ಅಕ್ಕಿತರಿಯಿಂದ ಮಾಡುವ ಸುಲಭದ ಬ್ರೇಕ್‌ಫಾಸ್ಟ್: ಇದರ ರುಚಿ ತುಂಬಾ ಚೆನ್ನಾಗಿರುತ್ತೆ

ಈ ಬ್ರೇಕ್‌ಫಾಸ್ಟ್‌ ಕೆಲವರಿಗೆ ಪರಿಚಯವಿರಬಹುದು, ಇನ್ನು ಕೆಲವರಿಗೆ ಪರಿಚಯ ಇಲ್ಲದೆಯೂ ಇರಬಹುದು, ಇದನ್ನು ದೋಕ್ಲಾ ಎಂದು ಕೂಡ ಕರೆಯಬಹುದು. ದೋಕ್ಲಾ ಅನೇಕ ರೀತಿಯಲ್ಲಿ ಮಾಡಬಹುದು, ಆದರೆ ಇದು ದೋಕ್ಲಾ ರೀತಿಯೇ ಅಕ್ಕಿ ತರಿ ಬಳಸಿ ಮಾಡುವ ಬ್ರೇಕ್‌ಫಾಸ್ಟ್‌ ರೆಸಿಪಿ, ಅಲ್ಲದೆ ಇದು ತುಂಬಾ ಸುಲಭದ ರೆಸಿಪಿ ಕೂಡ ಹೌದು.

ಈ ಪಾಪಟ್ಟು ಮಾಡಿ ಇದಕ್ಕೆ ಒಳ್ಳೆಯ ವೆಜ್‌ ಗ್ರೇವಿ ಅಥವಾ ವೆಜ್‌ ಕುರ್ಮಾ ಇದ್ದರೆ ಕಾಂಬಿನೇಷನ್‌ ಇನ್ನೂ ಸೂಪರ್ , ಇದನ್ನು ನಾನ್‌ ವೆಜ್‌ ಜೊತೆ ಟೇಸ್ಟ್ ಮಾಡ ಬಯಸುವವರು ನಾಟಿಕೋಳಿ ಸಾರು ಅಥವಾ ಮಟನ್ ಗ್ರೇವಿ ಜೊತೆ ಸವಿಯಬಹುದು, ಇನ್ನು ಬ್ರೇಕ್‌ಫಾಸ್ಟ್‌ ಮಕ್ಕಳ ಸ್ನ್ಯಾಕ್ಸ್‌ ಬಾಕ್ಸ್‌ಗೂ ರೆಡಿ, ಇದನ್ನು ಯಾವುದೇ ಸಾರು ಇಲ್ಲದೆಯೂ ಹಾಗೆಯೇ ಸವಿಯಬಹುದು.

ಬನ್ನಿ ಇದರ ರೆಸಿಪಿ ನೋಡೋಣ:

ಬೇಕಾಗುವ ಸಾಮಗ್ರಿ

ಅಕ್ಕಿ ತರಿ ಅಥವಾ ಅಕ್ಕಿ ಹಿಟ್ಟು ಒಂದು ಕಪ್‌
ತುಪ್ಪ 2-3 ಚಮಚ
ರುಚಿಗೆ ತಕ್ಕ ತುಪ್ಪ
ತೆಂಗಿನ ತುರಿ
ನೀರು 2 ಕಪ್‌

ಮಾಡುವ ವಿಧಾನ

• ಇದಕ್ಕೆ ನೀವು ತರಿ ತರಿ ಅಕ್ಕಿ ಹಿಟ್ಟು ಬಳಸಬೇಕು ಅಥವಾ ಅಕ್ಕಿ ತರಿ ಬಳಸಬಹುದು
• ಇದಕ್ಕೆ ಅಕ್ಕಿ ಹಿಟ್ಟು ರೆಡಿ ಮಾಡುವುದಾದರೆ ಅಕ್ಕಿಯನ್ನು ತೊಳೆದು ಒಣಗಿಸಿ ನಂತರ ಹುರಿದು ಬಳಿಕ ಮಿಕ್ಸಿಯಲ್ಲಿ ಹಾಕಿ ಎರಡು ರೌಂಡ್‌ ತರಿ ತರಿಯಯಾಗಿ ರುಬ್ಬಿದರೆ ಸಾಕು, ಇಲ್ಲಾಂದ್ರೆ ಕಡಬು ತರಿ ಕೂಡ ಬಳಸಬಹುದು
• ಈಗ ನೀವು ಇದನ್ನು ರೆಡಿ ಮಾಡಲು ಗುಂಡಿ ಸ್ವಲ್ಪ ಅಧಿಕವಿರುವ ತಟ್ಟೆ ಎಗೆದುಕೊಳ್ಳಿ, ಮೊದಲು ಚಿಕ್ಕ ತಟ್ಟೆ, ಅದರ ಮೇಲೆ ಸ್ವಲ್ಪ ದೊಡ್ಡದು ಈ ರೀತಿಯ ತಟ್ಟೆಗಳನ್ನೂ ಬಳಸಬಹುದು
• ಈಗ ನೀವು ಅಕ್ಕಿ ತರಿಗೆ ನೀರು ಹಾಕಿ ಅರ್ಧ ಗಂಟೆ ನೆನೆ ಹಾಕಿ
• ಬಳಿಕ ಅಕ್ಕಿ ತರಿಯನ್ನು ಪ್ಲೇಟ್‌ನ ಅರ್ಧಭಾಗ ತುಂಬುವಷ್ಟು ಹಾಕಿ
• ಬಳಿಕ ಪ್ಲೇಟ್‌ ತುಂಬುವ ರೀತಿಯಲ್ಲಿ ನೀರು ಹಾಕಿ, ಒಂದು ಕಲ್ಲು ಕಲ್ಲುಪ್ಪು ಹಾಕಿ, ತೆಂಗಿನ ತುರಿ ಹಾಕಿ , ಎಲ್ಲಾ ಪ್ಲೇಟ್‌ಗೂ ತುಪ್ಪ ಅವರಿ ಹೀಗೆಯೇ ಮಾಡಿ ಹಬೆಯಲ್ಲಿ (ಇಡ್ಲಿ ಪಾತ್ರೆಯಲ್ಲಿ 20-25 ನಿಮಿಷ ಬೇಯಿಸಿ)
• ನಂತರ ಬೆಂದ ಹಿಟ್ಟಿನ ಮೇಲೆ ತುಪ್ಪ ಹಾಕಿ ನಿಮಗೆ ಬೇಕಾದ ಆಕಾರದಲ್ಲಿ ಕತ್ತರಿಸಿದರೆ ಪಾಪಟ್ಟು ರೆಡಿ.