5 ನಿಮಿಷದಲ್ಲಿ ನಾವೇ ಕೋವಾ ಮಾಡಿಕೊಳ್ಳೋದು ಹೇಗೆ? ಇಲ್ಲಿದೆ ಸುಲಭದ ವಿಧಾನ

ನೀವು ಮನೆಯಲ್ಲಿ ಯಾವುದಾದರು ಸಿಹಿ ತಿಂಡಿ ಮಾಡುವಾಗ ಕೋವಾ ಬಳಕೆ ಮಾಡಿರಬಹುದು. ಬೇಕರಿಯಲ್ಲಿ ಇದು ದುಬಾರಿ ಬೆಲೆಗೆ ಮಾರಾಟ ಮಾಡುತ್ತಾರೆ. ಕೆಲವೊಂದು ಸ್ವೀಟ್‌ಗಳನ್ನು ಕೋವಾ ಬಳಸಿ ಮಾಡುತ್ತಾರೆ. ಇದು ಬಹಳ ರುಚಿಕರವಾಗಿ ಇರುತ್ತೆ. ಹಾಲಿನ ಕೋವಾದಿಂದ ಮಾಡುವಂತಹ ಸ್ವೀಟ್ ಎಲ್ಲರಿಗೂ ಇಷ್ಟವಾಗುತ್ತೆ. ಅದ್ರಲ್ಲೂ ಮಕ್ಕಳಿಗೆ ಕೋವಾ ಸ್ವಿಟ್‌ಗಳು ಬಹಳ ಹಿಡಿಸುತ್ತವೆ.

ಇನ್ನು ಈ ಕೋವಾವನ್ನು ನಾವು ಕೂಡ ಮನೆಯಲ್ಲಿ ಮಾಡಿಕೊಳ್ಳಬಹುದು. ಸುಲಭವಾಗಿ ಮನೆಯಲ್ಲೇ ಮಾಡಿದ ಕೋವಾ ಬಹಳ ರುಚಿಕರವಾಗಿ ಹಾಗೆ ಶುದ್ಧತೆಯಿಂದಲೂ ಕೂಡಿರುತ್ತೆ, ಮತ್ತೆ ಹಲವು ದಿನಗಳ ಕಾಲ ನೀವು ಶೇಖರಿಸಿಡಬಹುದು. ಹಾಗಾದ್ರೆ ನಾವಿಂದು ಮನೆಯಲ್ಲೇ ಈ ರುಚಿಕರ ಕೋವಾ ಮಾಡುವುದು ಹೇಗೆ ಎಂಬುದನ್ನು ತಿಳುದುಕೊಳ್ಳೋಣ.

ಕೋವಾ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡುವ ವಿಧಾನವೇನು? ಮಾಡಲು ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಕೋವಾ ಮಾಡುವುದು ಹೇಗೆ?

ಮೊದಲು ಒಲೆ ಮೇಲೆ ಪಾತ್ರೆ ಇಟ್ಟು ಅದಕ್ಕೆ ಒಂದು ಲೀಟರ್ ಹಾಲು ಹಾಕಿ ಸಣ್ಣ ಉರಿಯಲ್ಲಿ ಕುದಿಯಲು ಬಿಡಬೇಕು. ಆಹಾಗ ತಳ ಹಿಡಿಯದಂತೆ ಹಾಲನ್ನು ಕಲಸುತ್ತಾ ಇರಬೇಕು. 3 ನಿಮಿಷಕ್ಕೆ ಒಮ್ಮೆ ಸೌಟಿನ ಮೂಲಕ ಮಿಶ್ರಣ ಮಾಡುತ್ತಾ ಇರಿ. ಸುಮಾರು 30 ನಿಮಿಷ ಹಾಲು ಕುದಿಯಬೇಕು. ಹಾಲು ಗಟ್ಟಿಯಾಗುವಾಗವಾ ಚೆನ್ನಾಗಿ ತಿರುಗಿಸುತ್ತಾ ಇರಬೇಕು ಇಲ್ಲದಿದ್ದರೆ ತಳ ಹಿಡಿಯುತ್ತದೆ.

ಹಾಲು ಗಟ್ಟಿಯಾಗಲು ಆರಂಭಿಸಿದಾಗ ಉರಿ ಸಣ್ಣದಾಗಿ ಇಟ್ಟುಕೊಳ್ಳಬೇಕು. ಸುಮಾರು 1 ಗಂಟೆಗಳ ಕಾಲ ಹೀಗೆ ಮಾಡಿದಾಗ ಹಾಲು ಗಟ್ಟಿಯಾಗುತ್ತದೆ. 1 ಲೀಟರ್ ಹಾಲಿನಲ್ಲಿ 250 ಗ್ರಾಮ್ ಕೋವಾ ತೆಗೆಯಬಹುದು. ಹಾಲನ್ನು ಇಷ್ಟು ಹೊತ್ತು ಕಾಯಿಸಿದಾಗ ಕೋವಾ ರೆಡಿಯಾಗುತ್ತದೆ. ಮನೆಯ ಹಾಲಿನಲ್ಲಿ ಮಾಡಿದರೆ ಕೋವಾ ಚೆನ್ನಾಗಿರುತ್ತೆ.

ಇದು ಸಾಮಾನ್ಯವಾಗಿ ತುಂಬಾ ಸಮಯ ಹಿಡಿಯುವಂತಹ ವಿಧಾನವಾಗಿದೆ. ಆದ್ರೆ ನಾವೀಗ ಕೇವಲ 5 ನಿಮಿಷದಲ್ಲಿ ಇಂತಹ ರುಚಿಯ ಕೋವಾ ಮಾಡುವ ಮತ್ತೊಂದು ವಿಧಾನ ಕುರಿತು ತಿಳಿಯೋಣ.

ಮೊದಲು ಬಾಣಲೆ ಒಲೆ ಮೇಲೆ ಇಟ್ಟು ಅದಕ್ಕೆ 2 ಕಪ್ ಹಾಲಿನ ಪುಡಿ ಹಾಕಿಕೊಳ್ಳಿ. ಹಾಗೆ ಅದಕ್ಕೆ 2 ಸ್ಪೂನ್ ತುಪ್ಪ, ಹಾಗೆ ಹಾಲಿನ ಪುಡಿ ತೆಗೆದುಕೊಂಡು ಕಪ್‌ನಲ್ಲಿ 1 ಕಪ್ ಕಾಯಿಸಿ ತಣ್ಣಗಾಗಿರುವ ಹಾಲನ್ನು ಇದಕ್ಕೆ ಹಾಕಿಕೊಳ್ಳಿ. ನಂತರ ಚೆನ್ನಾಗಿ ಗಂಟು ಇಲ್ಲದಂತೆ ಮಿಕ್ಸ್ ಮಾಡಿಕೊಳ್ಳಿ. ಸಣ್ಣ ಉರಿ ಇಟ್ಟುಕೊಳ್ಳಿ.

ಇದನ್ನು ಚೆನ್ನಾಗಿ ಕಲಸಿಕೊಳ್ಳುತ್ತಾ ಇರಿ ಕೇವಲ 5 ನಿಮಿಷ ಕಲಸಿಕೊಂಡರೆ ಸಾಕು ಇದು ಕೋವಾ ಆಗಿ ಬದಲಾಗುತ್ತದೆ. ಇದನ್ನು ಫ್ರಿಡ್ಜ್‌ನಲ್ಲಿ ಇಟ್ಟರೆ ತಿಂಗಳುಗಳ ಕಾಲ ಇರುತ್ತದೆ. ಇದರ ರುಚಿ ಕೂಡ ಬರಿ ಹಾಲಿನಲ್ಲಿ ಮಾಡಿದ ಕೋವಾದಂತೆ ಇರಲಿದೆ. ಹಾಗೆ ಇದನ್ನು ಕಡಿಮೆ ಸಮಯದಲ್ಲಿ ಮಾಡಬಹುದು. ಹಲವು ಬೇಕರಿಗಳು, ಹೋಟೆಲ್‌ಗಳು ಇದೇ ರೀತಿ ವಿಧಾನದಲ್ಲಿ ಕೋವಾ ಮಾಡಿಕೊಳ್ಳುತ್ತಾರೆ.