ಬಟಾಣಿ ಗ್ರೇವಿ ಹೀಗೆ ಮಾಡಿದರೆ ಸೂಪರ್ ಆಗಿರುತ್ತದೆ?

ಬಟಾಣಿ ಗ್ರೇವಿ ಅನ್ನಕ್ಕಾದರೂ, ಘೀರೈಸ್, ಚಪಾತಿ, ಪರೋಟಾ ಹೀಗೆ ಯಾವುದೇ ಬಗೆಯ ಆಹಾರಕ್ಕಾದರೂ ಸೂಪರ್ ಕಾಂಬಿನೇಷನ್. ಫ್ರೋಝನ್‌ ಬಟಾಣಿ ಅಥವಾ ಹಸಿ ಬಟಾಣಿ ಗ್ರೇವಿ ಮಾಡುವ ರೆಸಿಪಿ ಇಲ್ಲಿ ನೀಡಲಾಗಿದೆ. ಈ ಗ್ರೇವಿ ತುಂಬಾ ಚೆನ್ನಾಗಿರುತ್ತದೆ, ಈ ಗ್ರೇವಿ ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
1 ಚಮಚ ಎಣ್ಣೆ
1 ಚಮಚ ಕಾಶ್ಮೀರಿ ಖಾರದ ಪುಡಿ
ಅರ್ಧ ಚಮಚ ಗರಂ ಮಸಾಲ ಪುಡಿ
1 ಚಮಚ ಕೊತ್ತಂಬರಿ ಪುಡಿ
ರುಚಿಗೆ ತಕ್ಕ ಉಪ್ಪು
4-5 ಟೊಮೆಟೊ
1-2 ಈರುಳ್ಳಿ
ಶುಂಠಿ ಬೆಳ್ಳುಳ್ಳಿ ಪೇಸ್ಟ್ 1 ಚಮಚ( ಪೇಸ್ಟ್‌ ಇಲ್ಲದಿದ್ದರೆ ಜಜ್ಜಿದ ಶುಂಠಿ, ಬೆಳ್ಳುಳ್ಳಿ ಬಳಸಹುದು)
ಗೋಡಂಬಿ 8-10
ಮೊಸರು 1/4 ಕಪ್‌

ಒಗ್ಗರಣೆಗೆ
1 ಚಮಚ ಎಣ್ಣೆ
ಸ್ವಲ್ಪ ಕರಿಬೇವು
ಲವಂಗ 2 ' 1/2 ಚಮಚ ಜೀರಿಗೆ

ಮಾಡುವ ವಿಧಾನ

• ಗೋಡಂಬಿಯನ್ನು ಮಿಕ್ಸಿ ಜಾರ್‌ಗೆ ಹಾಕಿ ಸ್ವಲ್ಪ ಮೊಸರು ಹಾಕಿ ಪೇಸ್ಟ್‌ ಮಾಡಿ
• ಈಗ ಕುಕ್ಕರ್‌ಗೆ 2 ಚಮಚ ಎಣ್ಣೆ ಹಾಕಿ
• ನಂತರ ಸ್ವಲ್ಪ ಸಾಸಿವೆ ಹಾಕಿ, ಸಾಸಿವೆ ಚಟ್‌ಪಟ್‌ ಶಬ್ದ ಮಾಡುವಾಗ ಈರುಳ್ಳಿ ಹಾಕಿ
• ನಂತರ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಅಥವಾ ಜಜ್ಜಿ ಹಾಕಿ
• ಟೊಮೆಟೊ ಹಾಕಿ ಮೆತ್ತಗಾಗುವವರೆಗೆ ಫ್ರೈ ಮಾಡಿ.
• ನಂತರ ಅದನ್ನು ತೆಗೆದು ಮಿಕ್ಸಿ ಜಾರ್‌ಗೆ ಹಾಕಿ ತಣ್ಣಗಾದ ಮೇಲೆ ರುಬ್ಬಿ
• ನಂತರ ಅದೇ ಕುಕ್ಕರ್‌ಗೆ 1 ಚಮಚ ಎಣ್ಣೆ ಹಾಕಿ ಬಿಸಿ ಮಾಡಿ ಸ್ವಲ್ಪ ಕರಿಬೇವು ಹಾಕಿ, 2ಲವಂಗ , ಒಂದು ಇಂಚಿನಷ್ಟು ಚಕ್ಕೆ, 1 ಏಲಕ್ಕಿ, 1 ಚಮಚ ಜೀರಿಗೆ ಹಾಕಿ, ಜೀರಿಗೆ ಚಟ್‌ಪಟ್‌ ಶಬ್ದ ಮಾಡುವಾಗ ಮತ್ತೊಂದು ಈರುಳ್ಳಿ ಹಾಕಿ, ನಂತರ ಗೋಡಂಬಿ ಪೇಸ್ಟ್‌ ಹಾಕಿ, ನಂತರ ಟೊಮೆಟೊ ಪೇಸ್ಟ್‌ ಹಾಕಿ.
• ನಂತರ ಸ್ವಲ್ಪ ನೀರು ಹಾಕಿ ಕಾಶ್ಮೀರಿ ಪುಡಿ, 1 ಚಮಚ ಮಸಾಲ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸ್‌ ಮಾಡಿ
• ನಂತರ ಮಸಾಲೆ ಕುದಿ ಬರಲಿ
• ನಂತರ ಅರ್ಧ ಅಥವಾ ಒಂದು ಕಪ್ ಬಟಾಣಿ ಹಾಕಿ, ನಂತರ ಕುಕ್ಕರ್‌ ವಿಶಲ್‌ ಹಾಕಿ ಒಂದು ವಿಶಲ್‌ ಬರುವವರೆಗೆ ಬೇಯಿಸಿ.
• ಎರಡು ವಿಶಲ್‌ ಬರುವವರೆಗೆ ಬೇಯಿಸಿದರೆ ತುಂಬಾ ಮೆತ್ತಗಾಗುವುದು.
• ಹಾಗಾಗಿ ಒಂದು ವಿಶಲ್‌ ಬರುವವರೆಗೆ ಬೇಯಿಸಿ
• ಸ್ವಲ್ಪ ಕೊತ್ತಂಬರಿ ಸೊಪ್ಪು ಹಾಕಿ

ಬಟಾಣಿ: ನೀವು ಫ್ರೋಝನ್‌ ಹಾಕಿ ಅಥವಾ ಹಸಿ ಬಟಾಣಿ ಹಾಕಿ

ನೀವು ಗ್ರೇವಿ ಮಾಡಲು ಚಕ್ಕೆ, ಏಲಕ್ಕಿ, ಲವಂಗ, ಪಲಾವ್‌ ಎಲೆ ಆಥವಾ ಕರಿಬೇವು ಸೇರಿಸಿ

ಟೊಮಟೊವನ್ನು ಪೇಸ್ಟ್‌ ಮಾಡದೆ ಕೂಡ ಬಳಸಬಹುದು, ಸೌಟ್‌ನಲ್ಲಿಯೇ ಪೇಸ್ಟ್‌ ಮಾಡಬಹುದು.