ಎಲ್ಲರ ಬಾಯಲ್ಲೂ ನೀರು ತರಿಸುವ ಗೋಧಿ ಕಡಿ ಪಾಯಸ ಮಾಡಿ!

ಹಬ್ಬದ ಸಮಯದಲ್ಲಿ ಮಾಡುವ ರುಚಿ ರುಚಿಯ ಹಾಗೆ ಎಲ್ಲರಿಗೂ ಇಷ್ಟವಾಗುವ ಸಿಹಿಗಳ ಪೈಕಿ ನಾವು ಪಾಯಸವನ್ನು ಸವಿಯಲು ಬಹಳ ಇಷ್ಟಪಡುತ್ತೇವೆ. ಹಬ್ಬ, ವ್ರತ, ವಿಶೇಷ ದಿನ, ಶುಭ ಕಾರ್ಯಗಳ ಮಾಡುವಾಗ, ಖುಷಿ ವಿಚಾರಗಳಿದ್ದಾಗ ಸಿಹಿ ಮಾಡುತ್ತಾರೆ. ಸಾಮಾನ್ಯವಾಗಿ ಪಾಯಸ ಮಾಡುವಾಗ ಎಲ್ಲರಿಗೂ ಇಷ್ಟವಾಗುವಂತಹ ಪಾಯಸ ಮಾಡುತ್ತಾರೆ.

ಪಾಯಸದಲ್ಲಿ ಹತ್ತು ಹಲವು ಬಗೆಗಳಿವೆ. ನಾವಿಂದು ಸುಲಭವಾಗಿ ಮಾಡುವ ಗೋಧಿ ಕಡಿ ಪಾಯಸ ಕುರಿತಾಗಿ ತಿಳಿದುಕೊಳ್ಳೋಣ. ಗೋಧಿ ಕಡಿ ಪಾಯಸ ಅಂದ್ರೆ ಹಲವರ ಬಾಯಲ್ಲಿ ನೀರು ಬರಲಿದೆ. ಹಾಗೆ ಈ ಪಾಯಸ ಮಾಡಲು 5 ನಿಮಿಷ ಸಾಕಾಗುತ್ತದೆ. ಹಾಗಾದ್ರೆ ಈ ಗೋಧಿ ಕಡಿ ಪಾಯಸ ಮಾಡುವುದು ಹೇಗೆ ಅನ್ನೋದನ್ನು ನಾವಿಲ್ಲಿ ತಿಳಿದುಕೊಳ್ಳೋಣ.

ಈ ಗೋಧಿ ಕಡಿ ಪಾಯಸ ಎಲ್ಲಾ ದಿನದಲ್ಲೂ ಸವಿಯಬಹುದು. ಹಾಗೆ ಇದು ಆರೋಗ್ಯದ ದೃಷ್ಟಿಯಿಂದಲೂ ಬಹಳ ಉತ್ತಮವಾದ ಸಿಹಿ. ಹಾಗೆ ಮಾಡಲು ಕಡಿಮೆ ವಸ್ತುಗಳು ಸಾಕಾಗುತ್ತದೆ. ಹಾಗಾದ್ರೆ ವಿಶೇಷ ದಿನದಲ್ಲಿ ಸಂಭ್ರಮ ಹೆಚ್ಚಿಸುವಂತಹ ಈ ಗೋಧಿ ಕಡಿ ಪಾಯಸ ಮಾಡುವುದು ಹೇಗೆ ಅನ್ನೋದನ್ನು ತಿಳಿದುಕೊಳ್ಳಿ. ಗೋಧಿ ಕಡಿ ಪಾಯಸ ಮಾಡಲು ಯಾವೆಲ್ಲಾ ಪದಾರ್ಥಗಳು ಬೇಕು? ಮಾಡುವ ವಿಧಾನವೇನು? ಎಷ್ಟು ಸಮಯ ಹಿಡಿಯಲಿದೆ ಎಂಬ ಮಾಹಿತಿ ಇಲ್ಲಿದೆ.

ಗೋಧಿ ಕಡಿ ಪಾಯಸ ಮಾಡಲು ಬೇಕಾಗುವ ಪದಾರ್ಥಗಳು

• ಗೋಧಿ ಕಡಿ
• ಬೆಲ್ಲ
• ಗೋಡಂಬಿ
• ಕಡಲೆ ಬೇಳೆ
• ದ್ರಾಕ್ಷಿ
• ತುಪ್ಪ
• ಏಲಕ್ಕಿ

ಗೋಧಿ ಕಡಿ ಪಾಯಸ ಮಾಡುವ ವಿಧಾನವೇನು?

ಮೊದಲು ಒಂದು ಬೌಲ್‌ಗೆ ಗೋಧಿ ಕಡಿ ಹಾಕಿಕೊಂಡು ಅದಕ್ಕೆ ಕಾಲು ಕಪ್ ಕಡಲೆ ಬೇಳೆ ಸೇರಿಸಿ ನೀರು ಹಾಕಿ ಚೆನ್ನಾಗಿ 2 ಬಾರಿ ತೊಳೆದು ಅನಂತರ 10 ನಿಮಿಷ ನೆನೆಯಲು ಬಿಡಿ. ಈಗ ಮಿಕ್ಸಿ ಜಾರ್ ತೆಗೆದುಕೊಂಡು ಅದಕ್ಕೆ ಗಸೆಗಸೆ, ಏಲಕ್ಕಿ, ಕಾಯಿ ತುರಿ ಹಾಕಿ ನೀರು ಹಾಕಿಕೊಂಡು ನುಣ್ಣಗೆ ರುಬ್ಬಿಕೊಳ್ಳಬೇಕು. ರುಬ್ಬಿದ ಈ ವಸ್ತುಗಳ ಬದಿಗಿಟ್ಟುಕೊಳ್ಳಿ.

ಈಗ ಒಲೆ ಮೇಲೆ ಪಾತ್ರೆ ಇಟ್ಟು ಅದಕ್ಕೆ ನೀರು ಹಾಕಿ ಕುದಿಬರಲು ಬಿಡಿ. ನೀರು ಕುದಿಬರುವಾಗ ನೆನೆಸಿಟ್ಟ ಗೋಧಿ ಕಡಿ ಹಾಗೂ ಬೇಳೆ ಹಾಕಿ ಲವಂಗ, ಉಪ್ಪು ಹಾಕಿ ಬೇಯಲು ಬಿಡಿ. 15 ನಿಮಿಷ ಆದರೂ ಬೇಯಲು ಬಿಡಿ. 5 ನಿಮಿಷದ ಬಳಿಕ ಇದಕ್ಕೆ ಮಿಕ್ಸಿಯಲ್ಲಿ ರುಬ್ಬಿ ಪೇಸ್ಟ್ ಮಾಡಿಕೊಂಡ ವಸ್ತುಗಳನ್ನು ಇದಕ್ಕೆ ಹಾಕಿ ಮಿಕ್ಸ್ ಮಾಡಿ. ಹಾಗೆ ರುಚಿಗೆ ತಕ್ಕಷ್ಟು ಬೆಲ್ಲ ಸಹ ಹಾಕಿಕೊಂಡು ಮಿಶ್ರಣ ಮಾಡಿ.

ನಿಮಗೆ ಯಾವ ಹದಕ್ಕೆ ಬೇಕೋ ಆ ಹದಕ್ಕೆ ನೀರು ಇಲ್ಲವೆ ಹಾಲು ಹಾಕಿಕೊಂಡು ಪಾಯಸ ದಪ್ಪ ಅಥವಾ ತೆಳು ಮಾಡಿಕೊಳ್ಳಿ. ಕೊನೆಯಲ್ಲಿ ತುಪ್ಪದಲ್ಲಿ ಹುರಿದ ಗೋಡಂಬಿ, ದ್ರಾಕ್ಷಿ, ಬಾದಾಮಿ, ಒಣ ಕೊಬ್ಬರಿಯನ್ನು ಇದಕ್ಕೆ ಹಾಕಿ ಮಿಶ್ರಣ ಮಾಡಿ. 2 ನಿಮಿಷ ಕುದಿಬರಲು ಬಿಟ್ಟು ಒಲೆ ಆಫ್ ಮಾಡಿಕೊಂಡರೆ ನಿಮ್ಮ ಮುಂದೆ ರುಚಿ ರುಚಿಯ ಗೋಧಿ ಕಡಿ ಪಾಯಸ ಸಿದ್ದವಾಗುತ್ತೆ. ನೀವು ಸಹ ಮನೆಯಲ್ಲಿ ಇದನ್ನು ಮಾಡಿ ಸವಿದು ನೋಡಿ.