್ನು ಮನೆಯಲ್ಲೇ ಮಾಡಿಕೊಳ್ಳಲು ಮುಂದಾಗುವುದು ಬಹಳ ಅಪರೂಪ. ಏಕೆಂದರೆ ಇದಕ್ಕೆ ಬಹಳ ಕೆಲಸ ಹಿಡಿಯಲಿದೆ ಎಂಬ ಕಾರಣಕ್ಕೆ ನಾವು ಮಾಡುವುದಿಲ್ಲ.

ಆದ್ರೆ ಈ ಪಾವ್ ಭಾಜಿಯನ್ನು ಆರಾಮವಾಗಿ ಮನೆಯಲ್ಲಿ ಕೆಲವೇ ನಿಮಿಷದಲ್ಲಿ ಮಾಡಬಹುದು. ಹಾಗಾದ್ರೆ ಮನೆಯಲ್ಲೇ ನಾವು ರುಚಿ ರುಚಿಯ ಪಾವ್ ಭಾಜಿ ಮಾಡುವುದು ಹೇಗೆ ಎಂಬುದನ್ನು ತಿಳಿದುಕೊಳ್ಳೋಣ. ಮನೆಯಲ್ಲಿ ಪಾವ್ ಭಾಜಿ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?, ಮಾಡುವ ವಿಧಾನವೇನು? ಪಾವ್ ಭಾಜಿ ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಪಾವ್ ಭಾಜಿ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು?

• ಕ್ಯಾರೆಟ್
• ಪಾವ್ ಬನ್
• ಪಾವ್ ಭಾಜಿ ಮಸಾಲೆ
• ಹಸಿ ಬಟಾಣಿ
• ಆಲೂಗಡ್ಡೆ
• ಟೊಮೆಟೋ
• ಕ್ಯಾಪ್ಸಿಕಂ
• ಶುಂಠಿ ಬೆಳ್ಳುಳ್ಳಿ ಪೇಸ್ಟ್‌
• ಈರುಳ್ಳಿ
• ಖಾರದ ಪುಡಿ
• ಅರಶಿಣ ಪುಡಿ
• ನಿಂಬೆ
• ಕೊತ್ತಂಬರಿ
• ಬೆಣ್ಣೆ
• ಕಸೂರಿ ಮೇಥಿ
• ಫುಡ್ ಕಲರ್
• ಎಣ್ಣೆ
• ಉಪ್ಪು

ಪಾವ್ ಭಾಜಿ ಮಾಡುವ ವಿಧಾನವೇನು?

ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಅದಕ್ಕೆ ಎರಡು ಸ್ಪೂನ್ ಎಣ್ಣೆ ಹಾಕಿಕೊಂಡು ಬಳಿಕ ಸಣ್ಣದಾಗಿ ಹೆಚ್ಚಿಕೊಂಡಿರುವ ಒಂದು ಈರುಳ್ಳಿಯನ್ನು ಹಾಕಿ ಫ್ರೈ ಮಾಡಿಕೊಳ್ಳಿ. 1 ನಿಮಿಷದ ಬಳಿಕ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಮಿಕ್ಸ್ ಮಾಡಿ ನಂತರ ಸಣ್ಣದಾಗಿ ಹೆಚ್ಚಿಕೊಂಡಿರುವ ಟೊಮೆಟೋ ಹಾಕಿಕೊಂಡು ಫ್ರೈ ಮಾಡಿ. ನಂತರ ಬೇಗ ಬೇಯಲು ಉಪ್ಪು ಹಾಕಿಕೊಳ್ಳಿ.

ಈಗ ಖಾರದ ಪುಡಿ, ಅರಶಿಣ, ಹಾಗೆ ಪಾವ್ ಭಾಜಿ ಮಸಾಲೆಯನ್ನು ಹಾಕಿಕೊಂಡು ನಂತರ ಕಸೂರಿ ಮೇಥಿ ಹಾಕಿಕೊಂಡು ಕಲಸಿಕೊಳ್ಳಿ. 1 ನಿಮಿಷದ ಬಳಿಕ ಸಣ್ಣದಾಗಿ ಹೆಚ್ಚಿಕೊಂಡಿರುವ ಕ್ಯಾಪ್ಸಿಕಂ ಸಹ ಹಾಕಿಕೊಂಡು ಸ್ವಲ್ಪ ನೀರು ಹಾಕಿಕೊಂಡು ಕುದಿಯಲು ಬಿಡಿ. ಈಗ ಇದಕ್ಕೆ ಹೆಚ್ಚಿಕೊಂಡು ಕ್ಯಾರೆಟ್, ಆಲೂಗಡ್ಡೆ ಹಾಗೂ ಬಟಾಣಿ ಹಾಕಿಕೊಳ್ಳಿ.

ಈ ಬಟಾಣಿ ಆಲೂಗಡ್ಡೆ ಬಟಾಣಿ ಮೂರನ್ನು ಕೂಡ ಕುಕ್ಕರ್‌ನಲ್ಲಿ ಹಾಕಿಕೊಂಡು ಮೊದಲೇ ಒಂದು ಸೀಟಿ ಹೊಡೆಸಿಟ್ಟುಕೊಳ್ಳಿ. ಇದನ್ನು ಈಗ ಹಾಕಿಕೊಂಡು ಮಿಕ್ಸ್ ಮಾಡಿಕೊಂಡು ಕುದಿಯಲು ಬಿಡಿ. ನಂತರ ಬಣ್ಣಕ್ಕಾಗಿ ಫುಡ್ ಕಲರ್ ಬಳಸಿಕೊಳ್ಳಿ. ಕೊನೆಯದಾಗಿ ಸ್ಪೂನ್ ಬೆಣ್ಣೆ, ಕೊತ್ತಂಬರಿ ಸೊಪ್ಪು ಹಾಕಿ ಸಣ್ಣ ಉರಿಯಲ್ಲಿ ಕುದಿಯಲು ಬಿಡಿ. ನಂತರ ಒಲೆ ಆಫ್ ಮಾಡಿ ಮುಚ್ಚಳ ಮುಚ್ಚಿಡಿ.

ಈಗ ಒಲೆ ಮೇಲೆ ಒಂದು ಕಾವಲಿ ಅಥವಾ ಬಾಣಲೆ ಇಟ್ಟು ಅದಕ್ಕೆ ಬೆಣ್ಣೆ ಹಾಕಿಕೊಂಡು ನಂತರ ಪಾವ್ ಅನ್ನು ಹಾಕಿ ಸುತ್ತಬರಿಸಿ, ಭಾಜಿಯನ್ನು ಹಾಕಿಕೊಂಡು ಈ ಪಾವ್ ಅನ್ನು ಫ್ರೈ ಮಾಡಿ. 2 ನಿಮಿಷ ಫ್ರೈ ಮಾಡಿ, ನಂತರ ಈ ಪಾವ್ ಅನ್ನು ಮಾಡಿರುವ ಭಾಜಿ ಜೊತೆಗೆ ಸವಿಯಿರಿ. ಈ ರುಚಿಯಲ್ಲಿ ಪಾವ್ ಭಾಜಿ ಸವಿಯುತ್ತಿದ್ದರೆ ಬೇರೆ ಯಾವ ಸ್ನ್ಯಾಕ್ಸ್ ಕೂಡ ಸವಿಯಲು ನೀವು ಇಷ್ಟಪಡುವುದಿಲ್ಲ.