2 ಬಾಳೆಹಣ್ಣು ಸಾಕು! ಉಪವಾಸಕ್ಕೆ 10 ನಿಮಿಷದಲ್ಲಿ ಹೊಸ ರುಚಿಯ ಪೂರಿ.. ಮಾಡೋದ ಹೇಗೆ?

ನವರಾತ್ರಿ ಹಬ್ಬದ ಸಮಯದಲ್ಲಿ ಅನೇಕ ಜನರು ಉಪವಾಸ ಆಚರಿಸುತ್ತಾರೆ. ಈ ಅವಧಿಯಲ್ಲಿ ಆಹಾರದ ಬಗ್ಗೆ ವಿಶೇಷ ಕಾಳಜಿ ವಹಿಸಬೇಕಾಗುತ್ತದೆ. ಸಾಮಾನ್ಯವಾಗಿ ಉಪವಾಸದ ಸಮಯದಲ್ಲಿ ಹಣ್ಣುಗಳನ್ನು ಸೇವಿಸುವುದು ರೂಢಿ. ಆದರೆ, ಫಲಾಹಾರದ ಹೊರತಾಗಿ ವಿಭಿನ್ನವಾದದ್ದನ್ನು ಪ್ರಯತ್ನಿಸಲು ಬಯಸುವವರಿಗೆ, ಕುಟ್ಟು ಹಿಟ್ಟು ಮತ್ತು ಕಚ್ಚಾ ಬಾಳೆಹಣ್ಣಿನ ಪೂರಿ (kuttu raw banana puri) ಒಂದು ಉತ್ತಮ ಆಯ್ಕೆ. ಹೆಚ್ಚಿನವರು ಸಬ್ಬಕ್ಕಿ ಮತ್ತು ಆಲೂಗಡ್ಡೆಯಿಂದ ಮಾಡಿದ ಆಹಾರಗಳನ್ನೇ ತಿಂದು ಬೇಸರಗೊಂಡಿರುತ್ತಾರೆ. ಅಂತಹವರಿಗೆ ಈ ಪೂರಿ ಹೊಸ ರುಚಿ ನೀಡಬಲ್ಲದು.

ನವರಾತ್ರಿ (Navratri) ಹಬ್ಬದ ಒಂಬತ್ತು ದಿನಗಳಲ್ಲಿ ಅನೇಕ ಜನರು ಉಪವಾಸ (Navratri Vrat) ಮಾಡುತ್ತಾರೆ. ಸಬ್ಬಕ್ಕಿ ಅಥವಾ ಸಾಬುದಾನಾ ಮತ್ತು ಆಲೂಗಡ್ಡೆಯಿಂದ ಮಾಡಿದ ಆಹಾರಗಳನ್ನು ಸೇವಿಸಿ ಬೇಸರಗೊಂಡಿರುವವರಿಗೆ ಈ ಪೂರಿಗಳು (banana puri) ಹೊಸ ರುಚಿಯನ್ನು ನೀಡುತ್ತವೆ. ಇವು ಅತ್ಯಂತ ರುಚಿಕರವಾಗಿರುವುದಲ್ಲದೆ, ಮನೆಯಲ್ಲಿ ಸುಲಭವಾಗಿ ತಯಾರಿಸಬಹುದಾಗಿದೆ. ವ್ರತದ ಸಮಯದಲ್ಲಿ ತಯಾರಿಸುವ ಆಲೂಗಡ್ಡೆ ಪಲ್ಯದೊಂದಿಗೆ ಇವುಗಳನ್ನು ಸವಿಯಬಹುದು. ನಾವಿಂದು ಈ ಲೇಖನದಲ್ಲಿ ಕುಟ್ಟು ಹಿಟ್ಟು ಮತ್ತು ಕಚ್ಚಾ ಬಾಳೆಹಣ್ಣಿನ ಪೂರಿ (Banana Puri Recipe) ತಯಾರಿಸುವ ವಿಧಾನವನ್ನು ತಿಳಿಸಲಾಗಿದೆ.

ಬಾಳೆಹಣ್ಣಿನ ಪೂರಿಗೆ ಬೇಕಾಗುವ ಸಾಮಗ್ರಿಗಳು

• ಕಚ್ಚಾ ಬಾಳೆಹಣ್ಣುಗಳು - 2
• ಕುಟ್ಟು ಹಿಟ್ಟು - ಒಂದು ಕಪ್
• ಸೇಂಧಾ ನಮಕ್ (ಉಪವಾಸದ ಉಪ್ಪು) -ರುಚಿಗೆ ತಕ್ಕಷ್ಟು
• ಕಾಳು ಮೆಣಸಿನ ಪುಡಿ - ಅರ್ಧ ಚಮಚ
• ಅಡುಗೆ ಎಣ್ಣೆ - ಕರಿಯಲು
• ಕೊತ್ತಂಬರಿ ಸೊಪ್ಪು - 2 ಚಮಚ (ಚಿಕ್ಕದಾಗಿ ಕತ್ತರಿಸಿದ್ದು)

ಕುಟ್ಟು ಹಿಟ್ಟು ಮತ್ತು ಕಚ್ಚಾ ಬಾಳೆಹಣ್ಣಿನ ಪೂರಿ ಮಾಡುವ ವಿಧಾನ

ಮೊದಲಿಗೆ, ಕಚ್ಚಾ ಬಾಳೆಹಣ್ಣು ಅಥವಾ ಬಾಳೇಕಾಯಿಗಳನ್ನು ಚೆನ್ನಾಗಿ ತೊಳೆಯಿರಿ. ಇದನ್ನು ಪ್ರೆಶರ್ ಕುಕ್ಕರ್‌ನಲ್ಲಿ ಸುಮಾರು 2-3 ವಿಸಿಲ್‌ಗಳವರೆಗೆ ಬೇಯಿಸಿಕೊಳ್ಳಿ. ನಂತರ ಸಿಪ್ಪೆ ತೆಗೆದು, ಯಾವುದೇ ಗಂಟುಗಳಿಲ್ಲದಂತೆ ನುಣ್ಣಗೆ ಮ್ಯಾಶ್ ಮಾಡಿ ಪಕ್ಕಕ್ಕಿಡಿ. ಇದು ಪೂರಿ ಹಿಟ್ಟಿಗೆ ಉತ್ತಮ ವಿನ್ಯಾಸ ನೀಡುತ್ತದೆ.

ಈಗ ಒಂದು ದೊಡ್ಡ ಪಾತ್ರೆಯಲ್ಲಿ ಕುಟ್ಟೂ ಹಿಟ್ಟನ್ನು ತೆಗೆದುಕೊಂಡು ಅದಕ್ಕೆ ಸೇಂದಾ ನಮಕ್, ಕಾಳುಮೆಣಸಿನ ಪುಡಿ ಮತ್ತು 2 ಚಮಚ ಎಣ್ಣೆ ಹಾಕಿ. ಎಣ್ಣೆ ಸೇರಿಸುವುದರಿಂದ ಪೂರಿಗಳು ಮೃದುವಾಗುತ್ತವೆ. ಈ ಮಿಶ್ರಣವನ್ನು ಚೆನ್ನಾಗಿ ಕಲಸಿ.

ಈಗ ಮ್ಯಾಶ್ ಮಾಡಿದ ಬಾಳೇಕಾಯಿ ಮತ್ತು ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಹಿಟ್ಟಿಗೆ ಸೇರಿಸಿ. ಬಾಳೇಕಾಯಿಯಲ್ಲಿನ ತೇವಾಂಶವೇ ಹಿಟ್ಟು ಕಲಸಲು ಸಾಕು. ಅಗತ್ಯವೆನಿಸಿದರೆ, ಕೇವಲ ಒಂದು ಚಮಚ ನೀರು ಸೇರಿಸಿ ಗಟ್ಟಿಯಾದ, ನಯವಾದ ಪೂರಿ ಹಿಟ್ಟನ್ನು ಕಲಸಿ. ಕುಟ್ಟೂ ಹಿಟ್ಟನ್ನು ಹೆಚ್ಚು ಸಮಯ ಇಡದೆ ತಕ್ಷಣವೇ ಬಳಸುವುದು ಉತ್ತಮ.

ಕಲಸಿದ ಹಿಟ್ಟಿನಿಂದ ಸಣ್ಣ ಸಣ್ಣ ಪೂರಿ ತಯಾರಿಸಿಕೊಳ್ಳಿ. ಕುಟ್ಟೂ ಹಿಟ್ಟು ಸುಲಭವಾಗಿ ಒಡೆಯುವ ಗುಣ ಹೊಂದಿರುವುದರಿಂದ, ಲಟ್ಟಣಿಗೆ ಮಣೆ ಮೇಲೆ ಸ್ವಲ್ಪ ಎಣ್ಣೆ ಸವರಿ ಅಥವಾ ಪ್ಲಾಸ್ಟಿಕ್ ಶೀಟ್‌ಗಳ ನಡುವೆ ಇಟ್ಟು, ನಿಧಾನವಾಗಿ ಮತ್ತು ಹಗುರವಾಗಿ ಲಟ್ಟಿಸಿ ಪೂರಿಗಳನ್ನು ತಯಾರಿಸಿ.

ಒಂದು ಕಡಾಯಿಯಲ್ಲಿ ಎಣ್ಣೆಯನ್ನು ಚೆನ್ನಾಗಿ ಕಾಯಿಸಿ. ಎಣ್ಣೆ ಸಂಪೂರ್ಣವಾಗಿ ಬಿಸಿಯಾದ ನಂತರ ತಯಾರಿಸಿದ ಪೂರಿಗಳನ್ನು ಒಂದೊಂದಾಗಿ ಹಾಕಿ. ಪೂರಿಗಳು ಉಬ್ಬಿ, ಚಿನ್ನದ ಕಂದು ಬಣ್ಣಕ್ಕೆ ತಿರುಗುವವರೆಗೆ ಕರಿಯಿರಿ. ನಂತರ ಎಣ್ಣೆಯಿಂದ ತೆಗೆದು ಟಿಶ್ಯೂ ಪೇಪರ್ ಮೇಲೆ ಇಡಿ. ಹೆಚ್ಚುವರಿ ಎಣ್ಣೆ ತೆಗೆಯಿರಿ.

ಇಷ್ಟು ಮಾಡಿದರೆ ಸಾಕು, ಬಿಸಿ ಬಿಸಿಯಾದ ಕುಟ್ಟೂ ಮತ್ತು ಬಾಳೇಕಾಯಿ ಪೂರಿ ಸಿದ್ಧ. ಇವುಗಳನ್ನು ವ್ರತ ಸ್ನೇಹಿ ಆಲೂಗಡ್ಡೆ ಕರಿ ಅಥವಾ ಮೊಸರಿನೊಂದಿಗೆ ಸವಿಯಬಹುದು. ನವರಾತ್ರಿ ವ್ರತದ ಸಮಯದಲ್ಲಿ ಈ ರುಚಿಕರವಾದ ರೆಸಿಪಿಯನ್ನು ಖಂಡಿತಾ ಪ್ರಯತ್ನಿಸಿ, ನಿಮ್ಮ ಉಪವಾಸವನ್ನು ಇನ್ನಷ್ಟು ವಿಶೇಷವಾಗಿಸಿಕೊಳ್ಳಿ.