ಸಂಜೆಯ ಸ್ನ್ಯಾಕ್ಸ್‌ಗೆ ಇಲ್ಲಿದೆ ಮಸಾಲ ಶೇಂಗಾ ಖಾರ ಕಡ್ಲೆ..! ಮಾಡೋದು ಬಹಳ ಸುಲಭ!

ಈ ಮಳೆಗಾಲದ ಸಮಯದಲ್ಲಿ ಸಂಜೆ ಸಮಯ ಸವಿಯಲು ಯಾವುದಾದರು ಸ್ನ್ಯಾಕ್ಸ್ ಇದ್ದರೆ ಬಹಳ ರುಚಿ ಎನಿಸಲಿದೆ. ಅದ್ರಲ್ಲು ಟೀ ಕಾಫಿಯೊಂದಿಗೆ ಯಾವುದಾದರು ಕರಿದ ತಿಂಡಿ ಇದ್ದರೆ ಅದ್ಭುತ ರುಚಿ ನೀಡಲಿದೆ. ಅದರಲ್ಲೂ ಬೇಕರಿಗಳಲ್ಲಿ ಸಿಗುವಂತಹ ಯಾವುದಾದರು ತಿಂಡಿ ಬಳಿ ಇದ್ದರೆ ಟೀ ಕಾಫಿಯ ಸವಿಯಲು ಉತ್ತಮ. ಮಳೆಗಾಲದಲ್ಲಂತು ಈ ರೀತಿ ಸವಿಯೋಕೆ ಎಲ್ಲರು ಇಷ್ಟೊಪಡುತ್ತಾರೆ.

ಮಳೆ ಬೀಳುತ್ತಿದ್ದಾಗ ಚಳಿಯಲ್ಲಿ ಬಾಯಿ ರುಚಿಗೆ ತಿಂಡಿ ಸವಿಯುವ ಅಭ್ಯಾಸ ಇಟ್ಟುಕೊಂಡಿರುತ್ತೀರಿ. ಮನೆಯಲ್ಲಿಯೇ ಇಂತಹ ಹಲವು ತಿಂಡಿಗಳ ಮಾಡಿ ಸವಿಯುವುದು ಕಾಮನ್. ಬೇಕರಿ ರುಚಿಯ ಹಲವು ತಿಂಡಿಗಳನ್ನು ಖರೀದಿಸಿ ತಂದು ಸವಿಯುವ ಬದಲಾಗಿ ಮನೆಯಲ್ಲೇ ಮಾಡಿ ಸವಿಯುವುದು ಹೇಗೆ ಅನ್ನೋದನ್ನು ನಾವಿಂದು ತಿಳಿದುಕೊಳ್ಳೋಣ.

ಮಳೆಗಾಲದ ಸಮಯದಲ್ಲಿ ಟೀ ಕಾಫಿಯ ಜೊತೆಗೆ ಸಂಜೆ ಖಾರ ಮಸಾಲ ಕಡ್ಲೆ ಸವಿಯಲು ಇಷ್ಟಪಡುತ್ತಾರೆ, ಬೇಕರಿಗಳಲ್ಲಿ ಸಿಗುವಂತಹ ರುಚಿಯ ಈ ಖಾರವನ್ನು ಮನೆಯಲ್ಲೂ ಕೂಡ ಮಾಡಿ ಸವಿಯಬಹುದು, ಈ ಕೆಂಪು ಖಾರದ ಶೇಂಗಾ ಕಡ್ಲೆ ಸಂಜೆ ಸಮಯದಲ್ಲಿ ಸವಿಯಲು ಬಹಳ ರುಚಿ ನೀಡಲಿದೆ. ಹಾಗಾದ್ರೆ ಈ ಕಡ್ಲೆಯನ್ನ ಮನೆಯಲ್ಲಿ ಮಾಡಿ ಸವಿಯುವುದು ಹೇಗೆ ಅನ್ನೋದನ್ನು ತಿಳಿದುಕೊಳ್ಳೋಣ.

ಮಸಾಲ ಶೇಂಗಾ ಕಡ್ಲೆ ಮಾಡುವುದು ಹೇಗೆ?, ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡುವ ವಿಧಾನವೇನು? ಎಷ್ಟು ಸಮಯ ಹಿಡಿಯಲಿದೆ ಎಂಬುದನ್ನು ನಾವಿಂದು ತಿಳಿದುಕೊಳ್ಳೋಣ.

ಮಸಾಲ ಶೇಂಗಾ ಕಡ್ಲೆ ಮಾಡಲು ಯಾವೆಲ್ಲಾ ವಸ್ತುಗಳು ಬೇಕು?

• ಶೇಂಗಾ ಸ್ವಲ್ಪ
• ಖಾರದ ಪುಡಿ
• ಕಡಲೆ ಹಿಟ್ಟು- 1 ಕಪ್
• ಅಕ್ಕಿ ಹಿಟ್ಟು- 4 ಸ್ಪೂನ್
• ಅರಶಿಣ
• ಇಂಗು
• ಉಪ್ಪು

ಮಸಾಲ ಶೇಂಗಾ ಕಡ್ಲೆ ಮಾಡುವ ವಿಧಾನವೇನು?

ಮೊದಲು ಒಂದು ಪಾತ್ರೆ ತೆಗೆದುಕೊಂಡು ಅದಕ್ಕೆ ಅಳತೆ ಕಪ್‌ನಲ್ಲಿ ಒಂದು ಕಪ್ ಕಡಲೆ ಹಿಟ್ಟು ಹಾಕಿ, ಖಾರದ ಪುಡಿ, ಉಪ್ಪು, ಅಕ್ಕಿ ಹಿಟ್ಟು, ಅರಶಿಣ, ಇಂಗು ಹಾಕಿಕೊಂಡು ಡ್ರೈ ಮಿಕ್ಸ್ ಮಾಡಿ. ನಂತರ ಒಂದು ಕಪ್ ಶೇಂಗಾವನ್ನು ಸಹ ಇದಕ್ಕೆ ಹಾಕಿಕೊಂಡು ಸ್ವಲ್ಪ ಸ್ವಲ್ಪ ನೀರು ಹಾಕಿಕೊಳ್ಳುತ್ತಾ ಕಲಸಿಕೊಳ್ಳಬೇಕು.

ಮಸಾಲೆಗಳು ಚೆನ್ನಾಗಿ ಕಡ್ಲೆಗೆ ಹಿಡಿಯುವಂತಹ ಹದವಾಗಿ ಈ ಹಿಟ್ಟನ್ನು ಮಾಡಿಕೊಳ್ಳಬೇಕು. ನಂತರ ಕಡ್ಲೆಯನ್ನು ಅದೇ ಪಾತ್ರೆಯಲ್ಲಿ ಸ್ವಲ್ಪ ಹರಡಿಕೊಂಡಂತೆ ಮಾಡಿ 10 ನಿಮಿಷಗಳ ಕಾಳ ಬಿಡಬೇಕು. ಈ ಸಮಯದಲ್ಲಿ ಕಡ್ಲೆಗೆ ಮಸಾಲೆ ಚೆನ್ನಾಗಿ ಹಿಡಿಯುತ್ತದೆ. ಇದು ಒಣಗುವಾಗ ಒಲೆ ಮೇಲೆ ಒಂದು ಬಾಣಲೆ ಇಟ್ಟು ಎಣ್ಣೆ ಹಾಕಿ ಬಿಸಿಯಾಗಲು ಬಿಡಿ.

ನಂತರ ಈ ಕಡ್ಲೆಯನ್ನು ನಿಧಾನವಾಗಿ ಬಿಡಿ ಬಿಡಿಯಾಗಿ ಹಾಕಿಕೊಳ್ಳಬೇಕು ಒಟ್ಟಿಗೆ ಹಾಕಿದರೆ ಒಂದಕ್ಕೊಂದು ಅಂಟಿಕೊಳ್ಳುತ್ತವೆ. ಹೀಗಾಗಿ ಬಿಡಿಸಿಕೊಂಡು ಎಣ್ಣೆ ಹಾಕಿಕೊಳ್ಳಿ. ಚೆನ್ನಾಗಿ ಎಣ್ಣೆಯಲ್ಲಿ ಕರಿದ ಬಳಿಕ ಜರಡಿಯಲ್ಲಿ ತೆಗೆದು ಎಣ್ಣೆ ಇಳಿಯಲು ಬಿಡಿ. ತಣ್ಣಗಾದ ಬಳಿಕ ಇದು ಸವಿಯಲು ಸಿದ್ದವಾಗುತ್ತೆ. ಟೀ ಕಾಫಿಯೊಂದಿಗೆ ಸಂಜೆ ಸಮಯದಲ್ಲಿ ಸವಿಯಲು ಬಹಳ ರುಚಿ ನೀಡಲಿದೆ. '

ಮನೆಯಲ್ಲಿ ಮಕ್ಕಳಿಂದ ಹಿಡಿದು ಹಿರಿಯರ ವರೆಗೂ ಇದನ್ನು ಸವಿಯಲು ಬಹಳ ಇಷ್ಟಪಡುತ್ತಾರೆ. ನೀವು ಕೂಡ ಮನೆಯಲ್ಲಿ ಇದನ್ನೊಮ್ಮೆ ಮಾಡಿ ಸವಿದು ನೋಡಿ. ಗಾಳಿ ಹೋಗದಂತೆ ಡಬ್ಬಿಯಲ್ಲಿ ಹಾಕಿ ಇಟ್ಟರೆ ಒಂದಿಷ್ಟು ದಿನ ಇಟ್ಟು ಸವಿಯಬಹುದು. ನೀವು ಸಹ ಮನೆಯಲ್ಲಿ ಇದನ್ನೊಮ್ಮೆ ಮಾಡಿ ಸಂಜೆಯ ಸ್ನ್ಯಾಕ್ಸ್ ಆಗಿ ಸವಿದು ನೋಡಿ. ಹಾಗೆ ಸಮಯ ಕಳೆಯಲು ಕೂಡ ಇದು ಅದ್ಭತವಾಗಿರಲಿದೆ.