ಮಕ್ಕಳಿಗೆ ಮುದ್ದಾದ ಟಿಫಿನ್! ಹೆಲ್ದಿ & ಸ್ವೀಟ್.. ನಿಮಿಷಗಳಲ್ಲಿ ಮಾಡಿ ಈ ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್

ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್. ಮಕ್ಕಳ ಬ್ರೇಕ್‌ಫಾಸ್ಟ್‌ಗೆ ಬೆಸ್ಟ್ ಆಯ್ಕೆ. ರುಚಿ ಜೊತೆ ಆರೋಗ್ಯವೂ ಡಬಲ್. ಹೌದು, ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್ ಮಕ್ಕಳಿಗೆ ತುಂಬಾ ಇಷ್ಟವಾಗುವ ರೆಸಿಪಿಯಾಗಿದೆ. ನಿಮ್ಮ ಮಕ್ಕಳಿಗೆ ಟಿಫಿನ್‌ನಲ್ಲಿ ತಾಜಾ ಮತ್ತು ಆರೋಗ್ಯಕರವಾದದ್ದನ್ನು ನೀಡಲು ಬಯಸಿದರೆ, ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್‌ಗಿಂತ (Fruit Salad Sandwich) ಉತ್ತಮ ಆಯ್ಕೆ ಬೇರೊಂದಿಲ್ಲ. ಇದನ್ನು ಯಾವುದೇ ಕಷ್ಟವಿಲ್ಲದೆ ಕೆಲವೇ ನಿಮಿಷಗಳಲ್ಲಿ ತಯಾರಿಸಬಹುದು. ಇದು ಸಿಹಿ ಮತ್ತು ಪೌಷ್ಟಿಕಾಂಶಯುಕ್ತ ಟಿಫಿನ್ ಆಗಿದೆ. ಈ ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್ ಮಾಡುವ ಸುಲಭ ವಿಧಾನ ತಿಳಿಯಲು ಮುಂದೆ ಓದಿ.

ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್ ಒಂದು ವಿಶಿಷ್ಟವಾದ ಮತ್ತು ಸಿಹಿ ಸ್ಯಾಂಡ್‌ವಿಚ್ ಆಗಿದೆ. ಹೆಸರೇ ಸೂಚಿಸುವಂತೆ, ಹಣ್ಣಿನ ಸಲಾಡ್ ಮತ್ತು ಸ್ಯಾಂಡ್‌ವಿಚ್‌ನ ಅಂಶಗಳನ್ನು ಇದು ಸಂಯೋಜಿಸುತ್ತದೆ. ಇದು ಸಾಮಾನ್ಯವಾಗಿ ಸಿಹಿ ಕ್ರೀಮ್ ಚೀಸ್ ಅಥವಾ ವಿಪ್ಡ್ ಕ್ರೀಮ್‌ನೊಂದಿಗೆ ಬೆರೆಸಿದ ವಿವಿಧ ಹಣ್ಣುಗಳನ್ನು ಒಳಗೊಂಡಿರುತ್ತದೆ. ಇದರಲ್ಲಿ ಬಳಸುವ ತಾಜಾ ಹಣ್ಣುಗಳು ಮಕ್ಕಳಿಗೆ ಅಗತ್ಯವಾದ ಪೋಷಣೆಯನ್ನು ನೀಡುತ್ತವೆ. ಕ್ರೀಮ್ ಅಥವಾ ಮೊಸರಿನೊಂದಿಗೆ ಇದರ ರುಚಿ ಇನ್ನಷ್ಟು ಅದ್ಭುತವಾಗಿರುತ್ತದೆ. ನಿಮ್ಮ ಮಗುವಿನ ಟಿಫಿನ್ ರುಚಿಕರ ಮತ್ತು ಆರೋಗ್ಯಕರವಾಗಿರವಾಗಿಯೂ ಇರುತ್ತದೆ. ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್ ತಯಾರಿಸಲು ಬೇಕಾಗುವ ಸಾಮಗ್ರಿಗಳು ಮತ್ತು ಈ ಸ್ಯಾಂಡ್‌ವಿಚ್ ಮಾಡುವ ವಿಧಾನ (Fruit Salad Sandwich Recipe) ಇಲ್ಲಿದೆ.

ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

• ಬ್ರೆಡ್ ಸ್ಲೈಸ್ - 4 ರಿಂದ 6 ಪೀಸ್
• ಸೇಬು - 1 ಸಣ್ಣಗೆ ಕತ್ತರಿಸಿದ್ದು
• ಬಾಳೆಹಣ್ಣು - 1 ಕತ್ತರಿಸಿದ್ದು
• ದ್ರಾಕ್ಷಿ - 10 ರಿಂದ 12 ಕತ್ತರಿಸಿದ್ದು
• ದಾಳಿಂಬೆ - 2 ಸ್ಪೂನ್
• ಕಿತ್ತಳೆ ಅಥವಾ ಕಿವಿ - 1 ಸಣ್ಣ (ಬೇಕಿದ್ದರೆ)
• ಫ್ರೆಶ್ ಕ್ರೀಮ್ - 3 ಸ್ಪೂನ್ ಅಥವಾ ಗಟ್ಟಿ ಮೊಸರು - 4 ಸ್ಪೂನ್
• ಜೇನುತುಪ್ಪ - 1 ಸ್ಪೂನ್ ಅಥವಾ ರುಚಿಗೆ ತಕ್ಕಷ್ಟು
• ರುಚಿಗೆ ತಕ್ಕಷ್ಟು ಉಪ್ಪು
• ಮೆಣಸು - ಒಂದು ಚಿಟಿಕೆ
• ಬೆಣ್ಣೆ - ಸ್ವಲ್ಪ (ಬ್ರೆಡ್ ಮೇಲೆ ಸವರಲು)

ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್ ಮಾಡುವ ವಿಧಾನ

ಮೊದಲು, ಎಲ್ಲಾ ಹಣ್ಣುಗಳನ್ನು ಚೆನ್ನಾಗಿ ತೊಳೆಯಿರಿ. ಅವುಗಳನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ. ಹಣ್ಣುಗಳು ಹೆಚ್ಚು ನೀರಿರುವಂತೆ ನೋಡಿಕೊಳ್ಳಿ. ಇದರಿಂದ ಸ್ಯಾಂಡ್‌ವಿಚ್ ನೆನೆಯುವುದಿಲ್ಲ. ಈಗ ಮಿಕ್ಸಿಂಗ್ ಬೌಲ್‌ನಲ್ಲಿ ಕತ್ತರಿಸಿದ ಎಲ್ಲಾ ಹಣ್ಣುಗಳನ್ನು ಹಾಕಿ. ಈಗ ಅದಕ್ಕೆ ಫ್ರೆಶ್ ಕ್ರೀಮ್ ಅಥವಾ ಗಟ್ಟಿ ಮೊಸರು ಹಾಕಿ. ನಂತರ ಜೇನುತುಪ್ಪ, ಒಂದು ಚಿಟಿಕೆ ಉಪ್ಪು ಮತ್ತು ಸ್ವಲ್ಪ ಮೆಣಸು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಈಗ ನಿಮ್ಮ ಫ್ರೂಟ್ ಸಲಾಡ್ ಸಿದ್ಧ.

ಬ್ರೆಡ್ ಸ್ಲೈಸ್‌ನ ಅಂಚುಗಳನ್ನು ಬೇಕಿದ್ದರೆ ಕತ್ತರಿಸಬಹುದು. ಈಗ ಪ್ರತಿ ಸ್ಲೈಸ್ ಮೇಲೆ ಸ್ವಲ್ಪ ಬೆಣ್ಣೆ ಹಚ್ಚಿ, ಇದರಿಂದ ಬ್ರೆಡ್ ಮೆತ್ತಗಾಗುವುದಿಲ್ಲ. ಒಂದು ಬ್ರೆಡ್ ಸ್ಲೈಸ್ ಮೇಲೆ ತಯಾರಿಸಿದ ಫ್ರೂಟ್ ಸಲಾಡ್ ಮಿಶ್ರಣವನ್ನು ಹರಡಿ. ಇನ್ನೊಂದು ಸ್ಲೈಸ್ ಅನ್ನು ಅದರ ಮೇಲೆ ಇಟ್ಟು ಲಘುವಾಗಿ ಒತ್ತಿ. ಈಗ ಈ ಸ್ಯಾಂಡ್‌ವಿಚ್ ಅನ್ನು ತ್ರಿಕೋನ ಅಥವಾ ಚೌಕಾಕಾರದಲ್ಲಿ ಕತ್ತರಿಸಿ. ಇದನ್ನು ಮಕ್ಕಳ ಟಿಫಿನ್‌ನಲ್ಲಿ ಪ್ಯಾಕ್ ಮಾಡಿ ಅಥವಾ ತಕ್ಷಣವೇ ತಿನ್ನಲು ಕೊಡಬಹುದು. ಹೀಗೆ ಮನೆಯಲ್ಲಿಯೇ ಸುಲಭವಾಗಿ ಫ್ರೂಟ್ ಸಲಾಡ್ ಸ್ಯಾಂಡ್‌ವಿಚ್ ತಯಾರಿಸಿ ನಿಮ್ಮ ಮಕ್ಕಳಿಗೆ ನೀಡುವುದರಿಂದ ಅವರು ಇಷ್ಟಪಟ್ಟು ತಿನ್ನುತ್ತಾರೆ. ಜೊತೆಗೆ ಆರೋಗ್ಯವಾಗಿರುತ್ತಾರೆ.