ಚುಮುಚುಮು ಚಳಿಗೆ ಹಾಟ್ ಕಾರ್ನ್! ಕ್ರಿಸ್ಪಿ ತಂದೂರಿ ಕಾರ್ನ್ ಮನೆಯಲ್ಲೇ ಮಾಡಿ.. ಎಷ್ಟು ಈಸಿ ಗೊತ್ತಾ?

ನೀವು ಎಂದಾದರೂ ತಂದೂರಿ ಸ್ವೀಟ್ ಕಾರ್ನ್ ತಿಂದಿದ್ದೀರಾ? ಇದರ ರುಚಿ ನಿಮಗೆ ಖಂಡಿತ ಇಷ್ಟವಾಗುತ್ತೆ. ಇಲ್ಲಿದೆ ಅದನ್ನು ತಯಾರಿಸುವ ಸುಲಭ ವಿಧಾನ. ಹೌದು, ಮಳೆಗಾಲದಲ್ಲಿ ಮಾಡಿ ರುಚಿಯಾದ ತಂದೂರಿ ಕಾರ್ನ್ (Tandoori Corn). ಈ ವಾತಾವರಣಕ್ಕೆ ಬಿಸಿಬಿಸಿಯಾಗಿ ಏನಾದರೂ ತಿನ್ನಬೇಕು ಎನಿಸಿದರೆ, ಮೆಕ್ಕೆಜೋಳದಿಂದ ತಯಾರಿಸಿದ ತಿನಿಸುಗಳು ಹೇಳಿ ಮಾಡಿಸಿದಂತಿವೆ. ಮಳೆಗಾಲದಲ್ಲಿ ಯಥೇಚ್ಛವಾಗಿ ಸಿಗುವ ಮೆಕ್ಕೆಜೋಳವನ್ನು ಬಳಸಿ ಬಿಸಿಬಿಸಿಯಾದ ತಂದೂರಿ ಕಾರ್ನ್ ತಯಾರಿಸಿ ಸವಿಯಬಹುದು. ಇದು ರುಚಿಕರವಾಗಿ ಮತ್ತು ಆರೋಗ್ಯರವಾಗಿದೆ. ಬನ್ನಿ, ತಂದೂರಿ ಸ್ವೀಟ್ ಕಾರ್ನ್ ತಯಾರಿಸುವುದು ಹೇಗೆ ಎಂದು ತಿಳಿಯೋಣ.

ಮಳೆಗಾಲ ಮತ್ತು ಚಳಿಗಾಲದಲ್ಲಿ ತಂದೂರಿ ಕಾರ್ನ್ ಅನ್ನು ತಿನ್ನಲು ಬಹಳ ಇಷ್ಟಪಡುತ್ತಾರೆ. ಇದನ್ನು ತಯಾರಿಸಲು, ಕಾರ್ನ್ ಅನ್ನು ಮೊಸರು, ಮಸಾಲೆಗಳು, ನಿಂಬೆ ರಸ ಮತ್ತು ಸಾಸಿವೆ ಎಣ್ಣೆಯ ಮಿಶ್ರಣದಲ್ಲಿ ಬೆರೆಸಿ ಬೇಯಿಸಲಾಗುತ್ತದೆ. ಇದರಿಂದ ತಂದೂರಿ ಫ್ಲೇವರ್ ಬರುತ್ತದೆ. ಕಾರ್ನ್ ಅನ್ನು ತಂದೂರಿ ಶೈಲಿಯಲ್ಲಿ ಬೇಯಿಸಿದಾಗ, ಅದು ಹೊರಗಿನಿಂದ ಗರಿಗರಿಯಾಗಿ ಮತ್ತು ಒಳಗಿನಿಂದ ರಸಭರಿತವಾಗಿರುತ್ತದೆ. ವಿಶೇಷವೆಂದರೆ ಇದು ಹೆಚ್ಚು ಎಣ್ಣೆಯಲ್ಲಿ ಬೇಯುವುದಿಲ್ಲ. ಆದ್ದರಿಂದ, ಇದು ಆರೋಗ್ಯಕರವಾಗಿರುತ್ತದೆ. ನಿಮ್ಮಲ್ಲಿ ಓವನ್ ಅಥವಾ ತಂದೂರ್ ಇಲ್ಲದಿದ್ದರೆ, ನೀವು ಅದನ್ನು ಸುಲಭವಾಗಿ ತವಾ ಮೇಲೆ ಬೇಯಿಸಬಹುದು.

ತಂದೂರಿ ಕಾರ್ನ್ ತಯಾರಿಸಲು ಬೇಕಾಗುವ ಸಾಮಾಗ್ರಿಗಳು

• ಮೆಕ್ಕೆ ಜೋಳ - 2 ಅಥವಾ 3
• ಕಾರ್ನ್‌ ಫ್ಲೋರ್‌ - ಮೂರು ಸ್ಪೂನ್
• ಗಟ್ಟಿ ಮೊಸರು - ಅರ್ಧ ಕಪ್
• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ - 1 ಸ್ಪೂನ್
• ನಿಂಬೆ ರಸ - 1 ಸ್ಪೂನ್
• ಕೆಂಪು ಮೆಣಸಿನ ಪುಡಿ - 1 ಸ್ಪೂನ್
• ಗರಂ ಮಸಾಲ - ಅರ್ಧ ಸ್ಪೂನ್
• ಚಾಟ್ ಮಸಾಲ - ಅರ್ಧ ಸ್ಪೂನ್
• ಅರಿಶಿನ ಪುಡಿ - ಅರ್ಧ ಸ್ಪೂನ್
• ಉಪ್ಪು - ರುಚಿಗೆ ತಕ್ಕಷ್ಟು
• ಸಾಸಿವೆ ಎಣ್ಣೆ - 1 ಸ್ಪೂನ್
• ಕೊತ್ತಂಬರಿ ಸೊಪ್ಪು (ಗಾರ್ನಿಶ್‌ಗಾಗಿ) - ಸ್ವಲ್ಪ
• ಹಸಿ ಮೆಣಸಿನಕಾಯಿ ಪೇಸ್ಟ್ - ಅರ್ಧ ಸ್ಪೂನ್
• ಕ್ಯಾರೆಟ್
• ಬಿಳಿ ಮೆಣಸು ಪುಡಿ
• ಈರುಳ್ಳಿ

ತಂದೂರಿ ಕಾರ್ನ್ ತಯಾರಿಸುವ ವಿಧಾನ

ಮೊದಲಿಗೆ, ಮೆಕ್ಕೆ ಜೋಳವನ್ನು ಸಿಪ್ಪೆ ತೆಗೆದು ಚೆನ್ನಾಗಿ ತೊಳೆಯಿರಿ. ಬಳಿಕ ಒಂದು ಪಾತ್ರೆಯಲ್ಲಿ ನೀರನ್ನು ಕುದಿಸಿ, ಅದರಲ್ಲಿ ಸ್ವಲ್ಪ ಉಪ್ಪು ಹಾಕಿ ಮತ್ತು ಜೋಳವನ್ನು 5 ರಿಂದ 10 ನಿಮಿಷಗಳ ಕಾಲ ಬೇಯಿಸಿ. ಈಗ ಒಂದು ಬಟ್ಟಲಿನಲ್ಲಿ ಮೊಸರು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ನಿಂಬೆ ರಸ, ಕೆಂಪು ಮೆಣಸಿನ ಪುಡಿ, ಅರಿಶಿನ, ಗರಂ ಮಸಾಲ, ಚಾಟ್ ಮಸಾಲ, ಉಪ್ಪು ಮತ್ತು ಸಾಸಿವೆ ಎಣ್ಣೆಯನ್ನು ಹಾಕಿ. ಈ ಮಿಶ್ರಣವನ್ನು ಚೆನ್ನಾಗಿ ಮಿಕ್ಸ್ ಮಾಡಿ.

ಬೇಯಿಸಿದ ಜೋಳವನ್ನು ಚಾಕುವಿನಿಂದ ಸಣ್ಣಗೆ ಕತ್ತರಿಸಿ. ಮಸಾಲೆ ಒಳಗೆ ಹೋಗುವಂತೆ ಇರಲಿ. ಈಗ ಮಸಾಲೆಯನ್ನು ಜೋಳಕ್ಕೆ ಚೆನ್ನಾಗಿ ಹಚ್ಚಿ 15 ರಿಂದ 20 ನಿಮಿಷಗಳ ಕಾಲ ನೆನೆಸಿಡಿ. ಬಳಿಕ ತವಾವನ್ನು ಬಿಸಿ ಮಾಡಿ, ಅದಕ್ಕೆ ಸ್ವಲ್ಪ ಎಣ್ಣೆ ಹಾಕಿ. ಜೋಳವನ್ನು ತವಾ ಮೇಲೆ ಇಟ್ಟು, ಸಣ್ಣ ಉರಿಯಲ್ಲಿ ಎಲ್ಲಾ ಕಡೆ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಫ್ರೈ ಮಾಡಿ. ಜೋಳವನ್ನು ನೇರವಾಗಿ ಅನಿಲದ ಮೇಲೆ ತಿರುಗಿಸಿ ಸ್ವಲ್ಪ ಹೊಗೆಯಾಡಿಸಿ. ಅದರ ಮೇಲೆ ನಿಂಬೆ ರಸ ಮತ್ತು ಚಾಟ್ ಮಸಾಲವನ್ನು ಹಾಕಿ. ಕೊತ್ತಂಬರಿ ಸೊಪ್ಪನ್ನು ಹಾಕಿ ಬಿಸಿಬಿಸಿಯಾಗಿ ಸವಿಯಿರಿ.

ಬೇಯಿಸಿದ ಸ್ವೀಟ್ ಕಾರ್ನ್ ಅನ್ನು ತಂದೂರಿ ಮಸಾಲಾದಲ್ಲಿ ಮ್ಯಾರಿನೇಟ್ ಮಾಡಿ. ಬಳಿಕ ಗ್ರಿಲ್ ನಲ್ಲಿ ಬೇಯಿಸಿ, ಬೆಣ್ಣೆ ಮತ್ತು ಚಾಟ್ ಮಸಾಲಾದಿಂದ ಅಲಂಕರಿಸಿ ಸವಿಯುವ ಮಜವೇ ಬೇರೆ. ಇದನ್ನು ಮನೆಯಲ್ಲಿಯೇ ಸುಲಭವಾಗಿ ಮಾಡಬಹುದು. ಕಾರ್ನ್ ಚಾಟ್ ಅಥವಾ ಸೂಪ್‌ಗಳಿಗಿಂತ ಇದು ವಿಭಿನ್ನ ರುಚಿ ನೀಡುತ್ತದೆ. ಇದಲ್ಲದೆ, ನೀವು ಸಬುದಾನ ಖಿಚಡಿ ಮತ್ತು ಆಲೂಗಡ್ಡೆ ಚಿಪ್ಸ್‌ನಂತಹ ಇತರ ಸ್ನ್ಯಾಕ್ಸ್ ಸಹ ಟ್ರೈ ಮಾಡಬಹುದು. ಮಳೆ ಸುರಿಯುತ್ತಿರುವಾಗ ಬಿಸಿ ಬಿಸಿಯಾದ ತಂದೂರಿ ಕಾರ್ನ್ ಸವಿಯುವುದು ಒಂದು ರೀತಿಯ ಸ್ವರ್ಗದ ಅನುಭವ.