ಸುಲೈಮನಿ ಟೀ ಮಾಡುವುದು ಹೇಗೆ? ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಟೀ

ಸುಲೈಮನಿ ಟೀ ಕೇರಳದ ಮಲಬಾರ್ ಕಡೆ ಪ್ರಸಿದ್ಧ, ಇದರ ವಿಶೇಷತೆ ಏನಪ್ಪಾ ಅಂದ್ರೆ ಇದನ್ನು ಅರಬ್‌ ದೇಶಗಳಲ್ಲಿ ತಯಾರಿಸಿ ಕುಡಿಯಲಾಗುತ್ತಿತ್ತು, ಅದು ಕೇರಳಕ್ಕೂ ಪರಿಚಯವಾಗಿದೆ, ಈಗ ಈ ಟೀ ತುಂಬಾನೇ ಜನಪ್ರಿಯತೆ ಗಳಿಸಿದೆ, ಅದಕ್ಕೆ ಕಾರಣ ಇದರಲ್ಲಿರುವ ಆರೋಗ್ಯವರ್ಧಕ ಗುಣಗಳು. ಜೀರ್ಣಕ್ರಿಯೆಗೆ , ತೂಕ ನಿಯಂತ್ರಣಕ್ಕೆ ಈ ಟೀ ತುಂಬಾನೇ ಒಳ್ಳೆಯದು, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
2 ಲವಂಗ
1/2 ಇಂಚಿನಷ್ಟು ಉದ್ದವಿರುವ ಚಕ್ಕೆ
2 ಏಲಕ್ಕಿ
1 ಚಮಚ ತುರಿದ ಶುಂಠಿ
1 ಚಮಚ ಸಕ್ಕರೆ
ಟೀ ಪುಡಿ (ಟೀ ಎಲೆ ಬಳಸಿ)
1/2 ನಿಂಬೆರಸ
2 ಕಪ್‌ ನೀರು

ಮಾಡುವ ವಿಧಾನ

• ಟೀ ಪಾತ್ರೆಗೆ ನೀರು ಹಾಕಿ ಅದರಲ್ಲಿ ಎಲೆ, ಚಕ್ಕೆ, ಲವಂಗ, ಏಲಕ್ಕಿ, ಶುಂಠಿ ಇವುಗಳನ್ನು ಸೇರಿಸಿ.
• ನೀರು ಕುದಿ ಬರಲಾರಂಭಿಸಿದಾಗ ಸಕ್ಕರೆ ಸೇರಿಸಿ 2-3 ನಿಮಿಷ ಕುದಿಸಿ
• ಈಗ ಟೀಯನ್ನು ಸೋಸಿ ಲೋಟಕ್ಕೆ ಹಾಕಿ ಬಳಿಕ ನಿಂಬೆ ರಸ ಹಿಂಡಿ ತಕ್ಷಣವೇ ಸರ್ವ್‌ ಮಾಡಿ.

ಸಲಹೆ
ನೀವು ಸಕ್ಕರೆ ಹಾಕಲು ಬಳಸದಿದ್ದರೆ ಜೇನು, ಡೇಟ್ಸ್ ಸಿರಪ್ (ಖರ್ಜೂರ ರಸ) ಸೇರಿಸಿ ಕೂಡ ಬಳಸಬಹುದು
ಇದಕ್ಕೆ ಬೇಕಾದರೆ ಒಂದೆರಡು ಎಸಳು ಕೇಸರಿ ಸೇರಿಸಿ ಕೂಡ ಮಾಡಬಹುದು.

ಸುಲೈಮನಿ ಎಂದರೇನು?
ಈ ಟೀ ಅರಬ್‌ ದೇಶಗಳಲ್ಲಿ ಪ್ರಸಿದ್ಧ, ಕೇರಳದ ಮಲಬಾರ್‌ನಲ್ಲಿ ಈ ಟೀ ಪ್ರಸಿದ್ಧವಾಗಿದೆ. ಈ ಟೀಯನ್ನು ಮಸಾಲೆ ಹಾಕಿ ತಯಾರಿಸಲಾಗುವುದು. ಈ ಟೀ ಕುಡಿಯಲು ತುಂಬಾ ಚೆನ್ನಾಗಿರುತ್ತದೆ, ಊಟ ಮಾಡಿದ ಬಳಿಕ ಈ ಟೀ ಕುಡಿದರಂತೂ ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು.

ಸುಲೈಮನಿ ಪ್ರಯೋಜನಗಳೇನು?

• ಬ್ಲ್ಯಾಕ್‌ ಟೀ ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು.
• ಆಂಟಿಆಕ್ಸಿಡೆಂಟ್‌ ಅಧಿಕವಿರುವುದರಿಂದ ರೋಗ ನಿರೋಧಕ ಶಕ್ತಿ ಹೆಚ್ಚುವುದು
• ಈ ಟೀ ಹೃದಯದ ಆರೋಗ್ಯಕ್ಕೆ ಒಳ್ಳೆಯದು
• ತ್ವಚೆ ಆರೋಗ್ಯಕ್ಕೆ ಒಳ್ಳೆಯದು.
• ಬ್ಲ್ಯಾಕ್‌ ಟೀ ಕಣ್ಣಿನ ಕೆಳಗಡೆ ಹಚ್ಚಿದರೆ ಟಾರ್ಕ್‌ ಸರ್ಕಲ್‌ ಕೂ ಹೋಗಲಾಡಿಸಬಹುದು, ಆದರೆ ಈ ರೀತಿ ಮಸಾಲೆ ಹಾಕಿದ ಟೀ ಹಚ್ಚಬೇಡಿ.

ಈ ಟೀ ದಿನಕ್ಕೆ ಒಂದು ಬಾರಿ ಅಥವಾ ಎರಡು ಬಾರಿ ಕುಡಿಯಬಹುದು,ಆದರೆ ದಿನದಲ್ಲಿ 2ಕ್ಕಿಂತ ಹೆಚ್ಚು ಕುಡಿಯಬೇಡಿ. ಹಬ್ಬದಡುಗೆ, ರೆಸ್ಟೋರೆಂಟ್‌ ಅಡುಗೆ ತಿಂದಾಗ ಸೋಡಾ ಕುಡಿಯುವ ಬದಲಿಗೆ ಇದನ್ನು ಮಾಡಿ ಕುಡಿದರೆ ಜೀರ್ಣಕ್ರಿಯೆಗೆ ತುಂಬಾನೇ ಒಳ್ಳೆಯದು.

ಈ ಟೀ ಪ್ರತಿನಿತ್ಯ ಕುಡಿಯುವುದರಿಂದ ಯಾವುದೇ ಸಮಸ್ಯೆಯಿಲ್ಲ, ಬದಲಿಗೆ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು.

ಬ್ಲ್ಯಾಕ್‌ ಟೀ ಅಥವಾ ಲೆಮನ್‌ ಟೀಗಿಂತ ಸ್ವಲ್ಪ ಭಿನ್ನ ಟೀ, ನೀವು ಚಕ್ಕೆ ಲವಂಗ ಕಡಿಮೆ ಹಾಕಿ, ಅಲ್ಲದೆ ಈ ಟೀಯ ಸ್ವಾದ ತುಂಬಾನೇ ಇಷ್ಟವಾಗುವುದು ಕೂಡ.